សម្ពោធវារីអគ្គិសនីកំចាយនៅខេត្តកំពត
ដោយ កែវ និមល
2011-12-07
ប្រទេសកម្ពុជាបានសម្ពោធបើកឲ្យដំណើរការវារីអគ្គិសនីកំចាយ មានកម្លាំងជាង ១៩៣មេហ្គាវ៉ាត់ នៅខេត្តកំពត នៅថ្ងៃទី៧ ធ្នូ នេះ។
លោកនាយករដ្ឋមន្ត្រី ហ៊ុន សែន បានចូលរួមក្នុងពិធីបើកឲ្យដំណើរការវារីអគ្គិសនីកំចាយនេះ ដោយលើកឡើងថា ចាប់ពីពេលនេះតទៅ តម្លៃភ្លើងនៅខេត្តកំពតមានតម្លៃថោកជាងមុន។
វារីអគ្គិសនីកំចាយនៅខេត្តកំពតនេះ មិនត្រឹមតែផ្ដល់ភ្លើងឲ្យប្រជាពលរដ្ឋនៅខេត្តកំពត មានភ្លើងប្រើប្រាស់គ្រប់គ្រាន់ប៉ុណ្ណោះទេ តែវារីអគ្គិសនីកំចាយនេះ អាចផ្ដល់ភ្លើងឲ្យតំបន់ក្បែរខាងមានភ្លើងប្រើប្រាស់ផងដែរ។
វារីអគ្គិសនីកំចាយនេះសាងសង់ដោយក្រុមហ៊ុនរបស់ចិន ឈ្មោះស៊ីណូហាយដ្រូ (Sinohydro)។ ការសាងសង់វារីអគ្គិសនីកំចាយនេះ បានចាប់ផ្ដើមកាលពីថ្ងៃ២០ មីនា ឆ្នាំ២០០៧ ដោយចំណាយប្រាក់សរុបជាង ២៨០លានដុល្លារអាមេរិក។ រយៈពេលសាងសង់មាន ៤ឆ្នាំ និងរយៈពេលធ្វើអាជីវកម្មមាន ៤០ឆ្នាំ។ ក្រោយ ៤០ឆ្នាំ វារីអគ្គិសនីនេះ ត្រូវថិតនៅក្រោមការគ្រប់គ្រងរបស់រដ្ឋាភិបាលកម្ពុជាទាំងស្រុង។
ការសាងសង់វារីអគ្គិសនីកំចាយនេះ ធ្វើឲ្យតំបន់សាងសង់ក្នុងស្រុកទឹកឈូ ខេត្តកំពត ត្រូវលិចដីស្រែចម្ការប្រមាណ ២០គីឡូម៉ែត្រការេ៕
អត្ថបទដែលទាក់ទង
ប្រភពកំណើនសេដ្ឋកិច្ចកម្ពុជា ឆ្នាំ២០១១ និង២០១២
ការវិនិយោគលើការសាងសង់កើន ៥% ក្នុងត្រីមាសទីមួយ
សេដ្ឋកិច្ចកម្ពុជាបន្តឡើងខណៈសេដ្ឋកិច្ចពិភពលោកធ្លាក់ចុះ
អ្នកស្រី មួរ សុខហួរ ស្វាគមន៍ការផ្អាកគម្រោងផ្ដល់ដីសម្បទានសេដ្ឋកិច្ច
តំបន់សេដ្ឋកិច្ចពិសេសក្រុងព្រះសីហនុត្រូវសម្ពោធឲ្យប្រើប្រាស់ជាផ្លូវការ
ខ្មែរអនុញ្ញាតឲ្យចិនមកសង់ម៉ាស៊ីនកែច្នៃផលិតផលកសិកម្មទំនើប
ជប៉ុនផ្ដល់ជំនួយជិត ១៩លានដុល្លារ ឲ្យកម្ពុជា
អ្នកទីរួមខែត្រកំពង់ធំត្អូញពីអគ្គិសនីដាច់ញឹក
កត្តាសំខាន់នៃការប្រើប្រាស់ប្រាក់រៀល និងប្រាក់ដុល្លារនៅកម្ពុជា
មតិ
Click here to add your own comment