កម្ពុជា-ថៃគ្រោងពិភាក្សាគ្នាពីបញ្ហាប្រាសាទព្រះវិហារ

ដោយ ម៉ៅ សុធានី

2008-05-06

កម្ពុជានិងថៃ គ្រោងជួបពិភាក្សាគ្នានៅថ្ងៃអង្គារនេះ ដើម្បីដោះស្រាយបញ្ហាចម្រូងចម្រាសស្តីពីប្រាសាទព្រះវិហារ ដែលស្ថិតនៅជាប់ព្រំដែនខ្មែរ-ថៃ ។

AFP Photo

ប្រាសាទព្រះវិហារនៃព្រះរាជាណាចក្រកម្ពុជា ។

យោងតាមការចុះផ្សាយរបស់កាសែតបាងកកប៉ុស្តិ៍ បានឲ្យដឹងថា លោក Weerasak Futrakul លេខាធិការអចិន្ត្រៃយ៍នៃក្រសួងការបរទេសថៃ បានត្រូវតែងតាំងដើម្បីជួបពិភាក្សាជាមួយលោកឧបនាយករដ្ឋមន្ត្រី សុខ អាន ក្នុងសំណើរបស់កម្ពុជា ដែលចង់បានដាក់ប្រាសាទព្រះវិហារ ទៅជាបេតិកភណ្ឌពិភពលោក ក្រោមការគ្រប់គ្រងរបស់អង្គការ យូណេស្កូ ។

ប្រភពព័ត៌មានដដែលបន្តថា រដ្ឋាភិបាលថៃគាំទ្រពេញទំហឹងដល់សំណើរបស់រដ្ឋាភិបាលខ្មែរ ដាក់ប្រាសាទព្រះវិហារជាបេតិកភណ្ឌពិភពលោក ពីព្រោះថា ប្រាសាទព្រះវិហារជារបស់ខ្មែរ ក៏ប៉ុន្តែដីព័ទ្ធជុំវិញប្រាសាទ នៅពុំទាន់ច្បាស់ថាផ្នែកខាងណាជារបស់ខ្មែរ ឬជាដីរបស់ថៃ ហេតុនេះហើយ ភាគីទាំងសងខាងត្រូវជជែកគ្នាជាមុន ៕

បោះពុម្ព អ៊ីម៉េល

មតិ

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួលនិងអាចចុះផ្សាយបានយោងតាមលក្ខខណ្ឌនៃការប្រើប្រាស់របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរីមិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។