អ្នកវិភាគ៖ លោក ម៉ម សូណង់ដូ នឹងត្រូវសម្របសម្រួលតាមផ្លូវនយោបាយ

អ្នកនយោបាយ និងមន្ត្រីអង្គការសិទ្ធិមនុស្សមួយចំនួនរំពឹងថា ករណីលោក ម៉ម សូណង់ដូ ប្រធានវិទ្យុសំបុកឃ្មុំ និងជាប្រធានសមាគមអ្នកប្រជាធិបតេយ្យ នឹងត្រូវមានការសម្របសម្រួលមួយតាមផ្លូវនយោបាយ។

ដោយ សេក បណ្ឌិត
2012-10-10

h100912ho.mp3

ប៉ូលិសរុញលោក ម៉ម សូណង់ដូ ចូលរថយន្តត្រឡប់ទៅពន្ធនាគារវិញ បន្ទាប់ពីសាលាដំបូងរាជធានីភ្នំពេញ ប្រកាសសាលក្រមឲ្យជាប់ពន្ធនាគារ ២០ឆ្នាំ នៅថ្ងៃទី១ តុលា ឆ្នាំ២០១២។

RFA/Mom Sophon

ការយល់ឃើញដូច្នេះ ពីព្រោះគេសង្កេតឃើញថា ការចាប់ខ្លួនលោកស្ថិតនៅលើទិដ្ឋភាពនយោបាយ ជាជាងពាក់ព័ន្ធនឹងការចោទប្រកាន់លើបទល្មើសនានា។ ប៉ុន្តែមន្ត្រីរដ្ឋាភិបាលអះអាងថា ករណីលោក ម៉ម សូណង់ដូ ត្រូវតែដោះស្រាយតាមប្រព័ន្ធតុលាការ ដោយមិនមានការសម្របសម្រួលតាមរូបភាពនយោបាយ ឬផ្សះផ្សាជាតិនោះទេ។

សំឡេងស្រែកកងរំពងដង្ហោយហៅរកយុត្តិធម៌ជូនលោក ម៉ម សូណង់ដូ នៅតែបន្ទរឡើងជាបន្តបន្ទាប់ ចាប់តាំងពីពាក់កណ្ដាលខែកក្កដា រហូតមកដល់ដើមខែតុលា នេះ។

បន្ទាប់ពីតវ៉ាទាមទាររកយុត្តិធម៌នៅក្បែរសាលាដំបូងរាជធានីភ្នំពេញ មិនបានជោគជ័យ សមាជិកសមាគមអ្នកប្រជាធិបតេយ្យរបស់លោក ម៉ម សូណង់ដូ ប្រមាណ ១០០នាក់ នាំគ្នាយកញត្តិទៅថ្វាយព្រះមហាក្សត្រនៅព្រះបរមរាជវាំង កាលពីថ្ងៃទី៨ តុលា ដើម្បីសុំកិច្ចអន្តរាគមន៍ពីព្រះអង្គសុំឲ្យដោះលែងលោក ម៉ម សូណង់ដូ។

ញត្តិនោះ មានទាំងស្នាមមេដៃអ្នកគាំទ្រជាង ១៤ម៉ឺននាក់ ហើយអ្នកទាំងនោះបានអះអាងថា លោក ម៉ម សូណង់ដូ អត់មានពាក់ព័ន្ធនឹងរឿងបង្កើតតំបន់អបគមន៍នៅខេត្តក្រចេះ ដូចរដ្ឋាភិបាលចោទប្រកាន់នោះទេ។

ទាក់ទងនឹងការដាក់ញត្តិថ្វាយព្រះមហាក្សត្រនេះ តំណាងសមាជិកសមាគមអ្នកប្រជាធិបតេយ្យ លោក ស៊ា សុផុន បញ្ជាក់ពីមូលហេតុដែលពួកគាត់នាំយកញត្តិមកថ្វាយព្រះមហាក្សត្រនេះ ដោយសារពួកគាត់ពុំមានជំនឿលើប្រព័ន្ធតុលាការកម្ពុជា។ លោកបញ្ជាក់ថា តុលាការមិនឯករាជ្យ កាត់ក្តីមិនយុត្តិធម៌ ជាការចោទប្រកាន់ដែលមិនមានការពិតជាក់ស្ដែងចំពោះលោក ម៉ម សូណង់ដូ។

ទាក់ទងនឹងការផ្ដន្ទាទោសលោក ម៉ម សូណង់ដូ នេះដែរ បក្សនយោបាយ និងមន្ត្រីសង្គមស៊ីវិលបានបង្ហាញទស្សនៈថា រឿងនេះជារូបភាពនយោបាយ ដូច្នេះគួរតែមានការចរចាតាមផ្លូវនយោបាយ ដើម្បីបញ្ចប់បញ្ហានេះ។

