ប៉ូលិសកំពុងរៀបចំឯកសារបញ្ជូនជនសង្ស័យសម្លាប់កូនបង្កើតទៅតុលាការ
h082912cp.mp3
ការរៀបចំបញ្ជូនខ្លួនជនសង្ស័យនោះ គឺធ្វើឡើងបន្ទាប់ពីឪពុករូបនោះជាប់សង្ស័យថា បានច្របាច់ក និងខ្ទប់ដង្ហើមសម្លាប់កូនខ្លួនឯងពីរនាក់របស់ខ្លួន រួចហើយប៉ងសម្លាប់ខ្លួនឯងជាក្រោយ ក៏ប៉ុន្តែ ត្រូវបានគេជួយសង្គ្រោះយកទៅមន្ទីរពេទ្យទាន់។
ជនសង្ស័យឈ្មោះ កែវ ឡាដាំង ដែលគេជឿថាសម្លាប់កូនប្រុសបង្កើតរបស់ខ្លួនពីរនាក់ ត្រឡប់មកពីមន្ទីរពេទ្យវិញហើយនៅថ្ងៃទី២៩ សីហា ឆ្នាំ២០១២ និងស្ថិតនៅអធិការដ្ឋានខណ្ឌពោធិ៍សែនជ័យ។
អធិការរងខណ្ឌពោធិ៍សែនជ័យ លោក វង សេរីវុទ្ធ ឲ្យដឹងនៅថ្ងៃទី២៩ សីហា ថា លោក កែវ ឡាដាំង មានសុខភាពល្អឡើងវិញ បន្ទាប់ពីបុរសរូបនេះត្រូវគេបញ្ជូនទៅដល់មន្ទីរពេទ្យដើម្បីសង្គ្រោះបន្ទាន់។ លោក កែវ ឡាដាំង បានអារកដៃសម្រក់ឈាម ប៉ុនប៉ងសម្លាប់ខ្លួន ក្រោយពេលសម្លាប់កូនខ្លួនឯងរួចមក។
លោក វង សេរីវុទ្ធ បញ្ជាក់បន្ថែមថា អធិការខណ្ឌពោធិ៍សែនជ័យ កំពុងរៀបចំសំណុំរឿង ដើម្បីបញ្ជូនជនសង្ស័យទៅកាន់តុលាការសាលាដំបូងរាជធានីភ្នំពេញ៖ «នៅកន្លែងប៉ូលិសនៅឡើយ កំពុងរៀបចំសំណុំឯកសារបញ្ជូនទៅតុលាការ»។
ទាក់ទងនឹងការសម្លាប់កូនខ្លួនឯងនេះ ជំទប់ទី១ ខណ្ឌពោធិ៍សែនជ័យ លោក វ៉ា សារ៉ង មានប្រសាសន៍ថា មូលហេតុនាំឲ្យជនសង្ស័យឈានដល់សម្លាប់កូនប្រុសបង្កើតរបស់ខ្លួននោះ ដោយសារបុរសរូបនេះពិបាកចិត្តនឹងការចាញ់ល្បែង និងខឹងប្រពន្ធលែងលះនឹងខ្លួន៖ «បន្ទាប់ពីមានការបែកបាក់ រស់នៅមិនចុះសម្រុងគ្នារវាងប្ដីប្រពន្ធ គាត់ហ្នឹងក៏បែរទៅជាលេងល្បែងស៊ីសង ដល់ហើយមានការចាញ់ច្រើន បំផ្លាញទ្រព្យសម្បត្តិច្រើន»។
ស្រដៀងគ្នានេះ លោក វង សេរីវុទ្ធ លើកឡើងថា តាមចម្លើយរបស់ជនសង្ស័យ បានឆ្លើយថា ខ្លួនមិនចង់ឃើញកូនទាំងពីរនាក់រស់នៅកំព្រា ដោយឃើញឪពុកម្ដាយខ្លួនឯងបែកបាក់គ្នា ដូច្នេះទើបខ្លួនសម្រេចចិត្តសម្លាប់កូននោះ៖ «ករណីដែលថា វាមានបញ្ហាខ្លះៗក្នុងគ្រួសារ ទីមួយ ប្ដីប្រពន្ធវាលែងលះគ្នា នៅសល់កូនពីរនាក់ហ្នឹង ហើយប្រពន្ធនៅឯរកាកោងឯណោះ។ ទីពីរ បញ្ហាដែលស្មុគស្មាញរបស់វា កង្វល់របស់វាហ្នឹង បញ្ហាលេងល្បែង លេងអីស៊ីសងទៅ ដល់ពេលវាចាញ់ច្រើនទៅ ដល់ពេលវាតុកស៊ិកវាផង វាបង្កបញ្ហាហ្នឹងឡើង»។
ចៅសង្កាត់ចោមចៅ លោក វ៉ា សារ៉ង ឲ្យដឹងថា លោក កែវ ឡាដាំង ជាទាហានផ្នែករដ្ឋបាលកងវិស្វកម្ម នៃអគ្គបញ្ជាការកងទ័ពជើងគោក បានសម្លាប់កូនខ្លួនឯងបង្កើត ដោយច្របាច់ក និងខ្ទប់ដង្ហើមឲ្យស្លាប់ កាលពីថ្ងៃទី២៨ ខែសីហា។ កូនប្រុសពីរនាក់ដែលស្លាប់នោះ ទី១ ឈ្មោះ កែវ សុវណ្ណ អាយុ៧ឆ្នាំ និងទី២ ឈ្មោះ កែវ ដារ៉ា អាយុ៣ឆ្នាំ ស្ថិតនៅភូមិព្រៃព្រីងខាងត្បូង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។ មូលហេតុឈានដល់ការសម្លាប់កូនខ្លួន ដោយសារបុរសនេះចាញ់ល្បែង និងខឹងប្រពន្ធខ្លួនឯងសុំលែងលះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
Kakrang
ពី TakhmaoCannot blame the divorce for this atrocious act. He probably want to threat his wife for not reconcile with him, therefore he hold his children as hostage. But when he ran out of hope, he rather take his children lives than gave up these children to his wife or to his mother. What a selfish act!! cannot think of any human being decide to do such an act. he may be insane- sick and crazy. No one can detect this act before it become disastrous.
Aug 31, 2012 12:15 AM
Cheath
The government through ministry of interior establish the commune/safety village to protect the gambling but actually, the soldier and police who have authorize to intervention was playing that all game so how can the law success? If Hun Sen stil continous to be prime minister the game and corruption among the public servants are still the same.
Aug 29, 2012 11:17 PM
ទិនហ្វី
ពី ប៉េកាំងប្រឹងជួយវាធ្វើអី បើវាហ៊ានសម្លាប់កូនឯងយ៉ាងនេះ។ ទុកឲ្យវាងាប់ទៅមិនទុក...
Aug 29, 2012 10:53 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
