មន្រ្តីសុខាភិបាលបារម្ភពីការឆ្លងនៃជំងឺផ្ដាសាយថ្មីក្នុងពេលអុំទូក

ដោយ ហ្សាការីយ៉ា

2009-10-20

ប្រធាននាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាល លោក សុខ ទូច បានថ្លែងឲ្យដឹងថា ជំងឺផ្ដាសាយប្រភេទថ្មី A(H1N1) នឹងឆ្លងកាន់តែច្រើនក្នុងពិធីបុណ្យអុំទូកខាងមុខ ប្រសិនបើមិនមានវិធានការទប់ស្កាត់ឬការផ្សព្វផ្សាយណាមួយ បញ្ជ្រាបឲ្យពលរដ្ឋយល់ដឹងពីការឆ្លងនៃជំងឺនេះទេនោះ។

RFA/Zakariya

ប្រធាននាយកដ្ឋានការពារជំងឺឆ្លងនៃក្រសួងសុខាភិបាល លោកវេជ្ជបណ្ឌិត សុខ ទូច ថ្លែងនៅក្នុងកិច្ចប្រជុំផ្សព្វផ្សាយពីជំងឺផ្តាសាយប្រភេទថ្មី A(H1N1) នៅឯវិទ្យាស្ថានជាតិសុខភាពសាធារណៈក្នុងរាធានីភ្នំពេញ កាលពីថ្ងៃ១៩ តុលា ២០០៩។

ការលើកឡើងដូច្នេះ គឺនៅក្នុងកិច្ចប្រជុំផ្សព្វផ្សាយជំងឺផ្តាសាយប្រភេទថ្មី A(H1N1) ស្តីពីស្ថានភាពនិងចំណេះដឹងថ្មីៗ នៃជំងឺផ្តាសាយប្រភេទថ្មីជូនដល់អ្នកសារព័ត៌មាននិងសិល្បករ នាព្រឹកថ្ងៃទី១៩ តុលា នៅឯវិទ្យាស្ថានជាតិសុខភាពសាធារណៈ។

លោក សុខ ទូច បានបញ្ជាក់ថា អ្នកសារព័ត៌មាននិងសិល្បករមានតួនាទីយ៉ាងសំខាន់ក្នុងការជួយផ្សព្វផ្សាយ ដើម្បីឲ្យប្រជាពលរដ្ឋមានការយល់ដឹង មានការប្រុងប្រយ័ត្ននិងការពារ ចៀសវាងនៃការឆ្លងជំងឺប្រភេទថ្មី A(H1N1)នេះ។

លោក សុខ ទូច បានបញ្ជាក់ដូច្នេះ ៖ «ការរាលដាលគ្រប់ច្រកល្ហក គឺមានទាំងអស់ រួចហើយបានជាយើងឆ្លងមក ប៉ុន្តែការចម្លងស្រុកយើងនេះ ទោះបីឥឡូវបានបញ្ជាក់មានជាង១០០(នាក់)ហើយក៏ដោយ យើងឃើញថា ការចម្លងមិនគំហុក»។

មន្ត្រីបច្ចេកទេសគម្រោងផ្នែកជំងឺឆ្លងនៃអង្គការសុខភាពពិភពលោក លោកកស្រី ម៉ាក ហ្គីនណេស្ស៍ (Mac Guinness) បានលើកឡើងដែរថា នៅលើសកលលោក មានអ្នកឆ្លងជុះងឺប្រភេទថ្មី A(H1N1) នេះ ជាង៣សែនករណី ក្នុងនោះស្លាប់ជាង៤ពាន់នាក់ ប៉ុន្តែយ៉ាងនេះក្តី លោកស្រីបញ្ជាក់ថា ចំនួនអ្នកស្លាប់នេះ បើប្រៀបធៀបទៅនឹងអត្រាវិញ គឺនៅមានកម្រិតទាបនៅឡើយ។

លោកស្រី ម៉ាក ហ្គីនណេស្ស៍ បានថ្លែងដូច្នេះ ៖ "អ្នកសារព័ត៌មាននិងសិល្បករមានតួនាទីសំខាន់ ក្នុងការនាំសារទៅប្រជាពលរដ្ឋឲ្យយល់អំពីជំងឺនេះ ដូចជាត្រូវលាងដៃនឹងសាប៊ូ ក្អកត្រូវខ្ទប់មាត់ជាដើម ហើយសារមួយទៀត គឺបើពលរដ្ឋណាម្នាក់សង្ស័យថា មានជំងឺផ្តាយសាយកុំចម្លងដល់អ្នកដទៃ"។

