សមាជិក សមាជិកាដែលជាអ្នកដឹកនាំថ្នាក់ស្រុក ខេត្ត និងថ្នាក់ជាតិទូទាំងប្រទេស ព្រមទាំងសកម្មជនផ្សេងទៀតសរុបប្រមាណ ៥០០នាក់នឹងចូលរួមកិច្ចប្រជុំនេះ។
លោក យ៉ែម បុញ្ញឫទ្ធិ អគ្គលេខាធិការគណបក្សសិទ្ធិមនុស្ស បានឱ្យដឹងអំពីរបៀបវារៈនៃសន្និបាតក្រុមប្រឹក្សាជាតិនេះ ៖ «ផែនការធំៗចំនួនពីរនៅពេលសន្និបាតនោះ គឺទី១ ត្រូវធ្វើរបាយការណ៍ពីសកម្មភាពអ្វីដែលខ្លួនបានអនុវត្តចំនួនពីរឆ្នាំកន្លងផុតមកជូនអង្គសន្និបាតទាំងមូលឲ្យបានជ្រាប និងអនុញ្ញាតឲ្យគាត់ផ្ដល់មតិយោបល់មកវិញ។ ទី២ និយាយពីការលើកទិសដៅដែលត្រូវអនុវត្តរយៈពេលពីរឆ្នាំទៅមុខទៀត។ នៅក្នុងទិសដៅពីរឆ្នាំទៅមុខ គឺមានប្រធានបទចំនួនពីរធំៗ គឺទី១ ទាក់ទងនឹងការបង្រួបបង្រួម និងទី២ យុត្តិសាស្ត្រក្នុងការងារបោះឆ្នោតជ្រើសរើសក្រុមប្រឹក្សាឃុំ សង្កាត់ក្នុងឆ្នាំ២០១២ ខាងមុខ»។
គណបក្សសិទ្ធិមនុស្សបានបង្កើតឡើងនៅថ្ងៃទី២២ ខែកក្កដា ឆ្នាំ២០០៧។ ក្នុងការបោះឆ្នោតជ្រើសរើសតំណាងរាស្ត្រអាណត្តិទី៤ កាលពីឆ្នាំ២០០៨ គណបក្សសិទ្ធិមនុស្សបានទទួលអាសនៈចំនួន ៣កន្លែង នៃអាសនៈសរុបចំនួន ១២៣ ក្នុងរដ្ឋសភានៃប្រទេសកម្ពុជា៕