តុលាការបើកសវនាការសន្និដ្ឋានទៅលើករណីលោក ម៉ម សូណង់ដូ ថ្ងៃទី៤

សាលាដំបូងរាជធានីភ្នំពេញនៅព្រឹកថ្ងៃទី១៤ កញ្ញា នេះ បានបន្តបើកសវនាការលើករណីលោក ម៉ម សូណង់ដូ និងអ្នកពាក់ព័ន្ធមួយចំនួនទៀត ចូលដល់ថ្ងៃទី៤ហើយ។

ដោយ សេក បណ្ឌិត និង សុ ជីវី
2012-09-14

លោក ម៉ម សូណង់ដូ (រូបពាក់អាវស) ចុះពីឡានចូលទៅបន្ទប់សវនាការ សាលាដំបូងរាជធានីភ្នំពេញ កាលពីព្រឹកថ្ងៃទី១១ កញ្ញា ឆ្នាំ២០១២។

RFA/Tep Soravy

អង្គសវនាការ បានបើកឲ្យមានការកត់សម្គាល់ពីជនជាប់ចោទ និងការសន្និដ្ឋានរបស់លោកមេធាវីចំពោះដំណើរការនៃអង្គសវនាការរយៈពេលបីថ្ងៃកន្លងមក។

សវនាការនៅក្នុងព្រឹកថ្ងៃសុក្រ នេះ បានអនុញ្ញាតឲ្យលោក ម៉ម សូណង់ដូ ឡើងកត់សម្គាល់មុនគេក្នុងចំណោមជនជាប់ចោទ៨នាក់ផ្សេងទៀត។

លោកនៅតែអះអាងថា លោកមិនមានជាប់ពាក់ព័ន្ធនឹងការចង់បង្កើតតំបន់អបគមន៍ស្អីនោះទេ ហើយសមាគមអ្នកប្រជាធិបតេយ្យរបស់លោក ធ្វើការក្នុងន័យជួយដល់ប្រជាពលរដ្ឋក្រីក្រនៅតំបន់នោះ។ លោកបន្តថា បើសិនជាការអន្តរាគមន៍ណាមួយដែលធ្វើឡើងដោយសមាជិកសមាគមរបស់គាត់ គាត់ចាត់ទុកជាការសម្របសម្រួលជួយដល់អាជ្ញាធរមូលដ្ឋានក្នុងការដោះស្រាយបញ្ហាអ្វីមួយទៅវិញទេ។

ចំពោះគោលបំណងរបស់សមាគម និងជាឆន្ទៈរបស់គាត់ផ្ទាល់ គឺចង់ឲ្យប្រជាពលរដ្ឋយល់ដឹងពីច្បាប់ និងសិទ្ធិសេរីភាព ហើយបើមានកើតឡើងនូវអំពើហិង្សាណាមួយនោះ គឺផ្ទុយពីឧត្ដមគតិរបស់លោក។ ទាក់ទងនឹងសាក្សីដើមចោទ អះអាងថា លោកមានជាប់ពាក់ព័ន្ធនឹងលោក សួន សេរីរដ្ឋា ជាប្រធានចលនាអំណាចពលរដ្ឋខ្មែរ ដែលមានទីតាំងនៅសហរដ្ឋអាមេរិកនោះ លោកទទួលស្គាល់ថាពិតជាមានមែន ប៉ុន្តែទំនាក់ទំនងនោះ គឺក្នុងនាមលោកជាអ្នកសារព័ត៌មានប៉ុណ្ណោះ។

លោក ម៉ម សូណង់ដូ ក៏បានបញ្ជាក់ចំពោះអង្គសវនាការដែរថា លោកនឹងប្ដឹងលោក សួន សេរីរដ្ឋា បើសិនជា សួន សេរីរដ្ឋា យកឈ្មោះសមាគមរបស់លោកធ្វើជាខែលដើម្បីប្រព្រឹត្តអំពើទុច្ចរិតណាមួយនោះ។

ចំណែកជនជាប់ចោទចំនួន៨នាក់ផ្សេងទៀត បានឆ្លើយប្រាប់អង្គសវនាការថា ពួកគាត់មិនដឹងមិនយល់អ្វីទាំងអស់ ចំពោះអ្វីទៅដែលហៅថាការបង្កើតតំបន់អបគមន៍នោះទេ។

តែទោះយ៉ាងណាក៏ដោយ ព្រះរាជអាជ្ញាអមសាលាដំបូងរាជធានីភ្នំពេញ នៅព្រឹកនេះ បានស្នើទៅចៅក្រមឲ្យដាក់ទោសលើលោក ម៉ម សូណង់ដូ ទៅតាមបទចោទដែលធ្លាប់បានដាក់បន្ទុក និងចោទកន្លងមកនោះ។

ចាប់តាំងពីម៉ោងជិតប្រាំបួនព្រឹក រហូតដល់ម៉ោង១២ថ្ងៃត្រង់ ថ្ងៃសុក្រ ទី១៤ ខែកញ្ញា នេះ តុលាការនៅតែបន្តនីតិវិធីរបស់ខ្លួននៅឡើយ។

ចំណែកនៅខាងក្រៅតុលាការ មានពលរដ្ឋរាប់រយនាក់ឈរលើកបដាស្រែកជ័យឃោស តវ៉ាទាមទារឲ្យតុលាការដោះលែងលោក ម៉ម សូណង់ដូ។ ប៉ុន្តែ កងកម្លាំងចម្រុះជាច្រើនរយនាក់ បានដាក់ពង្រាយកម្លាំងគ្រប់ច្រកក្បែរបរិវេណសាលាដំបូងរាជធានីភ្នំពេញ ហើយបានបិទកំណាត់ផ្លូវព្រះមុនីរ៉េត នៅចន្លោះពីអាងទឹកអូឡាំពិក ទៅដល់រង្វង់មូលនាងគង្ហីងមិនឲ្យមានចរាចរឆ្លងកាត់ឡើយ អស់រយៈពេលជិតបួនថ្ងៃហើយ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

អត្ថបទដែលទាក់ទង

មតិ (5)

ចុចត្រង់នេះដើម្បីបន្ថែមយោបល់របស់អ្នក

sam sang svanhn

ពី Georgia, USA.

Dear: Mr. Prime Minister Hun $en, Ho Nam Hong, = Ho chi Minh, Sok An, On Dinh Tieng, Phay Siphan, Keo Rimi, officer, and Judge. all of you need to learn to earn respect by being respectful. Respect isn't something you can demand or manipulate by saying what you think people want to hear. you earn respect by listening, acknowledging feelings and treating others with the same respect you hope to get in return. Treat everyone with kindness and respect, even those who are rude to you, not because they are nice, but because you are.

Sep 14, 2012 09:31 AM

Petter Chan

ពី Phnom Penh

សូចចាំថា វាជាការចោទប្រកាន់របស់រដ្ឋាភិបាលលើលោក ម៉ម សូណង់ដូ ។ ដូច្នេះតុលាការ (តុលាការបំរើ អ្នកណា?) គ្រាន់តែធ្វើអោយតែល្អមើលតែប៉ុណ្ណោះ ។ ហើយការដាក់ទោសប៉ុន្មានឆ្នាំនោះ គេបានគិតរួចហើយ ។ (ខ្ញុំគិតអញ្ចឹង)

Sep 14, 2012 06:16 AM