ព្រះមហាក្សត្រស្នើសុំឲ្យពិនិត្យមើលលទ្ធភាពក្នុងការដោះលែង ហង្ស ចក្រា
ដោយ សុខ សេរី
2009-11-08
ព្រះមហាក្សត្រខែ្មរ ព្រះបរមនាថ នរោត្តម សីហមុនី បានស្នើសុំឲ្យលោកនាយរដ្ឋមន្រ្តី ហ៊ុន សែន ជួយពិនិត្យមើលអំពីលទ្ធភាពនៅក្នុងការលើកលែងទោសលោក ហង្ស ចក្រា ចាងហ្វាងកាសែតខែ្មរម្ចាស់ស្រុក ដែលកំពុងតែជាប់នៅក្នុងគុកព្រៃស។
លោក ហង្ស ចក្រា ចាងហ្វាងកាសែតខ្មែរម្ចាស់ស្រុក នៅពេលត្រូវនាំខ្លួនចូលស្ដាប់សវនាការសាលាឧទ្ធរណ៍នាថ្ងៃទី១១ សីហា ២០០៩។
ព្រះរាជសាររបស់ព្រះករុណាទៅរដ្ឋាភិបាលស្នើឲ្យមានការលើកលែងទោសលោក ហង្ស ចក្រា នោះ បានធ្វើឡើងក្រោយពីលោក សម រង្ស៊ី បានទទូចសុំទៅព្រះករុណា។
លោក យឹម សុវណ្ណ តំណាងរាស្រ្តខាងគណបក្សសមរង្ស៊ី និងជាអ្នកនាំពាក្យនៃគណបក្សនេះផងដែរនោះ បានមានប្រសាសន៍អត្ថាធិប្បាយថា ៖ «ការចាប់អ្នកកាសែតដាក់ពន្ធនាគារនេះគឺមិនសមស្របទេនៅក្នុងកាលៈទេសៈប្រទេសយើងដែលកំពុងតែកសាងនូវសង្គមមួយមានប្រជាធិបតេយ្យ មានការគោរពសិទ្ធិមនុស្ស ហើយបើកទូលាយឲ្យមានការចូលរួមមតិពីគ្រប់មជ្ឈដ្ឋាននោះ ការលើកទឹកចិត្តអ្នកកាសែតគឺជាការចាំបាច់។ ដូច្នេះបើសិនជាមានអ្នកកាសែតដែលជាប់ពន្ធនាគារបែបនេះ យើងស្នើសុំថ្វាយព្រះមហាក្សត្រដើម្បីឲ្យព្រះមហាក្សត្រព្រះរាជប្រទានទោស»។
ព្រះរាជសារដែលវិទ្យុអាស៊ីសេរីទទួលបានចុះថៃ្ងទី២៧ ខែតុលាថ្មីៗនេះ មានខ្លឹមសារថា ព្រះអង្គបានទទួលលិខិតពីតំណាងរាស្រ្តគណបក្សសមរង្ស៊ីបានទូលស្នើសុំឲ្យព្រះអង្គលើកលែងទោសដល់លោក ហង្ស ចក្រា ចាងហ្វាងកាសែតខ្មែរម្ចាស់ស្រុក ដែលបច្ចុប្បន្នកំពុងតែជាប់នៅក្នុងពន្ធនាគារព្រៃស ក្រោមបទផ្សាយព័ត៌មានមិនពិត។ ព្រះរាជសារបានបន្តថា ព្រះអង្គសូមផ្ញើលិខិតនេះជូនប្រមុខរដ្ឋាភិបាលមេត្តាពិនិត្យដោយអនុគ្រោះ។
ទាក់ទងនឹងសំណើខាងលើនេះ លោក ខៀវ កាញារីទ្ធ ជារដ្ឋមន្រ្តីក្រសួងព័ត៌មាននិងមន្រ្តីអ្នកនាំពាក្យរបស់រដ្ឋាភិបាលកម្ពុជាផង បានមានប្រសាសន៍ប្រាប់វិទ្យុអាស៊ីសេរីនៅថៃ្ងសៅរ៍ ទី៧ ខែវិច្ឆិកានេះថា លោក ហង្ស ចក្រា បានជាប់ទោសបានមួយរយៈហើយ។ លោកមានគម្រោងការជួបពិភាក្សាជាមួយនឹងលោក សុខ អាន ឧបនាយករដ្ឋមន្រ្តី នាពេលឆាប់ៗនេះដើម្បីសុំការអនុគ្រោះដល់លោក ហង្ស ចក្រា បាននៅក្រៅឃុំ។