លោក សម រង្ស៊ី មេដឹកនាំបក្សប្រឆាំងក្នុងប្រទេសកម្ពុជា ដែលកំពុងនិរទេសខ្លួននៅខាងក្រៅប្រទេសនោះ មានប្រសាសន៍ថា ករណីលោក ម៉ម សូណង់ដូ មិនមែនជារឿងតុលាការទេ គឺជារឿងឆាកល្ខោននយោបាយមួយ ហើយលោកជឿថា លោក ម៉ម សូណង់ដូ នឹងត្រូវគេដោះលែងនៅពេលដ៏ឆាប់ខាងមុខនេះ។

ទាក់ទងបញ្ហានេះដែរ លោកបណ្ឌិត ឡៅ ម៉ុងហៃ អ្នកវិភាគឯករាជ្យបានសង្កេតឃើញថា តាំងពីដំបូងមក ការចោទប្រកាន់រហូតមានការចាប់ខ្លួនលោក ម៉ម សូណង់ដូ គឺធ្វើឡើងក្រោមទិដ្ឋភាពនយោបាយ។

លោករំពឹងថា ករណីនេះនឹងមានការតម្រឹមតាមបែបផែននយោបាយ តែគេនៅតែប្រើប្រព័ន្ធតុលាការដដែល។ តែទោះយ៉ាងណា លោកថាករណីលោក ម៉ម សូណង់ដូ លើកនេះ អាចចំណាយពេលយូរជាងពេលមុនៗ ឬអាស្រ័យលើទម្ងន់នៃកិច្ចអន្តរាគមន៍ពីអន្តរជាតិ។

អនុប្រធានអង្គភាពព័ត៌មាន និងប្រតិកម្មរហ័ស នៃទីស្ដីការគណៈរដ្ឋមន្ត្រី លោក កែវ រ៉េមី លោកមានប្រសាសន៍ថា ប្រទេសម្ចាស់ជំនួយគេបានបញ្ជាក់ហើយថា គេនឹងមិនលូកដៃចូលក្នុងរឿងអំណាចតុលាការនោះទេ ព្រោះជាឯករាជ្យភាពរបស់ប្រទេសមួយ ដែលមិនអាចជ្រៀតជ្រែកបាន។

ប្រធានវិទ្យុសំបុកឃ្មុំ និងជាប្រធានសមាគមអ្នកប្រជាធិបតេយ្យ លោក ម៉ម សូណង់ដូ ត្រូវសាលាដំបូងរាជធានីភ្នំពេញ ប្រកាសសាលក្រមកាត់ទោសឲ្យជាប់ពន្ធនាគារ ២០ឆ្នាំ និងពិន័យជាប្រាក់ចំនួន ១០លានរៀល ពីបទនៅក្រោយខ្នងក្រុមលោក ប៊ុន រដ្ឋា ដែលរដ្ឋាភិបាលបានចាត់ទុកក្រុមនេះថា ប៉ុនប៉ងបង្កើតតំបន់អបគមន៍ នាភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ ជាការជាប់ឃុំលើកទីបី។

បើប្រៀបធៀបនឹងការជាប់ទោសចំនួនពីរលើកកន្លងមក លើកទី៣នេះ មានស្ថានភាពធ្ងន់ធ្ងរជាងមុន ដោយសារជាប់ទោសពីរលើកមុន មានរយៈពេលខ្លី និងមិនទាន់ឈានដល់បើកសវនាការនោះទេ។

ទោះយ៉ាងណា អង្គការសង្គមស៊ីវិលជាតិ និងអន្តរជាតិ រួមក្រសួងការបរទេសអាមេរិកផង បានចេញសេចក្ដីថ្លែងការណ៍ជាបន្តបន្ទាប់ សុំឲ្យសាលាដំបូងដោះលែងលោក ម៉ម សូណង់ដូ។ ស្ថាប័នទាំងនោះ បានហៅការកាត់ក្ដីរបស់តុលាការរាជធានីភ្នំពេញថា មិនត្រឹមត្រូវ និងអយុត្តិធម៌។

