អ្នកនាំពាក្យនៃអង្គជំនុំជម្រះវិសាមញ្ញ គឺលោក ឡារស៍ អលសិន (Lars Olsen) បានឲ្យដឹងថា អតីតមេដឹកនាំជាន់ខ្ពស់ខ្មែរក្រហមទាំងពីររូប នឹងត្រូវនាំខ្លួនមកកាន់តុលាការក្នុងសប្តាហ៍នេះ នៅចំពោះមុខចៅក្រមស៊ើបអង្កេតដើម្បីជូនដំណឹងអំពីការចោទប្រកាន់នេះ។
នួន ជា បច្ចុប្បន្នអាយុ ៨៣ឆ្នាំ ជាអតីតមេដឹកនាំជាន់ខ្ពស់ ដែលគេស្គាល់ថា ជាបងធំទី២ បន្ទាប់ពី ប៉ុល ពត និងលោក អៀង សារី អាយុ ៨៤ឆ្នាំ ជាអតីតរដ្ឋមន្រ្តីក្រសួងការបរទេស ក្នុងរបបកម្ពុជាប្រជាធិបតេយ្យ-ខ្មែរក្រហម៕