លោក ខៀវ កាញារីទ្ធ បានមានប្រសាសន៍ទៀតថា ភរិយារបស់លោក ហង្ស ចក្រា ក៏បានសរសេរលិខិតទៅលោកនាយករដ្ឋមន្រ្តី ហ៊ុន សែន ផងដែរ កាលពីសបា្តហ៍ថ្មីៗនេះ ប៉ុន្តែទាំងលោកនាយករដ្ឋមន្រ្តី ហ៊ុន សែន និងលោកឧបនាយករដ្ឋមន្រ្តី សុខ អាន កំពុងតែជាប់រវល់នៅពេលនោះ។
លោក ហង្ស ចក្រា អាយុ៥៥ឆ្នាំ ត្រូវបានតុលាការសាលាដំបូងរាជធានីភ្នំពេញ កាត់ទោសកាលពីថៃ្ងទី២៦ ខែមិថុនាកន្លងទៅ ឲ្យជាប់គុក១២ខែ និងបានផាកពិន័យជាប្រាក់ចំនួន៩លានរៀលក្រោមបទផ្សាយព័ត៌មានមិនពិត ក្រោយពីកាសែតនេះបានចេញផ្សាយព័ត៌មានមួយចំនួនកាលពីខែមេសានិងខែឧសភាកន្លងទៅ ក្រោមចំណងជើងថា លោកនាយករដ្ឋមន្រ្តី ហ៊ុន សែន បានបំបែកសំបុកមន្រ្តីអាក្រក់និងពុករលួយនៅជុំវិញលោក សុខ អាន និងអត្ថបទមួយទៀតបាននិយាយថា មន្រ្តីនិយម លោក សុខ អាន ប្រឈមមុខនឹងការដកហូតចេញពីតំណែងជាច្រើននាក់។
កាលពីថៃ្ងទី១១ ខែសីហាកន្លងទៅ តុលាការសាលាឧទ្ធរណ៍បានសម្រេចតម្កល់សាលក្រមរបស់តុលាការសាលាដំបូងរាជធានីភ្នំពេញនោះចាត់ទុកជាបានការ ដោយបន្តឃុំខ្លួនលោក ហង្ស ចក្រា ជាបន្តទៀត។
ព្រះរាជអន្តរាគមន៍ខាងលើនេះជាលើកទីពីរហើយ ក្រោយពីព្រះអង្គបានស្នើសុំឲ្យរដ្ឋមន្រ្តីក្រសួងយុត្តិធម៌ លោក អង្គវង្ស វឌ្ឍានា កាលពីខែសីហាកន្លងទៅ ឲ្យពិនិត្យមើលសំណុំរឿងរបស់លោក ហង្ស ចក្រា នោះ បន្ទាប់ពីព្រះអង្គបានទទួលសំណើពីអង្គការនិងសមាគមអ្នកកាសែតចំនួន៧នៅក្នុងប្រទេសកម្ពុជា៕
អត្ថបទដែលទាក់ទង
ទីភ្នាក់ងារព័ត៌មានកម្ពុជានិងវៀតណាមបង្កើនកិច្ចសហប្រតិបត្តិការ
អ្នកកាសែតជាប់ឃុំម្នាក់បន្តប្ដឹងឧទ្ធរណ៍ក្នុងរឿងក្ដីជាមួយសយសុភាព
មន្រ្តីជាន់ខ្ពស់ខ្មែរខ្វែងគំនិតគ្នាក្នុងការលើកលែងទោស ហង្ស ចក្រា
អតីតអ្នកកាសែតម្នាក់ត្រូវផ្តន្ទាទោសឲ្យជាប់គុក២ឆ្នាំពីបទផ្សាយព័ត៌មានមិនពិត
កាសែតសេរីភាពថ្មីផ្អាកការបោះពុម្ពផ្សាយព្រោះបញ្ហាថវិកា
សង្គមស៊ីវិលអំពាវនាវឲ្យអ្នកកាសែតប្រុងប្រយ័ត្នក្នុងការសរសេរព័ត៌មាន
អ្នកកាសែតម្នាក់ត្រូវឃាត់ខ្លួនពីបទផ្សាយព័ត៌មានមិនពិត
ក្រុមអ្នកកាសែតជួបពិភាក្សាអំពីក្រមសីលធម៌អ្នកសារព័ត៌មាន
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
