ក្រុមហ៊ុនប្រេងឥន្ធនៈរបស់ដាណឺម៉ាកចាប់ដំណើរការនៅកម្ពុជា
ts.mp3
ក្រុមហ៊ុនផ្គត់ផ្គង់ប្រេងឥន្ធនៈរបស់ប្រទេសដាណឺម៉ាក នោះ ឈ្មោះ ហ្គូហ្វ បាងខឺ ខេមបូឌា (Go4 Bunker Cambodia Co., Ltd.) បានទទួលអាជ្ញាប័ណ្ណពីរដ្ឋាភិបាលកម្ពុជា នៅឆ្នាំ២០១២ នេះ ដើម្បីផ្គត់ផ្គង់ប្រេង ឬលក់ប្រេងចំនួន ១ម៉ឺនតោនក្នុងមួយខែ ទៅឲ្យនាវាដឹកប្រេងអន្តរជាតិនានា ដែលឆ្លងកាត់ដែនសមុទ្រកម្ពុជា។
ប្រភពប្រេងដែលក្រុមហ៊ុនត្រូវផ្គត់ផ្គង់នោះ គឺជាប្រេងដឹកចូលមកពីតំបន់មជ្ឈិមបូព៌ា (Middle East) និងប្រទេសនានានៅអឺរ៉ុបខាងកើត (East Europe) ប៉ុន្តែនៅពេលក្រុមហ៊ុនរាវរកប្រេងរបស់សហរដ្ឋអាមេរិក ឈ្មោះ សឺវរ៉ុន (Chevron) នឹងចាប់ផ្ដើមបូមយកប្រេងពីបាតសមុទ្រកម្ពុជា នៅខេត្តព្រះសីហនុ គឺក្រុមហ៊ុន ហ្គូហ្វ បាងខឺ ខេមបូឌា នឹងចាប់ផ្ដើមលក់ប្រេងនោះឲ្យទៅនាវាដឹកប្រេងអន្តរជាតិនៅពេលនោះដែរ។
ប្រភពពីក្រុមហ៊ុនមិនបានប្រាប់ឲ្យដឹងអំពីចំនួនទឹកប្រាក់វិនិយោគ និងរយៈពេលមកវិនិយោគនៅកម្ពុជា នោះទេ ប៉ុន្តែជាជំនួញមួយទាក់ទងនឹងអាជ្ញាធរជាតិប្រេងកាតកម្ពុជាដែរ។
នាយកក្រុមហ៊ុន ហ្គូហ្វ បាងខឺ ខេមបូឌា លោក ច័ន្ទ ដារ៉ារិទ្ធ បានមានប្រសាសន៍ប្រាប់អ្នកកាសែតនៅថ្ងៃទី១០ ខែតុលា ថា កម្ពុជាក្លាយជាដៃគូល្អជាមួយក្រុមហ៊ុនរបស់លោក៖ «ជាគោលការណ៍យើងបានទំនាក់ទំនង និងជម្រាបជូនទៅរដ្ឋាភិបាលថា ពាណិជ្ជកម្មរបស់យើងគឺផ្ដល់ជូនកប៉ាល់អន្តរជាតិ ដែលឆ្លងកាត់ដែនសមុទ្រកម្ពុជា។ ខ្ញុំសូមជម្រាបជូនអស់លោកដែរថា កន្លងមកនៅក្នុងប្រទេសកម្ពុជា ពុំមានការផ្គត់ផ្គង់ប្រេងកប៉ាល់ទេ។ កប៉ាល់ដែលឆ្លងកាត់ដែនសមុទ្រយើង គឺឆ្លងទៅចាក់នៅថៃ ឆ្លងទៅចាក់នៅសិង្ហបុរី ទាំងអស់។ នេះជាលើកទី១ហើយដែលទាញផលប្រយោជន៍មកដល់ប្រទេសកម្ពុជា»។
លោកបានបញ្ជាក់ថា ក្រុមហ៊ុនរបស់លោកនឹងបង់ពន្ធជូនរដ្ឋាភិបាលកម្ពុជា នៅពេលណាចាប់ផ្តើមលក់ប្រេង និងសេវាកម្មលក់ប្រេងចាប់ផ្ដើមដំណើរការ។
រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ លោក ហង្ស ជួនណារ៉ុន បានមានប្រសាសន៍ថា លោកសាទរចំពោះវត្តមាននៃក្រុមហ៊ុននេះ។
ជាមួយគ្នានេះដែរ ឯកអគ្គរាជទូតប្រទេសដាណឺម៉ាក លោក មីកែល ហីមនីទី វិនធឺ (Mikael Hemniti Winther) បានមានប្រសាសន៍ថា អ្វីដែលយើងត្រូវគិតនោះ គឺស្វែងរកដៃគូល្អមួយ៖ «មូលហេតុដែលយើងមកសម្ពោធនៅទីនេះ គឺស្ថានទូតបានទាក់ទង និងផ្ដល់យោបល់ឲ្យក្រុមហ៊ុននេះមកកម្ពុជា»។
សេចក្ដីប្រកាសព័ត៌មានរបស់ក្រុមហ៊ុន ហ្គូហ្វ បាងខឺ ខេមបូឌា បានឲ្យដឹងថា ក្រុមហ៊ុននេះឈរជើងប្រតិបត្តិការនៅដែនសមុទ្រកម្ពុជា នៅក្បែរច្រកចេញចូលរបស់នាវាអន្តរជាតិ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្នកអានអនាមិក
I think neither Hun Sen nor Sok Ann will have any percentage in the company. but their cousin, nephew nieces will!!! and a lot!!!!who own exactly the Cambodian company??? the natural resources belong to all khmer people but benefits go to only a few cpp member family. but let's wait if they realise later on that they should distribute the oil benefit to all cambodian people. if not, the destiny will tell us how they finish. remember sadam, and kadhafi!!!!
Oct 11, 2012 07:11 AM
អ្នកអានអនាមិក
អាណិតពួកអ្នកមុនៗ ចង់មានមុខរកស៊ី មិនដឹងគ្នាចាយលុយរត់ការអស់ប៉ុន្មានទៅទេ????
Oct 10, 2012 11:17 PM
អ្នកអានអនាមិក
ពេលមានចំណូលពីប្រេង តើរាស្រ្តសង្ឃឹមទទួលបានថ្នាំ PARA មួយគ្រាប់ មិនគិតលុលពីរបបនេះដែរឬទេ???????
Oct 10, 2012 11:14 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
