អ្នកឃ្លាំមើល៖ ការជ្រៀតជ្រែករបស់រដ្ឋាភិបាលជាការគំរាមដល់តុលាការខ្មែរក្រហម

ដោយ ឃឹម សារ៉ង

2009-11-25

របាយការណ៍របស់ក្រុមអន្តរជាតិមួយដែលតាមឃ្លាំមើលតុលាការកាត់ទោសខ្មែរក្រហម បានលើកឡើងថា ការជ្រៀតជ្រែករបស់រដ្ឋាភិបាលកម្ពុជា គឺជាការគំរាមកំហែងដល់ដំណើរការរបស់តុលាការនេះ។

Courtesy of ECCC

សាលាក្ដីខ្មែរក្រហមបើកសវនាការលើករណីមេគុកទួលស្លែង ឌុច កាលពីថ្ងៃ២៣ វិច្ឆិកា ២០០៩។

ក្នុងពេលដែលតុលាការខ្មែរក្រហមដែលមានការចូលរួមពីអង្គការសហប្រជាជាតិ កំពុងបើកសវនាការកាត់ទោសអតីតមេគុកទួលស្លែង កាំង ហ្កេចអ៊ាវ ហៅ ឌុច មុននឹងឈានដល់ការសម្រេចផ្តន្ទាទោសនោះ ក្រុមអន្តរជាតិមួយដែលតាមឃ្លាំមើលតុលាការខ្មែរក្រហមបានលើកឡើងថា ការជ្រៀតជ្រែករបស់រដ្ឋាភិបាលកម្ពុជា គឺគំរាមដល់ដំណើរការរបស់តុលាការនេះ។

របាយការណ៍របស់ក្រុមមួយដែលជាអ្នកឃ្លាំមើលតុលាការកាត់ទោសខ្មែរក្រហមឈ្មោះ Open Society Justice Initiative ដែលចេញផ្សាយកាលពីថ្ងៃអង្គារ ២៤ វិច្ឆិកាថា ការជ្រៀតជ្រែកខាងនយោបាយចូលក្នុងតុលាការនេះ បង្កជាទំនាស់ធ្ងន់ធ្ងរដល់ភាពគួរឲ្យជឿទុកចិត្តរបស់តុលាការផង និងដល់គុណភាពរបស់តុលាការក្នុងដំណើរការតាមបទដ្ឋានអន្តរជាតិផង។

របាយការណ៍បន្តទៀតថា ការបដិសេធរបស់សហចៅក្រមស៊ើបអង្កេតខ្មែរមិនកោះហៅមន្ត្រីជាន់ខ្ពស់មួយចំនួនទៀតមកសាកសួរ ហើយនិងប្រសាសន៍ប្រឆាំងនឹងតុលាការពីសំណាក់មន្ត្រីជាន់ខ្ពស់នានាក្នុងរដ្ឋាភិបាលកម្ពុជា បាននាំឲ្យមានការបារម្ភកាន់តែខ្លាំងឡើង។

អង្គការដដែលនេះក៏បានលើកឡើងទៀតថា ការអូសបន្លាយរបស់រដ្ឋាភិបាលខ្មែរក្នុងការជ្រើសតាំងសហព្រះរាជអាជ្ញាអន្តរជាតិថ្មី បន្ទាប់ពីជនជាតិកាណាដា លោក រ៉ូប៊ែរ ប៉ឺទី (Robert Petit) បានប្រកាសលាឈប់ពីការងារកាលពីខែមិថុនា ដោយមូលហេតុគ្រួសារនោះ បានទុកឲ្យដំណើរការកាត់ទោសដោយគ្មានតុល្យភាពនិងគ្មានភាពដឹកនាំរឹងមាំ។

របាយការណ៍បញ្ជាក់ថា ក្នុងពេលដែលគេមិនបានប្រកាសជាសាធារណៈនូវមូលហេតុស្តីពីការអូសបន្លាយនេះ គឺបញ្ហានេះបានក្លាយកាន់តែច្បាស់ឡើងហើយថា វាអាចនឹង ហើយប្រហែលជាបម្រុងធ្វើឲ្យការិយាល័យព្រះរាជអាជ្ញាចុះខ្សោយ ដោយដកហូតរយៈពេលយូរមិនឲ្យមានភាពដឹកនាំរឹងមាំក្នុងសវនាការនោះ៕

បោះពុម្ព អ៊ីម៉េល

មតិ

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួលនិងអាចចុះផ្សាយបានយោងតាមលក្ខខណ្ឌនៃការប្រើប្រាស់របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរីមិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។

អ្នកអានអនាមិក :

Court judges by actions not by name,title, or skin colors.I believed that some of ex-Khmer Rouge were good otherwise all city people were dead.Some of ex-Khmer Rouge betrayed Pol Pot and risked their lives to save others.Should we give them some credits.i.e Mr.Pen Sovann,Mr.Heng Samrin,Mr.Chea Sim etc... <br>For me ,thanks to who ever serves Khmer interests and condemn who ever serves other nation than their own people.

2009-11-29 23:48

អ្នកអានអនាមិក :

It is no use for Hun Sen t block the court or he will be judged in history to interfer the court.

2009-11-29 20:25

អ្នកអានអនាមិក :

There is no just in the world. Law is used to control poor people ONLY.

2009-11-26 08:11

អ្នកអានអនាមិក :

There is no just in the world. Law is used to control poor people ONLY.

2009-11-26 08:10

អ្នកអានអនាមិក :

Hehehe!!!! Y u need to worry?? some Government member and the leader is EX-KHMER ROUGE