MR. HANG CHAKRA,HE JUST WRITING TO LET BROTHER HUN SEN KNOW, ABOUT MORE CORRUPTORS AROUND YOUR IN-LAW H.E SOK AN. BUT SOMEONE WHO HAD BEEN CORRUPTED KNOW WHAT WAS GOING ON, THEN THEY BOUGHT A LOT OF THE JUDGES FOR THAT CASE, I HAD BEEN WITH H.E SOK AN ONE TIME, FOR BUSINESS, AND THOSE PEOPLE AROUND HIM, TOLD ME, NO MONEY CANNOT SEE HIM, I HAD NO CHOICES I HAD TO RETURNED BACK TO MY HOME. THIS IS THE TRUE, BUT MR HEAGN BUN HEANG HE IS THE BEST, MAN FOR YOUR FAMILY, HE WAS HONESTY MAN AND HE ALWAY RESPECTED WITH YOUR HIGH COMMAND. THANK TO HIM, FOR ONE DINNER THAT HIS WIFE AND HIM HAD BEEN GAVE TO ME, AFTER I HAD BROKEN MONEY IN CAMBODIA. I HAD MEET MR.BUN HEAND BY ACCIDENTAL. HE HAD NEVER KNOW ME, ADN I HAD NEVER KNOW,HIM AND HIS WIFE. BUT BOTH OF THEM WAS REAL CAMBODIAN.
2009-11-10 02:26
MR. HANG CHAKRA,HE JUST WRITING TO LET BROTHER HUN SEN KNOW, ABOUT MORE CORRUPTORS AROUND YOUR IN-LAW H.E SOK AN. BUT SOMEONE WHO HAD BEEN CORRUPTED KNOW WHAT WAS GOING ON, THEN THEY BOUGHT A LOT OF THE JUDGES FOR THAT CASE, I HAD BEEN WITH H.E SOK AN ONE TIME, FOR BUSINESS, AND THOSE PEOPLE AROUND HIM, TOLD ME, NO MONEY CANNOT SEE HIM, I HAD NO CHOICES I HAD TO RETURNED BACK TO MY HOME. THIS IS THE TRUE, BUT MR HEANG BUN HEANG HE IS THE BEST, MAN FOR YOUR FAMILY, HE WAS HONESTY MAN AND HE ALWAY RESPECTED WITH YOUR HIGH COMMAND. THANK TO HIM, FOR ONE DINNER THAT HIS WIFE AND HIM HAD BEEN GAVE TO ME, AFTER I HAD BROKEN MONEY IN CAMBODIA. I HAD MEET MR.BUN HEAND BY ACCIDENTAL. HE HAD NEVER KNOW ME, ADN I HAD NEVER KNOW,HIM AND HIS WIFE. BUT BOTH OF THEM WAS REAL CAMBODIAN.
2009-11-10 02:25
Court and everything is under the control of priminister.
2009-11-09 17:30
Cambodia is democratic just outside!!!!
2009-11-09 17:27
if Hun Sen says yes, everything will be ok. Justice minister has no power to recheck the case. Oh poor cambodia!
2009-11-08 17:25
មើលមតិទាំងអស់.