ខៀវសំផនរងការចោទពីបទប្រល័យពូជសាសន៍បន្ថែមទៀត
ដោយ កែវ និមល
2009-12-18
មន្រ្តីផ្នែកកិច្ចការសាធារណៈរបស់សាលាក្តីខ្មែរក្រហមបានឲ្យដឹងនៅថ្ងៃទី១៨ ធ្នូ ថា លោក ខៀវ សំផន អតីតប្រធានគណៈប្រធានរដ្ឋរបស់របបកម្ពុជាប្រជាធិបតេយ្យ ត្រូវបានចោទប្រកាន់ពីបទប្រល័យពូជសាសន៍ ជាការចោទបន្ថែមទៅលើបទចោទពីពេលមុនដែលមានចំនួនពីររួចមកហើយ។
ខៀវ សំផន (រូបស្ដាំ) អតីតប្រមុខរដ្ឋនៃរបបខ្មែរក្រហម នៅក្នុងសវនាការ នាថ្ងៃទី ២៣ មេសា ២០០៨។
លោក រាជ សម្បត្តិ ប្រធានផ្នែកកិច្ចការសាធារណៈរបស់សាលាក្តីខ្មែរក្រហម បានមានប្រសាសន៍ឲ្យដឹងថា ការចោទលោក ខៀវ សំផន ពីបទប្រល័យពូជសាសន៍នេះជាការចោទមួយថ្មីទៀត ក្រោយពីមន្រ្តីសាលាក្តីខ្មែរក្រហមបានធ្វើការស្រាវជ្រាវជាយូរមក។
លោក រាជ សម្បត្តិ បានបញ្ជាក់ថា ៖ «អានេះឈរលើភស្តុតាងថ្មីដែលបានរកឃើញ បន្ទាប់ពីការស៊ើបអង្កេតអស់រយៈពេលជាង ២ឆ្នាំមក។ សម្រាប់លោក ខៀវ សំផន គឺពីថ្ងៃសុក្រហ្នឹងទៅ គាត់គឺជាជនក្នុងចំណោមមេដឹកនាំជាន់ខ្ពស់»។
លោក រាជ សម្បត្តិ បានឲ្យដឹងថា លោក ខៀវ សំផន ជាជនទី៣ហើយដែលត្រូវចោទប្រកាន់ពីបទប្រល័យពូជសាសន៍នេះ បន្ទាប់ពីមានការចោទទៅលើរូបលោក នួន ជា អតីតប្រធានរដ្ឋសភា និងលោក អៀង សារី ឧបនាយករដ្ឋមន្រ្តី និងជារដ្ឋមន្រ្តីក្រសួងការបរទេសនៃរបបកម្ពុជាប្រជាធិបតេយ្យ ខ្មែរក្រហម។
លោក ស សូវ៉ាន សហមេធាវីលោក ខៀវ សំផន មិនអាចទាក់ទងសុំការអធិប្បាយទាក់ទងជាមួយបទចោទថ្មីទៅលើកូនក្តីរបស់លោកបានឡើយ។
លោក ឡុង បញ្ញាវុឌ្ឍន៍ មន្រ្តីកម្មវិធីគម្រោងយុត្តិធម៌នៅកម្ពុជា បានមានប្រសាសន៍ថា ការចោទថ្មីនេះជាសកម្មភាពវិជ្ជមានមួយ តែក៏អាចធ្វើឲ្យសំណុំរឿងក្តីលោក ខៀវសំផន កាន់តែត្រូវការពេលវេលាស្រាវជ្រាវច្រើនថែមទៀត។
លោក ឡុង បញ្ញាវុឌ្ឍន៍ បានអះអាងថា ៖ «ខ្ញុំគិតថា វាជាជំហានមួយវិជ្ជមានទៅមុខដែរ ព្រោះអីបទប្រល័យពូជសាសន៍កន្លងមកវាហាក់ដូចជាមិនទាន់បានស៊ើបនៅឡើយ ដោយចៅក្រមកម្ពុជា។ ដូច្នេះនៅពេលដែលមានអ៊ីចឹង ខ្ញុំគិតថា វាអាចជាជំហានរីកចម្រើនទៅមុខដែរ ហើយវាអាចធ្វើឲ្យដំណើរការហ្នឹងអាចយឺតយ៉ាវដែរ ពីព្រោះអីនេះគឺជាលើកដំបូងដែលជនជាប់ចោទអាចនឹងត្រូវសហចៅក្រមស៊ើបអង្កេតប្រាប់អំពីបទចោទប្រល័យពូជសាសន៍។ ដូច្នេះតាមផ្លូវច្បាប់ក៏ទាមទារឲ្យជនជាប់ចោទទាំង ៤នាក់ហ្នឹងមានពេលវេលាគ្រប់គ្រាន់ដើម្បីត្រៀមរៀបចំការពារខ្លួន។ ដូច្នេះខ្ញុំជឿថា អាចធ្វើឲ្យមានការយឺតយ៉ាវដែរដែលថា មេធាវីការពារជនជាប់ចោទអាចជូនដំណឹងនៅក្នុងការចោទប្រកាន់បទប្រល័យពូជសាសន៍ហ្នឹងមានរយៈពេលខ្លីពេក»។
