លោក ហ៊ុន សែន ប្រកាសថានឹងបន្តដោះស្រាយបញ្ហាដីធ្លីជូនពលរដ្ឋ
h092112cp.mp3
ទោះយ៉ាងណា ការលើកឡើងរបស់រដ្ឋាភិបាលនេះ ត្រូវអង្គការសង្គមស៊ីវិល និងមន្ត្រីបក្សមិនកាន់អំណាចសាទរ តែស្ថាប័នទាំងនេះហាក់មិនសូវមានទំនុកចិត្តលើដំណោះស្រាយនេះឡើយ។
លោកនាយករដ្ឋមន្ត្រី ហ៊ុន សែន មានប្រសាសន៍នៅថ្ងៃទី២១ កញ្ញា ថា លោកនឹងឲ្យក្រុមនិស្សិតចុះវាស់វែងដីជូនពលរដ្ឋជាបន្ត បើសិនការវាស់របស់ក្រុមនិស្សិតលើកនេះមិនបានសម្រេចចប់សព្វគ្រប់ទេនោះ។ ស្របពេលគ្នានេះ លោកអំពាវនាវដល់ពលរដ្ឋទាំងអស់កុំឲ្យព្រួយបារម្ភលើបញ្ហានៃការផ្ដល់ប័ណ្ណកម្មសិទ្ធិដីធ្លីនេះ។
តែទោះយ៉ាងណា លោក ហ៊ុន សែន បញ្ជាក់ថា ក្រុមនិស្សិតនឹងមិនអាចវាស់វែងដីធ្លីដែលមានជម្លោះ និងដីដែលពលរដ្ឋទើបកាប់ឆ្ការទន្ទ្រាននាពេលថ្មីនេះៗបានទេ។
ទាក់ទងនឹងបញ្ហាដីធ្លីនេះដែរ លោក ហ៊ុន សែន បន្ថែមថា រដ្ឋាភិបាលបង្កើតឲ្យមានគោលនយោបាយដីធ្លីនេះជាច្រើនឆ្នាំមកហើយ ដូច្នេះ រដ្ឋាភិបាលនឹងមិនចាំបាច់ទទួលការសិក្សាបន្ថែមណាមួយ ពីសំណាក់អង្គការសង្គមស៊ីវិលនោះឡើយ។
ឆ្លើយតបការលើកឡើងរបស់លោកនាយករដ្ឋមន្ត្រី ហ៊ុន សែន នេះ តំណាងរាស្ត្រគណបក្សមិនកាន់អំណាច អះអាងថា ពលរដ្ឋមិនទាន់មានប័ណ្ណកម្មសិទ្ធិស្របច្បាប់ រដ្ឋាភិបាលចាំបាច់ត្រូវធ្វើប័ណ្ណជូនពួកគាត់ជារឿងត្រឹមត្រូវ ហើយវាក៏ជារឿងគួរឲ្យអបអរ។ តែចំពោះពលរដ្ឋមានជម្លោះដីធ្លីជាមួយក្រុមហ៊ុន និងអ្នកមានអំណាច រដ្ឋាភិបាលក៏គួរតែប្រញាប់ដោះស្រាយឲ្យពួកគាត់ដែរ។
តំណាងរាស្ត្រ និងជាអ្នកនាំពាក្យ នៃគណបក្ស សម រង្ស៊ី លោក យឹម សុវណ្ណ អះអាងថា ការចាត់វិធានការដោះស្រាយរបស់រដ្ឋាភិបាលលើបញ្ហាដីធ្លី ទំនងជាមិនអាចធ្វើទៅបានទេ ព្រោះរដ្ឋាភិបាលតែងប្រើយន្តការដោះស្រាយបញ្ហាមិនផ្ដោតឲ្យចំទៅនឹងបញ្ហាដែលកំពុងកើតមាន។
ជម្លោះដីធ្លី ត្រូវគេមើលឃើញថា ជាបញ្ហាដ៏រសើប និងរ៉ាំរ៉ៃ ដែលរដ្ឋាភិបាលនៅតែមិនទាន់អាចដោះស្រាយបាននៅឡើយ។ ករណីនេះ ត្រូវអង្គការសង្គមស៊ីវិលជាតិ និងអន្តរជាតិ បានចាត់ទុកចំណាត់ការនៃដំណោះស្រាយរបស់រដ្ឋាភិបាលនាពេលកន្លងមកថា មិនមានប្រសិទ្ធភាព។ បន្ថែមលើនេះ ពេលខ្លះសកម្មភាពនៃការដោះស្រាយរបស់រដ្ឋាភិបាល ត្រូវអង្គការសង្គមស៊ីវិលទាំងនោះ ហៅការដោះស្រាយរបស់រដ្ឋាភិបាលនោះថា ជាការរំលោភសិទ្ធិមនុស្សទៀតផង។ ជាក់ស្ដែង ការដោះស្រាយបញ្ហាជម្លោះដីធ្លីនៅតំបន់បឹងកក់ បុរីកីឡា និងភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ ជាដើម។
