លោក ហ៊ុន សែន បន្ទោសរបប លន់ នល់ ថាជាអ្នកធ្វើឲ្យមានរបបខ្មែរក្រហម
2011.12.29
លោកក៏បានរំលឹកផងដែរថា សន្តិភាពរបស់កម្ពុជា ក្នុងឆ្នាំ១៩៧០ គឺជាសន្តិភាពដែលខ្វះស្ថេរភាពដោយសារការទំលាក់គ្រាប់បែករបស់អាមេរិកាំង និងចលនាខ្មែរក្រហមខ្មែរស ខ្មែរខៀវ ខ្មែរស៊ីជំពូនៅផ្ទៃក្នុងជាដើម៖ «សុខៗបង្កើតរដ្ឋប្រហារទម្លាក់សម្ដេចព្រះ នរោត្ដម សីហនុ ចេញពីតំណែងទៅ ជំនួសមកវិញដោយរបបសាធារណរដ្ឋខ្មែរ ហើយដែលជំនួសពីសន្តិភាពទៅសង្គ្រាម យកសង្គ្រាមមកជំនួសសន្តិភាព ទោះបីថា ពេលនោះសន្តិភាពខ្វះស្ថិរភាព ខ្ញុំនិយាយចង់និយាយថា សន្តិភាពខ្វះស្ថិរភាព។ គឺពេលនោះមានកត្តាពីរដែលត្រូវតែគិតអោយបានដិតដល់ ទីមួយការទម្លាក់គ្រាប់បែក ការទម្លាក់គ្រាប់បែកនៅតាមព្រំដែនចេះតែបានកកើតហើយ ពីសំណាក់កងទ័ពអាមេរិក កងទ័ពវៀតណាម ខាងត្បូងចេះតែមានហើយ អាហ្នឹងមានសន្តិភាព»។
ការថ្លែងរបស់លោក ហ៊ុន សែន បានធ្វើឡើងនៅក្នុងពិធីប្រគល់សញ្ញាបត្រជយលាភីដល់និស្សិតវិទ្យាស្ថានវ៉ាន់ដា គណនេយ្យ កាលពីថ្ងៃទី២៨ ខែធ្នូ ឆ្នាំ២០១១។
លោកនាយករដ្ឋមន្ត្រីបានបន្តថា កំហុសដ៏ធំបន្ទាប់ពីរបប លន់ នល់ គឺកំហុសនៃរបបកម្ពុជាប្រជាធិបតេយ្យ ដែលបានសំលាប់ជីវិតពលរដ្ឋខ្មែរស្លូតត្រង់យ៉ាងរង្គាល និងបានបំផ្លិចបំផ្លាញប្រទេសឱ្យវិនាសហិនហោច៖ «អានេះប្រមូលតាំងពីកុមារអោយឯងស៊ីមួយថ្ងៃមួយខាំ ដល់ទារជីទារមួយគីឡូ អាជីលេខមួយទារមួយគីឡូ ទៅអោយស៊ី ស៊ីមួយខាំ មួយកំប៉ុងប៉ុន្មាននាក់នោះ ស្មើនឹងមួយខាំ យើងទៅដល់ទារជីលេខមួយទារមួយគីឡូ ធ្វើម៉េចធ្វើជីលេខមួយអោយបានមួយគីឡូ។ អ៊ីចឹងត្រូវប្រឹងជុះហើយ ទៅយកអាដីដំបូកយកមកលាយធ្វើជីលេខមួយ ចេះតែធ្វើអ៊ីចឹងទៅកើតៗ អោយខ្ញុំអត់មានការឆ្លងឆ្លើយអីជាមួយ។ ហ្នឹងអ្នកដែលត្រូវបានគេកាត់ទោសហើយ លើករឿងនេះលើករឿងនោះឡើង ពីព្រោះអាហ្នឹងខ្លាចជះឥទ្ធិពលទៅដល់បញ្ហារឿងក្ដីក្ដាំនៅក្នុងតុលាការកាត់ទោសមេដឹកនាំខ្មែរក្រហម ក៏ប៉ុន្តែខ្ញុំក៏គ្រវីក្បាលដែរ ដល់ឃើញគេឆ្លើយរបៀបនោះ គេឆ្លើយរបៀបនោះ ខ្ញុំក៏គិតថាវា...»។
របបខ្មែរក្រហមពីឆ្នាំ១៩៧៥ ដល់ឆ្នាំ១៩៧៩ បានធ្វើឱ្យមនុស្ស ១.៧លាននាក់ស្លាប់ តាមរយៈការបង្អត់អាហារ ការបង្ខំឱ្យធ្វើការហួសកំលាំង ការសំលាប់ និងការធ្វើទារុណកម្មជាដើម។
សៀវភៅរបស់លោកស្រីវេជ្ជបណ្ឌិត Esmeralda Luciolli នៃអង្គការគ្រូពេទ្យគ្មានព្រំដែន ដែលមានចំណងជើងថា «ជញ្ជាំងឫស្សី» បានបង្ហាញថា ក្រោយរបបខ្មែរក្រហម គឺនៅដើមទសវត្សឆ្នាំ១៩៨០ ពលរដ្ឋខ្មែរប្រមាណជាង ២សែននាក់បានស្លាប់ និងរបួសដោយជាន់មីន និងជំងឺគ្រុនចាញ់ តាមរយៈផែនការ «ក៥» របស់រដ្ឋាភិបាលនៃរបបសាធារណរដ្ឋប្រជាមានិតកម្ពុជា ដែលសហការជាមួយរដ្ឋាភិបាលវៀតណាម៕
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