ភ្លើងឆេះអគារបន្ទាយអង្គរក្សជាស៊ីមនៅខណ្ឌចំការមន

ដោយ សេក បណ្ឌិត

2009-11-25

អគ្គិភ័យមួយបានឆាបឆេះបន្ទាយអង្គរក្សជាន់ទី២ ស្ថិតនៅជិតភូមិគ្រឹះ លោក ជា ស៊ីម ប្រធានព្រឹទ្ធសភា ក្នុងខណ្ឌចំការមន នៅថ្ងៃពុធ ២៥ វិច្ឆិកា ប៉ុន្តែពុំមានបង្កគ្រោះថ្នាក់និងខាតបង់ធ្ងន់ធ្ងរឡើយ។

RFA/Sek Bandith

២៥-វិច្ឆិកា-០៩: រថយន្តពន្លត់អគ្គិភ័យនៅកន្លែងកើតហេតុ ក្នុងខណ្ឌចំការមន រាជធានីភ្នំពេញ

នៅម៉ោងប្រមាណជិត១១ថ្ងៃត្រង់ថ្ងៃ២៥ វិច្ឆិកា អគ្គិភ័យមួយបានគំរាមកំហែងអគារអង្គភាពអង្គរក្សការពារលោក ជា ស៊ីម ប្រធានព្រឹទ្ធសភា ដែលស្ថិតនៅផ្លូវលេខ៤៦២ ភូមិ១៧ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ខាងក្រោយទីស្នាក់ការកណ្តាលគណបក្សប្រជាជន។

ទីកើតហេតុនេះស្ថិតនៅចំកណ្តាលចំណោមភូមិគ្រឹះរបស់មន្រ្តីថ្នាក់កំពូលៗក្នុងរដ្ឋាភិបាលកម្ពុជា យ៉ាងនេះហើយបានជាមន្រ្តីសមត្ថកិច្ចមានក្តីព្រួយបារម្ភយ៉ាងខ្លាំង ដោយបើកយុទ្ធនាការចុះពន្លត់នេះភ្លាមៗ និងមានសកម្មភាពមមាញឹក មានការទទួលខុសត្រូវខ្ពស់ជាងបណ្តាកន្លែងផ្សេងៗ នេះបើតាមការបញ្ជាក់ឲ្យដឹងពីប្រធានការិយាល័យនគរបាល បង្ការនិងពន្លត់អគ្គិភ័យរាជធានីភ្នំពេញ លោក នេត វន្ថា។

លោក នេត វន្ថា មានប្រសាសន៍ឲ្យដឹងបន្តថា ដោយសារមានការទទួលខុសត្រូវខ្ពស់មួយជាពីរ ក្នុងការចុះពន្លត់អគ្គិភ័យ ក្រោមការចុះបញ្ជាផ្ទាល់ពីអគ្គស្នងការរាជធានីភ្នំពេញ លោក ទូច ណារ៉ុថ បេសកកម្មពិសេសនេះទទួលបានជោគជ័យក្នុងរយៈពេលតែមួយម៉ោងប៉ុណ្ណោះ។

លោក នេត វន្ថា មានប្រសាសន៍ដូច្នេះថា ៖ «ខូចខាតតែ២បន្ទប់ មួយផ្ទះហ្នឹងគឺមាន២បន្ទប់ ខូចខាតសម្ភារៈទាំងស្រុង។ សមត្ថកិច្ចយើងព្រួយបារម្ភព្រោះជារដូវក្ដៅ រដូវធ្លាក់ខ្យល់ស្ងួត ហើយយើងឃើញថា ប្លុកនេះជាប្លុកសំខាន់របស់ថ្នាក់ដឹកនាំកំពូលៗស្នាក់នៅទីនេះ អ៊ីចឹងយើងបារម្ភមែនទែន។ ឡានទឹកដែលយើងខ្ញុំបានចេញមកថ្ងៃនេះ គឺ៩គ្រឿង ចេញមកហូរហែ»។

នាយអង្គរក្សមួយរូបសុំមិនបញ្ចេញឈ្មោះ ដែលបានឃើញហេតុការណ៍ផ្ទាល់ភ្នែក បានប្រាប់វិទ្យុអាស៊ីសេរីថា ជាសំណាងល្អប្រជាពលរដ្ឋនៅទីនេះគេចផុតពីការរងគ្រោះដោយអគ្គិភ័យនេះ ដោយសារតំបន់ជុំវិញកន្លែងកើតហេតុសុទ្ធតែផ្ទះអ្នកធំ ដែលក្រុមពន្លត់អគ្គិភ័យមកលឿនទាន់ចិត្ត និងមានរថយន្តច្រើនគ្រឿងបាញ់សម្រុកពន្លត់ព្រមគ្នា។

