កសិករដឹកកូនជ្រូកលក់តាមម៉ូតូ រិះគន់មន្ត្រីជំនាញដែលកាក់ទារលុយខុសច្បាប់

មានការរិះគន់ថាសមត្ថកិច្ច និងមន្ត្រីជំនាញមួយចំនួន នៅក្នុងស្រុកចុងកាល់ និងស្រុកអន្លង់វែង ខេត្តឧត្តរមានជ័យ តែងតាមកាក់ទារលុយខុសច្បាប់ ពីក្រុមប្រជាកសិករ ដែលដឹកកូនជ្រូកតាមម៉ូតូ ដើម្បីលក់ដូរ នៅតាមភូមិឃុំនានា។

ដោយ ហង្ស សាវយុត
2012-08-19

សកម្មជនសិទ្ធិមនុស្សរបស់អង្គការក្រៅរដ្ឋាភិបាល បានចាត់ទុកសកម្មភាពបែបនោះថា គឺជាអំពើខុសច្បាប់។

ប្រជាកសិករមួយចំនួន ដែលប្រកបមុខរបរដឹកកូនជ្រូក ដើរលក់នៅតាមភូមិ បានសំដែងការអន់ចិត្ត ចំពោះសមត្ថកិច្ចប៉ូលិស និងមន្ត្រីពេទ្យសត្វខ្លះ ដែលតែងតែកាក់ទារលុយពីពួកគេ នៅតាមដងផ្លូវ។

បុរសសុំមិនបញ្ចេញឈ្មោះ ដែលរស់នៅភូមិឫស្សី ឃុំរោងគោ ស្រុកក្រឡាញ់ គឺជាអ្នកប្រកបរបរដឹកកូនជ្រូកដើរលក់ ក្នុងចំណោមគ្នារបស់គាត់ជាច្រើនទៀត។ គាត់មានប្រសាសន៍កាលពីរសៀលថ្ងៃសៅរ៍ ទី១៨ ខែសីហាថា មានប៉ូលិស និងមន្ត្រីពេទ្យសត្វនៃស្រុកចុងកាល់ និងស្រុកអន្លង់វែងខ្លះ តែងតែតាមកាក់ពួកគាត់ នៅតាមដងផ្លូវ ហើយបង្ខំឱ្យបង់លុយ ដោយបញ្ជាក់មូលហេតុថា មានកំហុសដឹកសត្វឆ្លងខេត្ត ឬក៏ជុចដឹកសត្វមានទំហំធំជាដើម។

សំឡេង៖ «គេនៅអន្លង់វែង ថាគេតម្រូវមកពីខេត្តឱ្យយក (លុយ)។ មុនដំបូងគេកាក់ គេថាយក ១ ជុច ថ្លៃ ៦ ម៉ឺន។ ប៉ុន្តែខ្ញុំថា បើបងឯងយក ១ ជុច ៦ ម៉ឺនហើយ ខ្ញុំទៅរកអីបានចំណេញ?។ បើមកពីខាងជើងទៀន គឺប៉ូលិសផង ពេទ្យសត្វផង គេផាក។ ថ្ងៃមុនខ្ញុំសុំអនុញ្ញាតម្ដង គេអត់អនុញ្ញាតឱ្យ គេយក ១ ម៉ឺន ៥ ពាន់ពីខ្ញុំ។ គេថា យើងដឹកកូនជ្រូកខុសច្បាប់ឆ្លងស្រុកឆ្លងខេត្ត»។

ទោះជាយ៉ាងណាក្ដី វិទ្យុអាស៊ីសេរី មិនអាចស្វែងរកជួបមន្ត្រីប៉ូលិស និងពេទ្យសត្វ ដែលក្រុមកសិករបានចោទប្រកាន់ទាំងនោះ ដើម្បីឆ្លើយតបចំពោះរឿងនេះបានឡើយ។

ចំណែកមន្ត្រីមន្ទីរកសិកម្មខេត្តឧត្តរមានជ័យ បានចាត់ទុកសកម្មភាពឈរកាក់តាមផ្លូវ ដើម្បីទារលុយ ពីប្រជាពលរដ្ឋដឹកជញ្ជូនសត្វនោះថា ជាអំពើខុសច្បាប់។

