សាលាក្ដីខ្មែរក្រហមចោទប្រកាន់អៀងធីរិទ្ធពីបទប្រល័យពូជសាសន៍
ដោយ ម៉ៅ សុធានី
2009-12-22
តុលាការខ្មែរក្រហមបានធ្វើការចោទប្រកាន់ជាផ្លូវការលើអតីតមេដឹកនាំខ្មែរក្រហមម្នាក់ទៀត គឺអ្នកស្រី អៀង ធីរិទ្ធ អតីតរដ្ឋមន្ត្រីក្រសួងសង្គមកិច្ចក្នុងរបបខ្មែរក្រហម ពីបទប្រល័យពូជសាសន៍។
អតីតរដ្ឋមន្ត្រីសង្គមកិច្ច អៀង ធីរិទ្ធ នៃរបបខ្មែរក្រហម អាយុ ៧៦ឆ្នាំ អង្គុយនៅក្នុងសវនាការរបស់សាលាក្ដីខ្មែរក្រហម នាថ្ងៃទី ៩ កក្កដា ២០០៨។
ប្រភពព័ត៌មាន រ៉យទ័រ (Reuters) ឲ្យដឹងថា អ្នកស្រី អៀង ធីរិទ្ធ អាយុ ៧៨ឆ្នាំ ភរិយារបស់លោក អៀង សារី ដែលកន្លងមកនេះបានត្រូវចោទប្រកាន់ពីបទឧក្រិដ្ឋកម្មប្រឆាំងនឹងមនុស្សជាតិនោះ បានត្រូវសាលាក្តីខ្មែរក្រហមកាលពីថ្ងៃច័ន្ទម្សិលមិញនេះធ្វើការចោទប្រកាន់ទោសថ្មីមួយទៀត គឺបទប្រល័យពូជសាសន៍លើជនជាតិភាគតិចវៀតណាមនិងចាម ក្នុងរបបខ្មែរក្រហម។
តុលាការខ្មែរក្រហមកាលពីសប្តាហ៍កន្លងមកនេះ ក៏បានធ្វើការចោទប្រកាន់ជាផ្លូវការទៅលើលោក ខៀវ សំផន អតីតប្រធានគណៈប្រធានរដ្ឋ, លោក នួន ជា អតីតប្រធានរដ្ឋសភា និងលោក អៀង សារី អតីតរដ្ឋមន្ត្រីការបរទេសនៃរបបកម្ពុជាប្រជាធិបតេយ្យពីបទប្រល័យពូជសាសន៍ដូចគ្នានេះដែរ៕
អត្ថបទដែលទាក់ទង
- សាលាក្ដីខ្មែរក្រហមភាគីកម្ពុជានឹងអស់ថវិកានៅខែវិច្ឆិកា ឆ្នាំ២០១០
- ជនរងគ្រោះរបបខ្មែរក្រហមជាង៤ពាន់នាក់សុំធ្វើជាដើមបណ្ដឹងរដ្ឋប្បវេណី
- អង្គការអន្តរជាតិអបអរនិងបារម្ភចំពោះដំណើរការតុលាការខ្មែរក្រហម
- ហោ ណាំហុង មិនពេញចិត្តចំពោះការកាត់ទោសឌុច
- មេធាវីឌុចនឹងប្ដឹងជំទាស់ការកាត់ទោសដោយសាលាក្ដីខ្មែរក្រហម
មតិ
បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួលនិងអាចចុះផ្សាយបានយោងតាមលក្ខខណ្ឌនៃការប្រើប្រាស់របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរីមិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។
មើលមតិទាំងអស់.