សាលាក្ដីខ្មែរក្រហមសម្រេចដោះលែងជនជាប់ចោទ អៀង ធីរិទ្ធ

នៅថ្ងៃទី១៣ កញ្ញា នេះ អង្គជំនុំជម្រះសាលាដំបូងនៃសាលាក្ដីខ្មែរក្រហម បានចេញសេចក្ដីសម្រេចរបស់ខ្លួន ដោះលែងជនជាប់ចោទ អៀង ធីរិទ្ធ អតីតរដ្ឋមន្ត្រីក្រសួងសង្គមកិច្ចនៃរបបកម្ពុជាប្រជាធិបតេយ្យ។

ដោយ ឡេង ម៉ាលី
2012-09-13

h091312lm-a1.mp3

អតីតមេដឹកនាំខ្មែរក្រហម អ្នកស្រី អៀង ធីរិទ្ធ

រូបថតសាលាក្តីខ្មែរក្រហម

សេចក្ដីសម្រេចដោះលែងនេះ ត្រូវបានអង្គជំនុំជម្រះបញ្ជាក់ថា ដោយសារតែជំងឺវង្វេងវង្វាន់ និងបាត់ការចងចាំ ឬហៅថាជំងឺ អាលហ្សៃមើរ (Alzheimer) របស់ជនជាប់ចោទ កាន់តែមានស្ថានភាពធ្ងន់ធ្ងរទៅៗ មិនអាចចូលរួមតតាំងក្ដីក្នុងសវនាការបាន។

សេចក្ដីសម្រេចនេះ ក៏ផ្អែកលើសក្ខីកម្មរបស់អ្នកជំនាញផ្នែកពេទ្យចាត់តាំងដោយសាលាក្ដីខ្មែរក្រហម ដែលបញ្ជាក់ក្នុងសវនាការ កាលពីថ្ងៃទី៣០ និង៣១ សីហា ថា ការចុះខ្សោយនៃដំណើរការខួរក្បាលរបស់ជនជាប់ចោទ អៀង ធីរិទ្ធ នៅតែមិនអាចវិលមកសភាពធម្មតាបានទេ និងអស់លទ្ធភាពព្យាបាលហើយនៅពេលបច្ចុប្បន្ននេះ។ ប្រការនេះហើយ ដែលធ្វើឱ្យមិនមានមូលដ្ឋានបន្តការឃុំខ្លួនជនជាប់ចោទរូបនេះបាន។

ទោះជាដូច្នេះក្ដី ប្រធានផ្នែកកិច្ចការសាធារណៈនៃសាលាក្ដីខ្មែរក្រហម លោក ឌឹម សុវណ្ណារុំ បញ្ជាក់បន្ថែមថា សេចក្ដីសម្រេចរបស់អង្គជំនុំជម្រះភ្ជាប់ដោយវិធានការមួយចំនួន ចំពោះជនជាប់ចោទ អៀង ធីរិទ្ធ។

ការដោះលែងក្រោមវិធានការទាំងនេះ គឺស្របគ្នានឹងគោលបំណងរបស់ភាគីសហព្រះរាជអាជ្ញាដែរ ដែលយល់ស្របឱ្យដោះលែងមានលក្ខខណ្ឌ។ លោក ឌឹម សុវណ្ណារុំ បញ្ជាក់បន្ថែមថា ក្នុងរយៈពេល២៤ម៉ោង បន្ទាប់ពីការចេញសេចក្ដីសម្រេចនេះ បើពុំមានការជំទាស់អ្វីពីភាគីសហព្រះរាជអាជ្ញាទៀតទេ ជនជាប់ចោទ អៀង ធីរិទ្ធ នឹងបានដោះលែងពីកន្លែងឃុំឃាំងរបស់សាលាក្ដីខ្មែរក្រហម នៅថ្ងៃសុក្រ ទី១៤ កញ្ញា។

អ្នកឃ្លាំមើលដំណើរការរបស់សាលាក្ដីខ្មែរក្រហម លោក ឡុង បញ្ញាវុឌ្ឍ ថ្លែងថា តាមផ្លូវច្បាប់ ការដោះលែងនេះ ជាការត្រឹមត្រូវ បើទោះជាពិបាកទទួលយកដោយជនរងគ្រោះក៏ដោយ។

អង្គជំនុំជម្រះបញ្ជាក់ខាងចុងក្រោយថា សេចក្ដីសម្រេចដែលថា ជនជាប់ចោទមិនមានសម្បទាបញ្ញាស្មារតីគ្រប់គ្រាន់ក្នុងការចូលរួមសវនាការនេះ មិនមែនជាការសម្រេចអំពីពិរុទ្ធភាពរបស់ជនជាប់ចោទ អៀង ធីរិទ្ធ ឡើយ ហើយជនជនជាប់ចោទ ក៏មិនរួចពីការចោទប្រកាន់ដែរ។

ទន្ទឹមគ្នានេះដែរ ក្រុមចៅក្រម អ្នកច្បាប់ មន្ត្រីអង្គការឃ្លាំមើលដំណើរការរបស់សាលាក្ដីខ្មែរក្រហម និងអ្នកពាក់ព័ន្ធជាង២០០នាក់ បានជួបជុំគ្នាក្នុងសិក្ខាសាលាមួយ ហើយពិភាក្សាគ្នាថា តើសាលាក្ដីនេះ នឹងបន្សល់ទុកអំពីកេរដំណែលអ្វីខ្លះដល់ពលរដ្ឋកម្ពុជា និងមនុស្សជាតិលើលោកយើងនេះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

អត្ថបទដែលទាក់ទង

មតិ (5)

ចុចត្រង់នេះដើម្បីបន្ថែមយោបល់របស់អ្នក

Vuth Lee

ពី Lowell, Massachusetts,U.S.A

I understand a hundred percents of how much sufferings we all had went through in the years from 1975-1979. I had 22 of my own family members lost their lives. My Khmer patriots! Ieng Thirith is set freed by this court is acceptable because she can't stand trial due her mental incompetence. All Khmers, please think this way, Ieng Thirith had committed her horrible acts to our victims and can walk free that is unbelievable, but we are the Buddhists, we should believed in Karma: the force created by a person's actions that is believed in Buddhism to determine what that person's next life will be like.

Sep 14, 2012 05:54 PM

អ្នកអានអនាមិក

ទាយទុកជាមុនអ្នកត្រូវដោះលែងទី២ជាអៀងសារីព្រោះខ្មែរក្រហមបំរើយួន

Sep 14, 2012 05:48 PM

អ្នកអានអនាមិក

We all know they are criminal people and guilty for very long period of time. Why waste to much money for court? Using huge amount of money for nothing. It's so unfair for Cambodian people who have family members suffering from war.

Sep 14, 2012 11:04 AM

Khmer

ពី Phnom Penh

ចំពោះ ខ្ញុំ ទោះជាឆ្កួត, ឡប ឬស្លាប់ ក៍ដោយ ក៌ត្រូវកាត់ទោសដែរ។ កំអោយអ្នកក្រោយ ធ្វើតាម តំរាប់ នេះ
-ចំពោះខ្ញុំំមានសាច់ញាតិ ស្លាប់ក្រោមការដឹកនាំរបស់ពួកវា
+ប្រហែល ជាលោកៗ កុលាការ គ្មានសាច់ញាត់ស្លាប់ទេ មើល។ លើលឡែងតែបរទេស។

Sep 14, 2012 12:49 AM