អង្គរក្សដែលសុំមិនបញ្ចេញឈ្មោះឲ្យដឹងដូច្នេះ ៖ «ផ្ទះថ្នាក់ដឹកនាំអ៊ីចឹងហើយ គេខ្លាច គេប្រយ័ត្នប្រយែង មិនមែនដូចផ្ទះប្រជាពលរដ្ឋក្រៅៗអី យឺតយ៉ាវដោយសារជួនកាលគេមិនសូវយកចិត្តទុកដាក់»។

លោក ទូច ណារ៉ុថ អគ្គស្នងការរាជធានីភ្នំពេញ មានប្រសាសន៍នៅនឹងកន្លែងកើតហេតុថា ពិតហើយ ទីនេះជាតំបន់ភូមិគ្រឹះថ្នាក់ដឹកនាំកំពូល មានប្រធានព្រឹទ្ធសភា រដ្ឋសភា ឧបនាយករដ្ឋមន្រ្តីជាដើម ដែលត្រូវមានការការពារខ្ពស់ និងមិនត្រូវឲ្យមានហេតុការណ៍អគ្គិភ័យនេះកើតឡើងជាដាច់ខាត។

លោកសូមអំពាវនាវដលប្រជាពលរដ្ឋថា ៖ «យើងសំណូមពរឲ្យប្រជាពលរដ្ឋលោកមានការប្រុងប្រយ័ត្នផង ពឹងតែសមត្ថកិច្ច ងាប់សមត្ថកិច្ចហើយ អ៊ីចឹងទាល់តែចេះការពារខ្លួនឯង»។

នៅក្នុងខែវិច្ឆិកានេះគេកត់សម្គាល់ឃើញថា នៅក្នុងរាជធានីភ្នំពេញ មានគ្រោះអគ្គិភ័យកើតមានផ្ទួនៗគ្នាជាច្រើនកន្លែង ដូចជាកាលពីថ្ងៃទី១៩កន្លងទៅ អគ្គិភ័យបានបំផ្លាញផ្ទះជនជាតិចាម ក្នុងខណ្ឌឫស្សីកែវ ចំនួន២៤៣ខ្នង ហើយកាលពីថ្ងៃច័ន្ទ ដើមសប្តាហ៍នេះ បានឆេះនៅសង្កាត់ស្វាយប៉ាក និងនៅថ្ងៃអង្គារ បានឆេះនៅសង្កាត់បឹងសាឡាង ប៉ុន្តែមិនធ្ងន់ធ្ងរដូចនៅភូមិជនជាតិចាម ក្នុងសង្កាត់ច្រាំងចំរេះ២នោះទេ៕

បោះពុម្ព អ៊ីម៉េល

មតិ

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួលនិងអាចចុះផ្សាយបានយោងតាមលក្ខខណ្ឌនៃការប្រើប្រាស់របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរីមិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។

NOKOPHNOM ពី FUNON :

Hey! Mr.Toch Naroth, your clear comment over fire. If you dont I dont know. None wants to have fire and if there fire happen it must be the right of police fire to help them. Request police fire did the same to all khmer.

2009-11-27 03:00

Bun Lem ពី Bombay :

Chea Sim seems too lucky and his flatter men, the fire not burned down completely their building residences. Also it reminds us that our Khmer society still keep the gap quite long between the poor and the rich or they still follow the caste system of India? They serve only their groups. Anyone dare to challenge them, will face the grave consequences.

2009-11-26 23:20

អ្នកអានអនាមិក :

The poor have to take care by themself, this is the words from High Ranking Official. So therefore, the high ranking officials of Cambodia government don want resign from their top position like prime minister, Senator, Natioanl Assembly president.

2009-11-26 02:39

អ្នកអានអនាមិក :

2009-11-26 02:39

Khmer Patiot ពី Stockton California :

Do n't you know that in Cambodia there is no equality for any reasons what so ever? There is no real Democracy exits in Cambodia yet and now it is time.

2009-11-26 00:53

មើលមតិទាំងអស់.