លោក យឿន ប៊ុនថា ជាអនុប្រធានមន្ទីរកសិកម្មខេត្តឧត្តរមានជ័យ មានប្រសាសន៍ថា ពេលបច្ចុប្បន្ននេះ មន្ត្រីជំនាញពេទ្យសត្វរបស់លោកមិនមានដាក់កុងត្រូល នៅតាមដងផ្លូវនានាទេ គឺមានតែកន្លែងចាំត្រួតពិនិត្យការដឹកជញ្ជូនសត្វចល័ត ដើម្បីសុំមើលលិខិតអនុញ្ញាត ឬក៏ការពារមិនឱ្យនាំសត្វ ដែលមានជំងឺពីតំបន់ផ្សេងចូលទៅលក់ដូរ ក្នុងខេត្តរបស់លោកប៉ុណ្ណោះ។ ទោះយ៉ាងនេះក្ដី កន្លែងត្រួតពិនិត្យនោះ មិនតម្រូវឱ្យទារលុយពីក្រុមកសិករណាម្នាក់ទេ។

សំឡេង៖ «ចាំមើលខ្ញុំនឹងហៅខាងជំនាញមកធ្វើការមើល៍ ក្រែងមានមន្ត្រីណាទៅធ្វើអីចឹង។ យើងនឹងណែនាំ។ ប៉ុន្តែកន្លងមក ដូចជា មិនដែលមានទេ ព្រោះបើខាងពេទ្យសត្វខ្ញុំ ធ្វើអ៊ីចឹង គេត្រូវតែជូនដំណឹងមកខ្ញុំ រាយការណ៍មកខ្ញុំ សុំការអនុញ្ញាតអី។ ដូចជាមិនដែលហ៊ានធ្វើឆៅៗ អីចឹងទេ»។

លោក ស្រី ណារ៉េន ជាអ្នកសម្របសម្រួលសមាគមការពារសិទ្ធិមនុស្ស អាដហុក (ADHOC) ខេត្តឧត្តរមានជ័យ បានចាត់ទុកសមត្ថកិច្ច និងមន្ត្រី ដែលកាក់ទារលុយពីកសិករដឹកជញ្ជូនសត្វលក់ដូរ នៅតាមដងផ្លូវនោះថា ជាអំពើខុសច្បាប់។

លោក ស្រី ណារ៉េន មានប្រសាសន៍ថា ប្រសិនបើក្រុមកសិករស្គាល់មុខ និងឈ្មោះសមត្ថកិច្ច រួមទាំងមន្ត្រីពេទ្យសត្វនោះ ហើយធ្វើពាក្យបណ្ដឹងដាក់ទៅការិយាល័យរបស់លោក គឺលោកនឹងស៊ើបអង្កេតទៅលើករណីនេះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

អត្ថបទដែលទាក់ទង

មតិ (3)

ចុចត្រង់នេះដើម្បីបន្ថែមយោបល់របស់អ្នក

Independent Source

Whenever there are questions regarding corruption, the authorities always come up clean and deny their involments. Usually, they can't be reached for comments. This is a clasic case.

Aug 20, 2012 12:16 AM

អ្នកអានអនាមិក

Why need permit to sell piglet or chicken or other produces??? This put too much unseen burden to farmers.How can Hun Sen govt reduce poverty if police suck their income everywhere. I don't mind to get money from tycoons-not from poor farmers.

Aug 19, 2012 11:15 AM

Vuth Lee

ពី Lowell, Massachusetts,U.S.A

From the highest ranking down to the lowest one, they are happily to commit corruption. In this case, even the veterinarians(animal doctors) have no shame in taking money from these poor, piglet vendors. It's seem that the corruption in Cambodia can be compared to cancer or HIV virus that could not be completely cured. It's will be No Cure-All the Corruptions in the Fake Royal Kingdom of Cambodia if Hun Sen and his relatives are continue to have the threatening power over all poor Cambodians in their bloody hands!!!!!!I'm so sick and tired with this and I think all Cambodians who like to see our Nation prosperity once again as In Angkor Era, will join me...

Aug 19, 2012 08:21 AM