បក្សសមរង្ស៊ីរំឭកខួប១៥ឆ្នាំនៃការគប់គ្រាប់បែកដៃនៅមុខអតីតរដ្ឋសភា
h033012ay
គណបក្ស សម រង្ស៊ី នៅព្រឹកថ្ងៃសុក្រ ទី៣០ ខែមីនា ឆ្នាំ២០១២ បានរៀបចំពិធីបុណ្យរំឭកខួប ១៥ឆ្នាំ ដើម្បីគោរពវិញ្ញាណក្ខន្ធបាតុករអហិង្សាដែលស្លាប់ក្នុងព្រឹត្តិការណ៍វាយប្រហារដោយគ្រាប់បែកដៃ នៅមុខអតីតមន្ទីររដ្ឋសភា កាលពីថ្ងៃ៣០ ខែមីនា ឆ្នាំ១៩៩៧។ គិតមកដល់ថ្ងៃទី៣០ ខែមីនា ឆ្នាំ២០១២ មានរយៈពេល ១៥ឆ្នាំ កន្លងមកហើយ ប៉ុន្តែសមត្ថកិច្ចរដ្ឋាភិបាលកម្ពុជា មិនទាន់ចាប់បានជនល្មើស ឬជនសង្ស័យណាម្នាក់នៅឡើយ។
ក្នុងពិធីបុណ្យរំឭកខួប លោក សម រង្ស៊ី ជាប្រធានគណបក្ស សម រង្ស៊ី បានថ្លែងផ្ទាល់តាមរយៈប្រព័ន្ធអេឡិចត្រូនិក ឬវីដេអូ ទូខន ហ្វើរិន (Video Conference) ពីក្រៅប្រទេស ដោយបានជំរុញឲ្យសមត្ថកិច្ចរដ្ឋាភិបាលវែករកមុខឃាតកយកទៅផ្ដន្ទាទោសតាមច្បាប់។
ព្រឹត្តិការណ៍វាយប្រហារដោយគ្រាប់បែកកាលពីថ្ងៃទី៣០ ខែមីនា ឆ្នាំ១៩៩៧ បានសម្លាប់មនុស្សចំនួន ១៦នាក់ និងរបួសជាង ១០០នាក់។
ទាក់ទងបញ្ហានេះ សាច់ញាតិជនរងគ្រោះដែលបានចូលរួមក្នុងពិធីបុណ្យរំលឹកខួបលើកទី១៥ ចង់ឃើញរដ្ឋាភិបាលចាប់ខ្លួនជនល្មើសមកផ្ដន្ទាទោស ដើម្បីផ្ដល់យុត្តិធម៌ជូនជនរងគ្រោះ។
លោកស្រី ឈឹម ស្រីទូច ត្រូវជាប្អូនស្ត្រីរងគ្រោះឈ្មោះ ឈឹម ស្រីខេង ដែលបានស្លាប់ក្នុងព្រឹត្តិការណ៍វាយប្រហារគ្រាប់បែក បានថ្លែងទាំងក្រៀមក្រំថា ពន្លឺនៃការផ្តល់យុត្តិធម៌ដល់ជនរងគ្រោះរបស់រដ្ឋាភិបាលរហូតមកដល់ពេលនេះងងឹតឈឹង។
ដូចគ្នាដែរ លោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យ ក៏ចង់ឃើញប្រសិទ្ធភាពរបស់សមត្ថកិច្ចរដ្ឋាភិបាលក្នុងការស្វែងរកមុខមេភេរវកម្មគប់គ្រាប់បែកលើហ្វូងបាតុករ បណ្តាលឲ្យស្លាប់ និងរងរបួសជាង ១០០នាក់នេះដែរ។
ទាក់ទងហេតុការណ៍នេះ អង្គការការពារសិទ្ធិមនុស្ស ឈ្មោះ Human Rights Watch (WRW) កាលពីថ្ងៃទី២៨ ខែមីនា បានចេញសេចក្ដីថ្លែងការណ៍ថ្កោលទោសរដ្ឋាភិបាលកម្ពុជា ដោយបានឲ្យដឹងថា ឆ្លងកាត់ការស៊ើបអង្កេតភស្តុតាង និងសាក្សីជាច្រើនបញ្ជាក់ថា កងអង្គរក្សរបស់លោកនាយករដ្ឋមន្ត្រី ហ៊ុន សែន មានជាប់ពាក់ព័ន្ធនឹងឧក្រិដ្ឋកម្មគប់គ្រាប់បែកក្នុងបំណងធ្វើឃាត លោក សម រង្ស៊ី ដែលជាប្រធានគណបក្សជាតិខ្មែរកាលគ្រានោះ។
ទោះយ៉ាងណា មន្ត្រីរដ្ឋាភិបាលកម្ពុជា បានហៅសេចក្ដីថ្លែងការណ៍របស់ Human Rights Watch ស្ដីពីការរំឭកខួប ១៥ឆ្នាំ នៃព្រឹត្តិការណ៍គប់គ្រាប់បែកលើហ្វូងបាតុករអហិង្សាថា មានចរិតលក្ខណៈនយោបាយ និងវិទ្ធង្សនា។
មន្ត្រីអ្នកនាំពាក្យទីស្ដីការគណៈរដ្ឋមន្ត្រី លោក ផៃ ស៊ីផាន បានរិះគន់សេចក្ដីថ្លែងការណ៍របស់ Human Rights Watch ថា ជាការវាយប្រហារមកលើរដ្ឋាភិបាលខុសការពិត។
ពិធីបុណ្យរំឭកខួបអ្នកស្លាប់ ផ្ដើមដោយគណបក្ស សម រង្ស៊ី មាននិមន្តព្រះសង្ឃបង្សុកូលរាប់បាត្រនៅចេតិយក្នុងសួនច្បារមុខអតីតមន្ទីររដ្ឋសភា ជាប់ខាងត្បូងព្រះបរមរាជវាំង ដោយមានការចូលរួមពីសាច់ញាតិជនរងគ្រោះ និងមន្ត្រីបក្សប្រឆាំង សរុបប្រមាណ ៣០០នាក់។
