កញ្ញា កែវ ស៊ីទី និស្សិតថ្នាក់បណ្ឌិតនៅសាកលវិទ្យាល័យ Berkeley នៅរដ្ឋ California សហរដ្ឋអាមេរិក សិក្សាផ្នែកប្រវត្តិសាស្ត្រអាស៊ីអាគ្នេយ៍ អះអាងថា ចរន្តអក្សរសាស្ត្រខ្មែរកាលពីសម័យអាណានិគមបារាំង ដែលមានរយៈពេលជិត ១សតវត្ស មុនឆ្នាំ១៩៥៣ គឺក្នុងការសរសេរជាផ្លូវការភាគច្រើនគេប្រើភាសាបារាំង។ លុះដល់សម័យសង្គមរាស្ត្រនិយម អក្សរខ្មែរត្រូវបានប្រើប្រាស់ជាផ្លូវការវិញ។
កញ្ញា កែវ ស៊ីទី បានលើកយកលទ្ធផលនៃការស្រាវជ្រាវរបស់នាងទៅបង្ហាញនៅវិទ្យាស្ថានរៃយំ នៅទីក្រុងភ្នំពេញ កាលពីយប់ថ្ងៃទី១៩ ខែមីនា ឆ្នាំ២០១០ ក្នុងបំណងចែករំលែកចំណេះដឹងដល់សិស្ស និងនិស្សិតខ្មែរនៅក្នុងប្រទេសកម្ពុជា ជូនជ្រាបជាព័ត៌មាន៕