យោងតាមការចុះផ្សាយរបស់កាសែតបាងកកប៉ុស្តិ៍ បានឲ្យដឹងថា លោក Weerasak Futrakul លេខាធិការអចិន្ត្រៃយ៍នៃក្រសួងការបរទេសថៃ បានត្រូវតែងតាំងដើម្បីជួបពិភាក្សាជាមួយលោកឧបនាយករដ្ឋមន្ត្រី សុខ អាន ក្នុងសំណើរបស់កម្ពុជា ដែលចង់បានដាក់ប្រាសាទព្រះវិហារ ទៅជាបេតិកភណ្ឌពិភពលោក ក្រោមការគ្រប់គ្រងរបស់អង្គការ យូណេស្កូ ។
ប្រភពព័ត៌មានដដែលបន្តថា រដ្ឋាភិបាលថៃគាំទ្រពេញទំហឹងដល់សំណើរបស់រដ្ឋាភិបាលខ្មែរ ដាក់ប្រាសាទព្រះវិហារជាបេតិកភណ្ឌពិភពលោក ពីព្រោះថា ប្រាសាទព្រះវិហារជារបស់ខ្មែរ ក៏ប៉ុន្តែដីព័ទ្ធជុំវិញប្រាសាទ នៅពុំទាន់ច្បាស់ថាផ្នែកខាងណាជារបស់ខ្មែរ ឬជាដីរបស់ថៃ ហេតុនេះហើយ ភាគីទាំងសងខាងត្រូវជជែកគ្នាជាមុន ៕