រដ្ឋាភិបាលកំពុងពិចារណាអនុញ្ញាតឲ្យបរទេសទិញផ្ទះល្វែងនៅស្រុកខ្មែរបាន
ដោយ សាន សុវិទ្យ
2008-08-28
រដ្ឋាភិបាលខ្មែរកំពុងគិតគូរចេញការធានាឲ្យជនបរទេសអាចមានសិទ្ធិទិញផ្ទះល្វែងបាន តែមិនអាចទិញដីបានទេ ដោយខ្លាចត្រូវចោទថា រដ្ឋាភិបាលលក់ដីឲ្យយៀកណាម។
កម្មករធ្វើការនៅលើសំណង់អគារមួយកន្លែងក្នុងទីក្រុងភ្នំពេញ។ រដ្ឋាភិបាលខ្មែរកំពុងពិចារណាអនុញ្ញាតឲ្យបរទេសអាចទិញផ្ទះល្វែងនៅស្រុកខ្មែរបាន ប៉ុន្តែមិនអាចទិញដីបានទេ។
លោករដ្ឋមន្ត្រីក្រសួងព័ត៌មាននិងជាអ្នកនាំពាក្យរដ្ឋាភិបាល មានប្រសាសន៍ ថា មិនដែលមានច្បាប់ហាមឃាត់ការទិញផ្ទះល្វែង តែក៏ត្រូវចេញជាឯកសារធានាឲ្យបរទេសមានអារម្មណ៍នឹងន។
លោក ខៀវ កាញារីទ្ធ មានប្រសាសន៍ដូច្នេះថា ៖ «ឧបមាថា គេមកធ្វើគ្រូបង្រៀន ឬគេមកបើកភោជនីយដ្ឋាន ឬក៏បើកសណ្ឋាគារ គេចង់បើកប្រមាណ ៥០-៦០ឆ្នាំ មិនឲ្យគ្នាមានកន្លែងនៅម៉េចនឹងកើត បើជួលផ្ទះមួយខែៗអស់ច្រើន អ៊ីចឹងគេអាចទិញផ្ទះល្វែងបាន ប៉ុន្តែដីអត់ទិញបានទេ អាហ្នឹងគឺអ៊ីចឹង។ ប៉ុន្តែនៅស្រុកគេ ដូចអង់គ្លេស នៅអូស្រ្ដាលី អីហ្នឹង គេទិញទាំងដីបានទៀតឯណោះ ប៉ុន្តែយើងអត់អនុញ្ញាតអ៊ីចឹងបានទេ ពីព្រោះមិនអ៊ីចឹងទេ វាទី១ ចោទថារដ្ឋាភិបាលខ្មែរ លក់ដីឲ្យយួន ទី២ ថារដ្ឋាភិបាលខ្មែរ លក់ដីឲ្យបរទេស។ អត់ទេ យើងអត់ទៅបានទេ»។
លោករដ្ឋមន្ត្រី ខៀវ កាញារីទ្ធ មានប្រសាសន៍ថា នយោបាយនេះនឹងជួយជំរុញឲ្យសេដ្ឋកិច្ចកាន់តែរីកចម្រើន តែក៏នឹងមានប្រយោជន៍ក្នុងការទាក់ទាញធនធានមនុស្សខាងវិស័យប្រាជ្ញាស្មារតីច្រើនជាង ៖ «គ្រូបង្រៀន អ្នកស្រាវជ្រាវ អ្នកវិទ្យាសាស្រ្ដ ច្រើនណាស់ អ្នកវិនិយោគមិនសំខាន់ទេ គេជិះយន្តហោះមួយថ្ងៃទៅនេះ មួយថ្ងៃទៅនោះ ហ្នឹងតិចទេ សំខាន់គឺខួរក្បាលដែលយើងត្រូវអូសមកចូលមកកន្លែងយើង»៕
ឧបករណ៍រឿង
|
អ៊ីម៉េល |
|
ព្រឹត្តិបត្រព័ត៌មាន |
|
បោះពុម្ព |
|
ចែករំលែករឿងនេះ |
អត្ថបទដែលទាក់ទង
ពលរដ្ឋព្រួយបារម្ភពីបញ្ហាប្រេងសាំងឡើងថ្លៃ
សកម្មភាពទិញលក់ដីក្នុងដើមឆ្នាំ២០០៩នេះមានសភាពស្ងប់ស្ងាត់
កម្ពុជាអបអរការប្រកាសរបស់អាមេរិកដកកម្ពុជាចេញពីបញ្ជីខ្មៅ
និស្សិតបញ្ចប់ការសិក្សាប្រឈមមុខនឹងភាពគ្មានការងារធ្វើ
ស.រ.អា.ប្រកាសគោលនយោបាយពាណិជ្ជកម្មថ្មីជាមួយកម្ពុជានិងលាវ
ក្រុមហ៊ុនកូរ៉េខាងត្បូងគ្រោងវិនិយោគលើដំណាំពោតនៅស្រុកខ្មែរ
ក្រុមហ៊ុនអាមេរិក-វៀតណាមសាងសង់រោងចក្រស៊ីម៉ងត៍នៅស្ទឹងត្រែង
សេដ្ឋកិច្ចកម្ពុជានឹងកើនប្រមាណ៧%នៅឆ្នាំ២០០៩
ក្រុមហ៊ុនវៀតណាមគ្រោងនាំឧសថមកលក់នៅកម្ពុជា
កសិករនៅស្រុកកំពង់ត្រឡាចត្អូញពីបញ្ហាតម្លៃស្រូវចុះថោក
