រយៈពេលឃោសនាបោះឆ្នោតមានចំនួន ១៥ថ្ងៃ ដោយចាប់ផ្ដើមពីថ្ងៃទី១៨ ឧសភា រហូតដល់ថ្ងៃទី១ មិថុនា ឆ្នាំ២០១២។
លោក កែវ ផល្លា ប្រធាននាយកដ្ឋាននីតិកម្មរបស់គណៈកម្មាធិការជាតិរៀបចំការបោះឆ្នោត បានឲ្យដឹងថា ពាក្យប្ដឹងទាំងនោះទាក់ទងជាមួយការងារបោះឆ្នោតទាំងអស់៖ «ខុសមាត់ខុសកគ្នាបន្តិចបន្តួច ខ្លះរលំស្លាកអី រកមិនមនុស្សបាន ជួនកាលខ្យល់បក់រលំ ក៏ប្ដឹងទៅ ទី១។ ទី២ ឃោសនាទៅនិយាយមាត់កធំដុំដាក់គ្នាក៏ប្ដឹងទៅ ភាគច្រើន ច្រើនតែពេលផឹកនិយាយឌឺដងដាក់គ្នា ដល់អ៊ីចឹងប្ដឹង។ យើងសម្រួលទៅ ខ្លះក៏ចប់ ខ្លះក៏មិនចប់អ៊ីចឹងទៅ»។
លោក កែវ ផល្លា មិនបានឲ្យដឹងលំអិតថា តើក្នុងចំណោមពាក្យប្ដឹងទាំង ១១នោះ មកពីគណបក្សណាខ្លះឡើយ។
ការបោះឆ្នោតឆ្នោតជ្រើសរើសសមាជិកក្រុមប្រឹក្សាឃុំសង្កាត់ ប្រព្រឹត្តទៅនៅថ្ងៃទី៣ ខែមិថុនា ខាងមុខ។ មានគណបក្សនយោបាយចំនួន ១០ ចូលរួមប្រកួតដណ្ដើមតំណែងសមាជិកក្រុមប្រឹក្សាឃុំសង្កាត់ ដែលមានចំនួន ១.៦៣៣ឃុំ សង្កាត់ នៅទូទាំងប្រទេស៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។