កាសែតភ្នំប៉ុស្តិ៍បានរាយការណ៍ឲ្យដឹងថា នៅក្នុងសិក្ខាសាលាមួយស្តីពីការស្វែងរកយុត្តិធម៌និងការផ្សះផ្សាគ្នា ដែលរៀបចំដោយមជ្ឈមណ្ឌលអភិវឌ្ឍន៍សង្គម កាលពីថ្ងៃព្រហស្បតិ៍កន្លងទៅនេះ អ្នកចូលរួមជាច្រើននាក់បានសម្តែងក្តីអស់សង្ឃឹមនិងបាត់ជំនឿជឿជាក់លើសាលាក្តីខ្មែរក្រហម បន្ទាប់ពីសាលាក្តីកូនកាត់នេះ ចេះតែមានរឿងអាស្រូវចោទប្រកាន់ថា មានពុករលួយនិងការដែលចេះតែពន្យារពេលកាត់សេចក្តីដោយពុំមានសេចក្តីពន្យល់នូវហេតុផលច្បាស់លាស់។
ទោះជាយ៉ាងណាក្តី យោងតាមប្រភពពីសាលាក្តីខ្មែរក្រហមសវនាការកាត់សេចក្តីអតីតមេគុកទួលស្លែង កាំង ហ្កិចអ៊ាវ ហៅ ឌុច ទំនងជានឹងធ្វើឡើងនៅដើមឆ្នាំក្រោយនេះ៕