កម្ពុជាស្នើឲ្យឥណ្ឌាវិនិយោគលើវិស័យកសិកម្មនិងដំឡើងម៉ាស៊ីនកិនស្រូវខ្នាតធំ
h072612ts.mp3
លោកនាយករដ្ឋមន្ត្រី ហ៊ុន សែន នៅថ្ងៃទី២៦ ខែកក្កដា បានស្នើសុំឲ្យអ្នកវិនិយោគទុននៃប្រទេសឥណ្ឌា មកវិនិយោគទុន និងសាងសង់ម៉ាស៊ីនកិនស្រូវ និងកែច្នៃអង្ករឲ្យមានគុណភាពខ្ពស់នៅកម្ពុជា ដើម្បីនាំចេញទៅទីផ្សារអន្តរជាតិ តាមផែនការកំណត់របស់រដ្ឋាភិបាលនៅឆ្នាំ២០១៥។
ក្រៅពីនេះ លោក ហ៊ុន សែន បានស្នើសុំឲ្យប្រទេសឥណ្ឌា ចាប់ផ្ដើមការហោះហើរដោយត្រង់ពីប្រទេសឥណ្ឌា មកប្រទេសកម្ពុជា ដើម្បីបង្កើនទេសចរមកទស្សនាអង្គរវត្ត និងបានស្នើសុំឲ្យអ្នកវិនិយោគទុនឥណ្ឌា មកបណ្ដាក់ទុននៅប្រទេសកម្ពុជាឲ្យបានច្រើន។
ជំនួយការផ្ទាល់របស់លោកនាយករដ្ឋមន្ត្រី ហ៊ុន សែន លោក អៀង សុផល្លែត បានមានប្រសាសន៍ប្រាប់អ្នកកាសែត នៅថ្ងៃទី២៦ ខែកក្កដា ថា វិនិយោគទុនរបស់ប្រទេសឥណ្ឌា នៅប្រទេសកម្ពុជា នៅមានកម្រិតទាបនៅឡើយ៖ «ជំរុញការវិនិយោគរបស់ឥណ្ឌា មកកម្ពុជាលើវិស័យកសិកម្ម ជាពិសេសនៅក្នុងការធ្វើរោងចក្រម៉ាស៊ីនកិនស្រូវ រោងចក្រកែច្នៃផលិតផលកសិកម្ម ដូចជាដំឡូងជាដើម ព្រោះថាកម្ពុជាមានផលិតផលកសិផលជាច្រើន ដែលអាចកែច្នៃនាំចេញទៅបាន»។
ឯកអគ្គរដ្ឋទូតឥណ្ឌា លោក ឌិនណេះ ប៉ាត់និគ (Dinesh Patnaik) បានទទួលយកសំណើរបស់លោកនាយករដ្ឋមន្ត្រី ហ៊ុន សែន នៅក្នុងជំនួបនោះ។
ទាក់ទងនឹងការកែច្នៃអង្ករនោះ ប្រធាននាយកដ្ឋានដំណាំស្រូវ នៃក្រសួងកសិកម្ម រុក្ខាប្រមាញ់ និងនេសាទ លោក ងិន ឆាយ បានមានប្រសាសន៍ថា កសិករខ្មែរមានសមត្ថភាពក្នុងការផលិតស្រូវតាមផែនការដែលបានគ្រោងទុក ប៉ុន្តែកម្ពុជានៅខ្វះខាតម៉ាស៊ីនកិនស្រូវខ្នាតធំៗ អន្តរជាតិ និងម៉ាស៊ីនកែច្នៃអង្ករឲ្យស្របតាមស្តង់ដារអន្តរជាតិ សម្រាប់នាំចេញអង្ករ។
លោកបានអះអាងថា បច្ចុប្បន្ន កម្ពុជាមានម៉ាស៊ីនកិនស្រូវធំៗខ្នាតអន្តរជាតិ ចំនួនជិត ២០គ្រឿង ប៉ុន្តែកម្ពុជាត្រូវការម៉ាស៊ីនកិនស្រូវបែបនេះចំនួនសរុប ១០០គ្រឿង ទើបអាចកិនស្រូវទាន់ពេលវេលាដើម្បីនាំចេញ។
ក្រសួងកសិកម្ម រុក្ខាប្រមាញ់ និងនេសាទ កំពុងតែជំរុញឲ្យកសិករខ្មែរដាំស្រូវពូជចំនួន ១០ប្រភេទ ដើម្បីផលិតស្រូវមានគុណភាពខ្ពស់ និងបរិមាណច្រើន ដើម្បីកែច្នៃជាអង្ករប្រណិត គ្មានជីគីមី សម្រាប់នាំចេញឲ្យបានចំនួនជាង ១លានតោន ទៅទីផ្សារអន្តរជាតិ នៅឆ្នាំ២០១៥ ជាអាទិភាពរបស់កម្ពុជា ក្នុងការប្រកួតប្រជែងជាមួយប្រទេសវៀតណាម និងថៃ ជាដើម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្នកអានអនាមិក
India is one of the big rice export countries. Why should India invest on rice farming and processing in Cambodia?
Jul 31, 2012 01:10 AM
Eagle Master
ពី Pa(USA)I do agreed the king couldn't play with politice,but king is one of important tools in developing country after war.we have a wellknown king in 21century is former king (Sihanouk) we have good tools in our hands, why we are wasting please cut down more trips to China,please renavigates the wings to Europas,Britis,USA bring home with riches investors .
Jul 26, 2012 10:04 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