រហូតមកទល់ពេលនេះ ចាប់ពីខែកញ្ញមក គឺមានប្រជាពលរដ្ឋខ្មែរបានស្លាប់ចំនួន៣រូបហើយ គឺស្រី២នាក់ ប្រុសម្នាក់ ដោយសារជំងឺប្រភេទថ្មី A(H1N1) នៅក្នុងចំណោមអ្នកកើតជំងឺគ្រុនផ្តាសាយប្រភេទថ្មី A(H1N1) សរុបចំនួន១៣៣ករណីនៅកម្ពុជា។

ជំងឺនេះត្រូវកត់ត្រាករណីនៃជំងឺគ្រុនផ្តាសាយថ្មី ដែលត្រូវបានអះអាងឡើងជាលើកដំបូងរបស់ខ្លួន កាលពីចុងខែមិថុនា ក្រោយពីលទ្ធផលធ្វើតេស្តមួយចំនួនលើទេសចរជាតិអាមេរិកម្នាក់ អាយុ១៦ឆ្នាំ បានបង្ហាញថាវិជ្ជមាននោះមក។

អនុប្រធាននាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាល លោក លី សូវ៉ាន់ ក៏បានឲ្យដឹងនៅក្នុងកិច្ចបង្ហាញដល់អ្នកសារព័ត៌មានទាំងអស់ដែលបានចូលរួមនោះ អំពីការឆ្លងនៃជំងឺនេះថា គឺចម្លងពីមនុស្សដែលមានជំងឺផ្តាសាយថ្មី ឬអ្នកផ្ទុកមេរោគផ្តាសាយថ្មីដោយតំណក់តូចៗ តាមរយៈកណ្តាស និយាយ ក្អក ឬស្តោះ និងប៉ះពាល់លើផ្ទៃមានផ្ទុកតំណក់ទឹកតូចៗ ដែលមានមេរោគ រួចយកមកញីលើភ្នែកនិងច្រមុះជាដើម។

ជំងឺប្រភេទថ្មី A(H1N1) នេះ នៅស្រាលនៅឡើយ ប៉ុន្តែវាអាចវិវត្តទៅជាធ្ងន់និងបណ្តាលឲ្យស្លាប់។

ការឆ្លងជំងឺផ្ដាសាយថ្មីនៅកម្ពុជាកើនដល់១៦១ករណី

ក្រសួងសុខាភិបាលនៃព្រះរាជាណាចក្រកម្ពុជា បានប្រកាសឲ្យដឹងថា រហូតមកដល់ថ្ងៃទី១១ ខែតុលា ឆ្នាំ២០០៩ ការឆ្លងមេរោគគ្រុនផ្តាសាយថ្មីប្រភេទ A(H1N1) នៅក្នុងប្រទេសកម្ពុជា បានកើនឡើងដល់ចំនួន១៦១ករណីហើយ។

រីឯខេត្តក្រុងដែលមានករណីឆ្លងមេរោគគ្រុនផ្តាសាយថ្មីប្រភេទនេះ គឺរួមមានខេត្តសៀមរាប បាត់ដំបង កណ្តាល តាកែវ ស្វាយរៀង កំពង់ស្ពឺ កំពង់ឆ្នាំង និងរាជធានីភ្នំពេញ៕

បោះពុម្ព អ៊ីម៉េល

មតិ

អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។

Mr.Yun Socheth ពី Phnom Penh :

I would like to ask and know the 3 point step, the first step for prevention our body with A(H1N1), and this sick A(H1N1) represant in our health and body how should we known it...? The second step, How can assist and help some one have this sick or not...? The thirth step, what time we can get Vaccine for assist and prevention for our people in Cambodia (Poor Country) from WHO....? Thank for your coorperate and answer with my question. For my best regard. Faithfully

2009-10-20 22:56

អ្នកអានអនាមិក ពី Phnom Penh Resident :

I wish all people who come to enjoy Bon Om Tuk wear masks so they could avoid diease. And they have also clean their hand regulaly before eating food.

2009-10-20 09:49

Nationalist ពី Phnom Penh :

If the swine flu is becoming very serious epedemic from one to one, and in the case of the ministry of health cant control over spreading A(H1/N1) during the upcoming water festival, the abrogation of this water festival should be declared. The people health is an important or water festival more important.

2009-10-20 04:25

មើលមតិទាំងអស់.