អង្គការសង្គមស៊ីវិលស្នើឲ្យរដ្ឋាភិបាលឈប់គាបសង្កត់អ្នករិះគន់
ដោយ កេសរណ្ណីយ្យា
2009-06-09
ក្រុមប្រឹក្សាឃ្លាំមើលកម្ពុជាបានស្នើដល់មន្រ្តីជាន់ខ្ពស់នៃរាជរដ្ឋាភិបាល ឲ្យបញ្ឈប់ការប្រើប្រាស់ប្រព័ន្ធតុលាការដើម្បីគាបសង្កត់លើអ្នកតំណាងរាស្រ្ត អង្គការសង្គមស៊ីវិល និងអ្នកសារព័ត៌មានតទៅទៀត។
នៅក្នុងសេចក្តីថ្លែងការណ៍ដែលផ្សព្វផ្សាយនៅថ្ងៃអង្គារនេះ ក្រុមប្រឹក្សាឃ្លាំមើលកម្ពុជា បានសរសេរបង្ហាញនូវការកត់សម្គាល់អំពីការកើនឡើងនៃបណ្តឹងរបស់មន្រ្តីជាន់ខ្ពស់នៃរាជរដ្ឋាភិបាល ទៅលើសមាជិកសភា ប្រធានអង្គការពុំមែនរដ្ឋាភិបាលនិងអ្នកសារព័ត៌មានក្នុងរយៈពេលប៉ុន្មានខែនេះ ដោយចាត់ទុកថា សកម្មភាពទាំងនោះគឺជាការគំរាមកំហែងដល់សេរីភាពបញ្ចេញមតិរបស់ប្រជាពលរដ្ឋ និងជាការបិទមាត់អ្នករិះគន់រាជរដ្ឋាភិបាលក្នុងន័យស្ថាបនា។
ក្រុមប្រឹក្សាឃ្លាំមើលកម្ពុជា នៅក្នុងសេចក្តីថ្លែងការណ៍នោះបានគូសបញ្ជាក់ថា មានតែប្រទេសប្រកាន់លទ្ធិកុម្មុយនីស្តទេដែលធ្វើរបៀបនេះ រីឯសមាជិករដ្ឋាភិបាលក្នុងប្រទេសសេរីនៅលើពិភពលោកវិញ តែងតែទទួលនូវការចង្អុលបង្ហាញរបស់អ្នកតំណាងរាស្រ្តនៃបក្សប្រឆាំង អង្គការសង្គមស៊ីវិលនិងអ្នកសារព័ត៌មានយកទៅពិចារណា។
សេចក្តីថ្លែងការណ៍ក៏បានស្នើដល់មន្រ្តីជាន់ខ្ពស់រាជរដ្ឋាភិបាលកម្ពុជា សូមឲ្យដកពាក្យបណ្តឹងទាំងនោះនិងបញ្ឈប់ការប្តឹងជាបន្ទាន់ ព្រោះទង្វើនោះគឺផ្ទុយពីគោលការណ៍ប្រជាធិបតេយ្យ ដែលរាជរដ្ឋាភិបាលកម្ពុជា បានប្រកាន់យកក្នុងការដឹកនាំប្រទេសជាតិ៕
អត្ថបទដែលទាក់ទង
តំណាងអង្គការក្រៅរដ្ឋាភិបាលគ្រោងចូលរួមកិច្ចប្រជុំនៅហ្សឺណែវ
អ.ស.ប.អំពាវនាវឲ្យអាជ្ញាធររតនគិរីបញ្ឈប់ការយាយីដល់សកម្មជនសិទ្ធិមនុស្សនិងអ្នកសារព័ត៌មាន
ក្រុមសិទ្ធិមនុស្សស្នើឲ្យស៊ើបអង្កេតអំពើមិនត្រឹមត្រូវនៃអនុប្រធានតុលាការរតនគិរី
អ្នកភូមិនៅរតនគិរីនាំគ្នាផ្ដិតមេដៃស្នើសុំការវិលត្រឡប់នៃសកម្មជនសិទ្ធិមនុស្ស
សាលាឧទ្ធរណ៍បង្គាប់ឲ្យមានការស៊ើបអង្កេតបន្ថែមជុំវិញករណី ប៊ន សំណាង និងសុខ សំអឿន
អ្នកភូមិនៅរតនគិរីអះអាងថាមេភូមិមេឃុំបង្ខំពួកគេឲ្យទម្លាក់កំហុសលើអាដហុក
សមាគមអាដហុកសោកស្ដាយចំពោះការរំខានដល់ការងាររបស់ប៉ែន ប៊ុណ្ណារិ៍
មជ្ឈមណ្ឌលសិទ្ធិមនុស្សកម្ពុជាបារម្ភអំពីករណីផ្លាស់មន្ត្រីអាដហុកចេញពីរតនគិរី
មេធាវីទាមទារឲ្យលើកលែងការចោទប្រកាន់ចំពោះប៊ន សំណាង និងសុខ សំអឿន
អាដហុកផ្លាស់មន្ត្រីចេញពីរតនគិរីដើម្បីបញ្ចប់រឿងក្ដីតុលាការ
មតិ
បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួលនិងអាចចុះផ្សាយបានយោងតាមលក្ខខណ្ឌនៃការប្រើប្រាស់របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរីមិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។
មើលមតិទាំងអស់.