ថៃមួយក្រុមគំរាមថានឹងយកប្រាសាទព្រះវិហារក្នុងរយៈពេលមួយខែ

ដោយ ជា មករា

2008-07-10

សារព័ត៌មានថៃមួយឈ្មោះ The Nation បានសរសេរថាក្រុមប្រជាពលរដ្ឋថៃមួយក្រុមដែលរស់នៅក្នុងខេត្តស៊ីសាកេត បានគំរាមថានឹងយកប្រាសាទព្រះវិហារក្នុងរយៈពេលមួយខែ ដើម្បីបង្ហាញពីកំហឹងរបស់ពួកគេចំពោះការដែលប្រាសាទព្រះវិហារត្រូវបានចុះក្នុងបញ្ជីបេតិកភណ្ឌពិភពលោកនោះ ។

Photo courtesy of Tharum Bun, http://tharum.info

អ្នកទេសចរដើរសួតាមជញ្ជាំងនៃប្រាសាទព្រះវិហារដែលស្ថិតនៅលើកំពូលភ្នំដងរែកនៃខេត្តព្រះវិហារ។

កាសែត The Nation បានសរសេរថាក្រុមប្រជាពលរដ្ឋដែលបានធ្វើការតវ៉ាជិតប្រាសាទព្រះវិហារកាលពីប៉ុន្មានសប្ដាហ៍មុន បានប្រកាសកាលពីថ្ងៃពុធ ទី៩ កក្កដា ថាពួកគេនឹងយកប្រាសាទព្រះវិហារ ប្រសិនណាបើអាជ្ញាធរមិននាំប្រជាពលរដ្ឋខ្មែរចំនួនប្រមាណ៥០០គ្រួសារចេញពីលំនៅដែលតាំងលើតំបន់ជម្លោះនោះទេ ។

ក្រុមប្រជាពលរដ្ឋនោះក៏បានអំពាវនាវឲ្យរដ្ឋាភិបាលថៃនិងកម្ពុជា ប្រញាប់កំណត់ព្រំដែនឲ្យបានឆាប់បំផុតក្នុងរយៈពេល៣០ថ្ងៃ ៕

បោះពុម្ព អ៊ីម៉េល

មតិ

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួលនិងអាចចុះផ្សាយបានយោងតាមលក្ខខណ្ឌនៃការប្រើប្រាស់របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរីមិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។