កាលពីថ្ងៃ៣០ មីនា ឆ្នាំ១៩៩៧ កន្លងទៅ សកម្មជនអ្នកគាំទ្របក្សប្រឆាំង និងកម្មករកាត់ដេរប្រមាណ ៣០០នាក់ បានដង្ហែជាក្បួនបាតុកម្មនៅមុខរដ្ឋសភា ដើម្បីទាមទារឲ្យមានការកែទម្រង់ប្រព័ន្ធតុលាការ។ បាតុកម្មនោះដឹកនាំដោយលោក សម រង្ស៊ី។ ខណៈពេលក្បួនបាតុកម្មបានហែរទៅដល់មុខអតីតអគាររដ្ឋសភានោះ មានគ្រាប់បែក ៤គ្រាប់ ត្រូវបានជនមិនស្គាល់មុខគប់ចូលក្នុងហ្វូងបាតុករ បណ្ដាលឲ្យផ្ទុះស្លាប់មនុស្ស ១៦នាក់និងជាង ១០០នាក់ទៀតរងរបួស៕
កំណត់ចំណាំ៖ ចំពោះអ្នកបញ្ចូលមតិនៅក្នុងអត្ថបទនេះ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណាដែលមិនជេរប្រមាថដល់អ្នកដទៃតែប៉ុណ្ណោះ។
អ្នកអានអនាមិក
ការគប់គា្រប់បែកទៅលើហ្វូងបាតុករជារឿងមួយដ៏រន្ធត់ និងគួរសោកស្តាយណាស់ មិនគួរកើតមាននៅកម្ពុជាទេ។ 15ឆ្នាំហើយ សូមលោកតុលាការ ជួយរកយុត្តិធម៌ផង!
Mar 31, 2012 02:09 AM
អ្នកអានអនាមិក
If the murderer is not ordered by ruling CPPers, Hun Sen or his relatives, s/he will be arrested much sooner. If not, never. However, when Hun Sen is out of power somehow, all the sins CCPers, he himself and his relatives directly and indirectly committed will be revealed and punishment will be offered. Though they hold their power till they naturally pass away, but their bad name will never be erased from Cambodians' heart. And their next generation who may be innocent will face difficulty in social relationship and thus put the blame on them. For now, they explicitly win but implicitly lose. People know what they have been doing, yet they just keep themselves safe by not having any comments publicly or directly. When will they realise and live a better life?
Mar 30, 2012 10:15 PM
- ស្ដាប់ផ្ទាល់ (ព្រឹក ៥:៣០-៦:៣០ ល្ងាច ៧:៣០-៨:៣០)
- សំឡេង
- ស្ត្រីបុរីកីឡាខ្លះក្លាយជាអ្នករកស៊ីផ្លូវភេទក្រោយការបណ្ដេញចេញ
- ប្រវត្តិតស៊ូនិងស្នាដៃរបស់កសិករមួយរូបនៅតាកែវក្នុងការច្នៃប្រឌិតលើវិស័យកសិកម្ម
- លោក ហ៊ុន សែន ព្រមានដកអាជ្ញាប័ណ្ណពីក្រុមហ៊ុនទទួលសិទ្ធិវិនិយោគកោះ
- ជំនួបបក្សទាំង២គ្មានលទ្ធផលខណៈបក្សប្រជាជនស្នើពន្លឿនច្បាប់គ្រប់គ្រងសង្គមស៊ីវិល
- លោក សម រង្ស៊ី៖ បក្សប្រឆាំងជជែករឿងរៀបចំការបោះឆ្នោតតែមិនចូលប្រជុំសភា
- អតីតរដ្ឋមន្ត្រីការបរទេសអូស្ត្រាលីចោទលោក ហ៊ុន សែន ថាជាមេដឹកនាំពុករលួយស្ទើរផុតលេខ
- ប្រវត្តិតស៊ូនិងស្នាដៃរបស់កសិករមួយរូបនៅតាកែវក្នុងការច្នៃប្រឌិតលើវិស័យកសិកម្ម
- របាយការណ៍ស្ដីពីការស៊ើបអង្កេតពីភាពមិនប្រក្រតីនៃការបោះឆ្នោត
- ប្រទេសកម្ពុជាមុនសម័យអង្គរ (៥៥០-៨០២) ឬអាណាចក្រចេនឡា (ភាគ៦)
- គ្រួសារពលការិនីធ្វើការនៅម៉ាឡេស៊ីស្នើសុំឲ្យជួយស្វែងរកកូនស្រីបាត់ខ្លួន
ភាសា