លោក ប៊ូ ម៉េង ជនរងគ្រោះដែលធ្លាប់ជាប់គុកទូលស្លែង ក្នុងពេលរបបខ្មែរក្រហមកាន់អំណាចនោះ បានមានប្រសាសន៍ថា លោកសាទរចំពោះការចោទថ្មីនេះ ៖ «...ខ្ញុំថា បើសិនជាវាយូរអាហ្នឹងវាល្អ ប៉ុន្តែបើយូរហើយមិនបានការអី អាហ្នឹងក៏មិនល្អដែរ បើយូរហើយយុត្តិធម៌ អាហ្នឹងល្អ»។
កន្លងមកលោក ខៀវ សំផន ត្រូវបានចោទប្រកាន់ទោសចំនួនពីរ គឺមួយពីបទឧក្រិដ្ឋកម្មសង្រ្គាម និងមួយទៀតពីបទឧក្រិដ្ឋកម្មប្រឆាំងមនុស្សជាតិ។ លោក ខៀវ សំផន បច្ចុប្បន្នកំពុងជាប់ឃុំនៅក្នុងមន្ទីរឃុំខ្លួនរបស់សាលាក្តីខ្មែរក្រហមនៅជាយទីក្រុងភ្នំពេញ ជាមួយអតីតមេដឹកនាំជាន់ខ្ពស់នៃរបបខ្មែរក្រហមជាច្រើននាក់ផ្សេងទៀត៕
អត្ថបទដែលទាក់ទង
- សាលាក្ដីខ្មែរក្រហមភាគីកម្ពុជានឹងអស់ថវិកានៅខែវិច្ឆិកា ឆ្នាំ២០១០
- ជនរងគ្រោះរបបខ្មែរក្រហមជាង៤ពាន់នាក់សុំធ្វើជាដើមបណ្ដឹងរដ្ឋប្បវេណី
- អង្គការអន្តរជាតិអបអរនិងបារម្ភចំពោះដំណើរការតុលាការខ្មែរក្រហម
- ហោ ណាំហុង មិនពេញចិត្តចំពោះការកាត់ទោសឌុច
- មេធាវីឌុចនឹងប្ដឹងជំទាស់ការកាត់ទោសដោយសាលាក្ដីខ្មែរក្រហម
មតិ
បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួលនិងអាចចុះផ្សាយបានយោងតាមលក្ខខណ្ឌនៃការប្រើប្រាស់របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរីមិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។
I wonder, who Khiev Samphan really served. He was law professor,well educated,very intelligent,how come he become so cruel.
2009-12-19 16:22
beside killing, khmere rouge is better than Hunsen.
2009-12-18 22:45
He liar. He always liar. the book he wrote 25% liar.
2009-12-18 13:54
What have they done so far for the coutry beside a killing field and a horrible tragedy in Cambodian history! It's totally inexcusable and must be condemned! Hopefully they will get a severe conviction what they deserve to.
2009-12-18 13:11
What have they done so far for the coutry beside a killing field and a horrible tragedy in Cambodian history! It's totally inexcusable and must be condemned! Hopefully they will get a severe conviction what they deserve to.
2009-12-18 13:11
មើលមតិទាំងអស់.