នាយករដ្ឋមន្រ្តីខ្មែរទៅចូលរួមកិច្ចប្រជុំនៅជប៉ុន
ដោយ កែវ និមល
2009-11-05
លោក ហ៊ុន សែន នាយករដ្ឋមន្រ្តីកម្ពុជា បានដឹកនាំគណៈប្រតិភូមួយក្រុមទៅចូលរួមកិច្ចប្រជុំកំពូលមេគង្គ-ជប៉ុន ដែលចាប់ផ្តើមនៅថ្ងៃទី៦-៧ វិច្ឆិកា នៅទីក្រុងតូក្យូ ប្រទេសជប៉ុន។
លោកនាយករដ្ឋមន្រ្តីខ្មែរ ហ៊ុន សែន។
គណៈប្រតិភូចាកចេញពីភ្នំពេញ នៅថ្ងៃទី៥ វិច្ឆិកា ដោយមានមន្រ្តីជាន់ខ្ពស់កម្ពុជាមួយចំនួនអមដំណើរផង មានជាអាទិ លោក ហោ ណាំហុង ឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេសកម្ពុជា លោក ចម ប្រសិទ្ធ ទេសរដ្ឋមន្រ្តីនិងជារដ្ឋមន្រ្តីក្រសួងពាណិជ្ជកម្ម និងមន្រ្តីជាន់ខ្ពស់រដ្ឋាភិបាលមួយចំនួនទៀតផងដែរ។
សេចក្តីថ្លែងការណ៍របស់ក្រសួងការបរទេសកម្ពុជា បានឲ្យដឹងថា កិច្ចប្រជុំកំពូលនៅប្រទេសជប៉ុននេះ នឹងបង្ហាញយ៉ាងច្បាស់នូវការប្តេជ្ញាចិត្តនយោបាយក្នុងកម្រិតខ្ពស់បំផុត នៃប្រទេសមេគង្គនិងជប៉ុន សម្រាប់ការអភិវឌ្ឍដ៏ទូលំទូលាយនៃតំបន់មេគង្គ រួមទាំងការគ្រប់គ្រងទន្លេមេគង្គ។
សេចក្តីថ្លែងការណ៍របស់ក្រសួងការបរទេសកម្ពុជា បានឲ្យដឹងដែរថា នៅប្រទេសជប៉ុន លោកនាយករដ្ឋមន្រ្តី ហ៊ុន សែន នឹងចូលជួបសវនាការជាមួយព្រះអង្គម្ចាស់រាជទាយាទ ណារ៉ូ ហ៊ីតុ នៅព្រះបរមរាជវាំងជប៉ុន និងជួបជាមួយលោកប្រធានរដ្ឋសភាជប៉ុន ប្រធានព្រឹទ្ធសភាជប៉ុន និងនាយករដ្ឋមន្រ្តីជប៉ុន។
នៅចុងបញ្ចប់កិច្ចប្រជុំនោះ មានសន្និសីទសារព័ត៌មានរួមគ្នាមួយ និងមានការចុះហត្ថលេខាលើសេចក្តីប្រកាសក្រុងតូក្យូ ស្តីពីភាពជាដៃគូថ្មីមួយសម្រាប់អនាគតរីកចម្រើនរុងរឿងរវាងជប៉ុន ជាមួយបណ្តាប្រទេសតំបន់មេគង្គដោយមានសកម្មភាពជប៉ុន មេគង្គ ជាឧបសម្ពន្ធ័៕
ឧបករណ៍រឿង
|
អ៊ីម៉េល |
|
ព្រឹត្តិបត្រព័ត៌មាន |
|
បោះពុម្ព |
|
ចែករំលែករឿងនេះ |
អត្ថបទដែលទាក់ទង
- កម្ពុជាបកស្រាយរឿងចាប់ខ្លួននិងហាមថៃមិនឲ្យបញ្ជាចរាចរណ៍ជើងអាកាស
- តំណាងបក្សសមរង្ស៊ីនៅអាមេរិកចេញសេចក្ដីថ្លែងការណ៍ថ្កោលទោសសភាខ្មែរ
- គណៈកម្មការខ្មែរម្ចាស់ស្រុកនឹងរៀបចំកិច្ចប្រជុំស្ដីពីបញ្ហានៅកម្ពុជា
- មន្ត្រីការបរទេសថៃឲ្យកម្ពុជាគោរពតាមកិច្ចព្រមព្រៀងពាណិជ្ជកម្ម
- កម្ពុជាហាមបុគ្គលិកថៃមិនឲ្យចូលធ្វើការក្នុងក្រុមហ៊ុនត្រួតពិនិត្យជើងយន្តហោះ
- កម្ពុជាមិនទាន់ទទួលលិខិតផ្លូវការស្នើសុំដោះលែងចារកម្មថៃនៅឡើយ
- មន្រ្តីរដ្ឋាភិបាលបំភ្លឺពីបញ្ហាព្រំដែននិងការលើកអភ័យឯកសិទ្ធិសមរង្ស៊ី
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
Dear PM, ask Japan how could they recovered from the word war II so fast? <br>In 1945, they were nuked to ground at Hiroshima and Nagasaki but they were able to get on their feet and move faster that many other country that were not at war. This is a good time to learn a lesson and bring home some knowledge. Have a great tip! <br>
2009-11-06 21:41
Good for PM Hun Sen to meet all Japanese high rank officers in Japan so that he can learn from them. Learning from Japan is better than Burma, China, Loa and VN.
2009-11-05 23:56
GOOD LUCK,SAMDECH HUN SEN.
2009-11-05 22:25
មើលមតិទាំងអស់.