កម្ពុជាត្រៀមវិធានការចំពោះគ្រោះរាំងស្ងួតនិងទឹកជំនន់
h082912ts.mp3
គេឃើញមានមន្ត្រីតំណាងមកពីកាកបាទក្រហមកម្ពុជា ក្រសួងធនធានទឹក និងឧតុនិយម ក្រសួងកសិកម្ម រុក្ខាប្រមាញ់ និងនេសាទ ព្រមទាំងមន្ត្រីកងអង្គរក្សរបស់លោកនាយករដ្ឋមន្ត្រី ហ៊ុន សែន មកចូលរួមដែរ។
អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយលោក ញឹម វណ្ណដា នៅថ្ងៃទី២៩ ខែសីហា បានសំដែងការព្រួយបារម្ភអំពីគ្រោះរាំងស្ងួត និងគ្រោះទឹកជំនន់ ដែលកំពុងតែគំរាមកំហែងប្រជាពលរដ្ឋជាច្រើនខេត្ត នៅប្រទេសកម្ពុជា ប៉ុន្តែ កម្លាំង និងសម្ភារៈសង្គ្រោះ ត្រូវបានរៀបចំរួចហើយ សម្រាប់ដោះស្រាយនៅគ្រាចាំបាច់។
របាយការណ៍របស់មន្ត្រីជំនាញគ្រប់គ្រងគ្រោះមហន្តរាយ បានឲ្យដឹងថា រហូតមកដល់ពេលនេះ ស្រុកចំនួន៧០ និងឃុំចំនួន៣២០ នៅខេត្តចំនួន៣ កំពុងតែរងគ្រោះរាំងស្ងួតធ្ងន់ធ្ងរជាងគេ។ ដំណាំស្រូវចំនួនជាង១សែន៣ម៉ឺនហិកតារ រងការប៉ះពាល់។
រដ្ឋាភិបាលនឹងត្រៀមស្បៀងអាហារចំនួន១សែន៦ម៉ឺនតោន សម្រាប់សង្គ្រោះបន្ទាន់នៅឆ្នាំ២០១២ នេះ។ មន្ត្រីជំនាញគ្រប់គ្រងគ្រោះមហន្តរាយ បានប៉ាន់ស្មានថា គ្រោះរាំងស្ងួតនៅឆ្នាំ២០១២ គឺប្រហាក់ប្រហែលនឹងគ្រោះរាំងស្ងួតកាលពីឆ្នាំ២០០១ កន្លងទៅនេះ។
អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ លោក ញឹម វណ្ណដា បានមានប្រសាសន៍ប្រាប់អ្នកកាសែតថា យើងកំពុងតែប្រឈមមុខនឹងគ្រោះមហន្តរាយចំនួនពីរនៅពេលតែមួយ៖ «រឿងទី១ យើងត្រៀមទឹកជំនន់ វាមិនទាន់មានបញ្ហា ប៉ុន្តែការប្រជុំថ្ងៃនេះគិតថាវានឹងអាចប្រែប្រួលនៅពេលខាងមុខនេះ។ អាកាសធាតុជួនកាលវាអាចមានទឹកជំនន់ដែរ តែរយៈពេលមិនយូរទេ ព្រោះពីមុនទឹកជំនន់នៅខែ៧ ខែ៨ ខែ៩ ខែ១០ តែឥឡូវនេះ ខែ៩ ឥឡូវហ្នឹង អ៊ីចឹង ខែ៨ ខែ៩ ខែ១០ មានបញ្ហា។ ប្រឈមមុខមួយទៀត គឺរាំងស្ងួត ទោះបីប៉ុន្មានថ្ងៃនេះ មានភ្លៀងធ្លាក់ជាហូរហែមែន ប៉ុន្តែវាបានសម្រាប់តែស្រូវដែលបានបង្កបង្កើនផលហើយ ប៉ុន្តែស្រូវងាប់ហើយ វាងាប់ហើយ។ ឯដីដែលមិនទាន់បង្កបង្កើនផលបាននោះ យើងក៏មិនទាន់បានដាស់ មិនទាន់បានភ្ជួរ មិនទាន់បានដកស្ទូងដែរ នេះជាបញ្ហាប្រឈមមុខ»។
ទាក់ទងនឹងការដោះស្រាយគ្រោះមហន្តរាយនេះ មន្ត្រីសម្របសម្រួលអង្គការសហប្រជាជាតិ នៅកម្ពុជា លោក ឌឹកក្លាស ប៊្រូដឺរីក (Douglas Broderick) បានមានប្រសាសន៍ថា យើងត្រៀមខ្លួនដើម្បីដោះស្រាយបញ្ហាគ្រោះមហន្តរាយជាមួយគ្នា។
កងកម្លាំងអន្តរាគមន៍ដែលត្រៀមខ្លួនដើម្បីសង្គ្រោះបន្ទាន់ខាងមុខនេះ មានដូចជា កងទ័ពជើងគោកចំនួន៣.៥០០នាក់ កងទ័ពជើងទឹកចំនួន១.០២៧នាក់ កងរាជអាវុធហត្ថចំនួន៥.២៧០នាក់ និងកងវិស្វកម្ម ដើម្បីជួសជុលផ្លូវថ្នល់ និងស្ពាន និងដឹកជញ្ជូនប្រជាពលរដ្ឋ។
គ្រោះទឹកជំនន់ កាលពីឆ្នាំ២០១១ កន្លងទៅនេះ បានប៉ះពាល់ដល់ខេត្ត-ក្រុងចំនួន១៨ និងប្រជាពលរដ្ឋចំនួនជិត២លាននាក់ ក្នុងនោះប្រជាពលរដ្ឋចំនួន២៥០នាក់ បានស្លាប់ ភាគច្រើនជាកុមារ។ ការខូចខាតសរុប គឺមានតម្លៃ៥០០លានដុល្លារអាមេរិក៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
CheyVorman007
ពី AngKor Watជំនាន់ខ្មែរក្រហមមានប្រឡាយខ្វាត់ខ្វែង (សុំធីបចោលពីរឿង
អង្ការ) ជំនាន់នេះមានសុទ្ធតែម៉ាស៊ីនជ្នីកធំតូច ទឹកស្រុកខ្មែរ
សោទ យកទៅណាអស់កន្លែងខ្លះ ម៉េចមិនទាញពីអាកន្លែង
មានហូរហៀហ្នុងមកប្រើ ពិបាកណាស់ហ្អេ?? បើគ្មានសម្ថភាព
អោយគេជួយគិតគូរផងទៅ ស្អីអញៗ មិនសួរខ្លួនវិញ ស្អីអញហ្នឹង?
Aug 31, 2012 01:29 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
