កាសែតភ្នំពេញប៉ុស្តិ៍ បានស្រង់ប្រសាសន៍ លោក ជា មុន្នី ប្រធានសហជីពសេរីកម្មករកម្ពុជាថា តាំងពីខែមីនាមុននេះមក ស្រីៗជាង២ម៉ឺន៧ពាន់នាក់ បានឈប់ធ្វើការរោងចក្រព្រោះប្រាក់ខែតាមតម្លៃទំនិញមិនទាន់ ហើយមានអំពើពុករលួយនៅគ្រប់ទីកន្លែងក្នុងរោងចក្រ។ ដូច្នេះហើយបានជាស្រីៗ កាន់តែច្រើនបានបង្ខំចិត្តរកការងារថ្មីដែលផ្តល់ចំណូលឲ្យច្រើនជាង។
កាសែតភ្នំពេញប៉ុស្តិ៍បានស្រង់សម្តី កញ្ញា ហ៊ុន ដាណែត ឲ្យដឹងថា នាងធ្លាប់បានប្រាក់ខែពី៦០ ទៅ ១២០ដុល្លារកាលពីធ្វើការនៅរោងចក្រ។ តែឥឡូវ ក្នុងឋានៈជាស្រីឡង់សេ នាងបានចំណូល៣០០ដុល្លារ។ ពីមុន មិនសូវបានផ្ញើប្រាក់ទៅជួយម្តាយនៅឯស្រុកទេ តែឥឡូវនាងអាចផ្ញើឲ្យម្តាយ ១០០ដុល្លារ រៀងរាល់ខែ។ នាងថា មិនចូលចិត្តមុខរបរថ្មីនេះឡើយ តែពុំអាចរកការងារណាផ្សេងទៀត ដែលផ្តល់កម្រៃច្រើនជាង៕