យោងតាមសេចក្ដីប្រកាសព័ត៌មានរបស់អង្គជំនុំជម្រះវិសាមញ្ញក្នុងតុលាការកម្ពុជា សនវនាការនៅថ្ងៃនោះ នឹងមានការអនុញ្ញាតឲ្យអ្នកសារព័ត៌មាន វិទ្យុ ទូរទស្សន៍ ផ្សាយបន្តផ្ទាល់បាន ព្រមទាំងបើកឲ្យមានការចូលរួមពីសាធារណជនផងដែរ។
លោក ខៀវ សំផន អតីតប្រធានគណៈប្រធានរដ្ឋនៃរបបកម្ពុជាប្រជាធិបតេយ្យ ឬរបបខ្មែរក្រហម ត្រូវបានចាប់ខ្លួនដោយសាលាក្ដីខ្មែរក្រហមនៅខែវិច្ឆិកា ឆ្នាំ២០០៧ ក្នុងបទឧក្រិដ្ឋប្រឆាំងនឹងមនុស្សជាតិនិងឧក្រិដ្ឋកម្មសង្រ្គាម៕