ភ្ជាប់នឹងបញ្ហាដីធ្លីនេះដែរ ប្រធានមជ្ឈមណ្ឌលសិទ្ធិមនុស្ស លោក អ៊ូ វីរៈ មានប្រសាសន៍ថា ចំណាត់ការដោះស្រាយបញ្ហាដីធ្លីរបស់រដ្ឋាភិបាលនាពេលកន្លងមក ហាក់មិនមានប្រសិទ្ធភាពនោះទេ ព្រោះវិវាទដីធ្លីនេះ ចេះតែរីកធំៗទៅៗ។ ហេតុនេះ រដ្ឋាភិបាលគួររិះរកមធ្យោបាយល្អជាងនេះ ដើម្បីដោះស្រាយបញ្ហានេះ ហើយរដ្ឋាភិបាលក៏គួរទទួលយកមតិយោបល់ផ្សេងៗរបស់អង្គការសង្គមស៊ីវិលផង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
Senarak
ពី PNPយុទ្ធសាស្រ្តៈ ខោកក្បាលហើយ អង្អែលឲ្យវិញ ដើម្បីស្តារយកប្រជាប្រិយភាពឡើង។ ជាទូទៅ គេធ្វើយ៉ាងដូច្នេះឯង ជាទម្លាប់។ បើប្រជាជននៅត្រង់ណាចាញ់ការបោះឆ្នោតច្រើន នាំគ្នាទៅអុកឡុក រួចមានតួល្អចូលទៅតាមក្រោយដើម្បីជួយដោះស្រាយ ឬធ្វើល្អ ហើយពលរដ្ឋអ្នកល្ងង់ខ្លៅគ្នាក៏ជឿតាមទៅ ថាល្អមែន!!!
Sep 23, 2012 11:45 PM
អ្នកអានអនាមិក
ពី PPបន្តដោះស្រាយដីធ្លីជូនសមាជិកគណបក្សCPP អ្នកមានអំនាច មានលុយ អ្នកធំ និងមិនបន្តដោះស្រាយដីធ្លីជូនអ្នកមិនគាំទ្រគណបក្សCPPទេ ទើបត្រឹមត្រូវ
Sep 23, 2012 04:48 AM
Blind man
ប្រទេសកម្ពុជានិង មិនអាចមានសន្តិភាពពិតប្រាកដទេ ដ៏រាបណាមានមនុស្សខ្វាក់ចិត្ត និងប្រាជ្ញាដឹកនាំ។ មនុស្សខ្វាកចិត្ត និងប្រាជ្ញាតែងតែប្រព្រឹត្តអំពើអប្រិយដោយមិនចេះគិត។ មនុស្សប្រភេទនេះ មិនចេះពិចារណា និងធ្វើការសម្រេចដោយខ្លួនឯងទេ គឺចេះតែចាញ់បោកនយោបាយគេ
Sep 22, 2012 11:32 PM
CheyVorman007
ពី AngKor Watមានរឿងអីត្រូវដោះស្រាយអស់ បើអាឆ្វេងចាំអាស្តំាលូក
បើតាមយើងតាមដានអត្ថបទអាស៊ិសេរីនឹងភាពជាក់ស្តែង
ឃើញថា ការទទួលលុយជំនួយគេត្រូវដោះដូរទៅនឹងសម្ប
ទានដី ណាគិតគូរពីក្រពះខ្លួនឯងនឹងបក្សពួកតាមរយះដេញ
ប្រជាជនជួលដីអោយក្រុមហ៊ុន ណាខំឈ្មុលរុកព្រៃដើម្បី
រកអានៅសេសសល់ចែកអោយពលរដ្ឆមួយចំនួនដោះដូរ
នឹងសន្លឹកឆ្នោត។(ទោះមិនធើ្វក៏គង់តែជាប់ទេលោកបណ្ឌិោត
ពាក់ដួនអើយ កុំខំពេកយ៉ាត់ឈឺដូចកំណាព្យតាសំបុកឃ្មុំ)
Sep 22, 2012 10:13 AM
អ្នកអានអនាមិក
ឆ្ងល់ណាស់ខ្មែរគ្រប់រូប បើដឹងគេជិះជាន់ហើយ ខំយ៉ាងសកម្មគ្រាំទ្របោះឆ្នោតអោយទៀត។ កុំរអូលរឿង បញ្ហាដីធ្លី។ ដូរចេញទៅបើចង់ឃើញកូនរបស់លោកអ្នកមានអនាគត។ លោក ហ៊ុន សែន ប្រកាសថានឹងបន្តដោះស្រាយបញ្ហាដីធ្លីជូនពលរដ្ឋ គឺមកពីមានពាក្យបណ្តឹងអាក្រក់ដល់គ្រប់ស្ថានទូតសាសន៏គេ។ ចង់អោយសាសន៍គេជួយ តែបែជាមិនគិតពីខ្លួនឯងផង។ I hope khmer people will know it and must change the one in the present.
Sep 22, 2012 10:04 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