លោក ម៉ម សូណង់ដូ ត្រូវបានរដ្ឋាភិបាលចាប់ដាក់គុកលើកទីមួយ កាលពីឆ្នាំ២០០៣ គាត់ជាប់គុកព្រៃស រយៈពេលជាង ២អាទិត្យ បន្ទាប់ពីតុលាការបានចោទថា លោកផ្សាយព័ត៌មានមិនពិត អុជអាលឲ្យប្រជាពលរដ្ឋឲ្យប្រព្រឹត្តហិង្សា និងប្រកាន់ពូជសាសន៍តាមរយៈបទសម្ភាសន៍តាមទូរស័ព្ទក្នុងកម្មវិធីផ្សាយព័ត៌មានរបស់វិទ្យុសំបុកឃ្មុំ។ លើកទី២ នៅឆ្នាំ២០០៥ លោក ម៉ម សូណង់ដូ ត្រូវតុលាការចេញដីកាចាប់ខ្លួនម្ដងទៀត ហើយកាត់ទោសឲ្យជាប់គុកបីខែ ពីបទញុះញង់បង្ខូចកេរ្តិ៍ឈ្មោះ ដោយសារលោកធ្វើបទសម្ភាសន៍តាមទូរស័ព្ទក្នុងកម្មវិធីផ្សាយរបស់វិទ្យុសំបុកឃ្មុំ របស់លោកផ្ទាល់ ស្ដីពីបញ្ហាបោះបង្គោលព្រំដែនកម្ពុជា៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

អត្ថបទដែលទាក់ទង

មតិ (5)

ចុចត្រង់នេះដើម្បីបន្ថែមយោបល់របស់អ្នក

CheyVorman007

ពី AngKor Wat

បើសិនលោកតាព្រមហៃអ៊ឺជាមួយ គជប អង្ការរបស់លោកប
ណ្ឌិតសេកនឹងមានលេសហើយថាឈ្នះលើកនេះជាជម្រើស
ដ៏ត្រឹមត្រូវរបស់ពលរដ្ឆស្មែរ។បើតាមយើងសង្កេតមើលលោក
បណ្ឌិតសេករូបនេះលុងចិត្តលុងកាយយ៉ាងជ្រៅក្នុងពិភពដ់
ខ្មៅងងឹតមួយនៃបក្សពួកនឹងអំណាចជ្រុលនិយម បើតាមការ
ឆ្វេងយល់របស់ខ្មុំ បើប្រទេសខ្មែរនៅតែគ្រប់គ្រងដោយបក្ស
ពួកលោកបណ្ឌិតសេក យើងដែលជាខ្មែរសុទ្ធនឹងក្មេងជំនាន់
ក្រោយរកសុខមិនបានឡើយ សូមងាកមើលករណីលោកផ្កាយ
ពីរគ្រឿងញ្ញាណគេដោះលែងទុកតែអង្គរកក្នុងគុកជំនួស ។

Oct 11, 2012 01:10 AM

Prey Nup

Hok Lundy(four golden stars general) will come to get you(Hun Sen)very soon, he missed you very much and I know you missed Hok Lundy too.

Oct 10, 2012 06:33 PM

Prey Chop

ពី pol leav(Kampuchea Krom)

Hun Sen, you will be a coward if for some reasons, Mam Sonando is set free by your stupid court! Do not release Mam Sonando and others if you are really a brave man. You will see what happen to you if Mam Sanando is to stay in your prison longer. Hun Sen, you are in a dangerous situation now even though Mam Sonando and his friends are set free or not. Politically, you are a looser at this moment and in the future because everybody in Cambodia and internationally had known that you set up this event in order to eliminate the Khmer Nationalist(s). When your turn to stay in jail, don't cry and I'm sure, it's will be your turn very soon because all poor and weak Khmers can't afford to have you as their Prime Minister anymore. I'm sincerely suggest you(Hun Sen) that escape from Cambodia now is your best choice or it will be too late for you and your family's members. It did happen to Sadam Hussein(Iraq), Kadaffi(Lybia), Murbarak(Egypt), Manuel Noriega(Panama) so will you(Hun Sen).

Oct 10, 2012 05:30 PM

អ្នកអានអនាមិក

ពី វ៉េងធីណា

បើសិនជាប្រទេសកម្ពុជាយើង ត្រូវរួចបំណុលពីសហរដ្ឋអាមេរិក ដោយសារ ករណីលោកម៉មសូណង់ដូ ដូចដែលលោក ប៉ាង សុខឿន បាននិយាយមែននោះ ដូច្នេះលោកម៉មសូណង់ដូ គួរតែទ្រាំរស់នៅក្នុងគុក មួយរយះសិនចោះ ! ពីព្រោះថា ការបូជាខ្លួនលោក មួយរយះ គឺអាចរួចបំណុល រហូតដល់បួនរយលានតុល្លា ហើយកម្ពុជាយើង នឹងត្រូវបានទទួលជំនួយបន្ថែមពីអាមេរិកទៀតផង ។ បើពិតជាអញ្ចឹងមែននោះ លោកម៉មសូណង់ដូ ព្រមទាំងប្រមុខដឹកនាំដែលមានលោកហ៊ុនសែន សុទ្ធតែជាវិរបុរសខ្មែរដ៏ឆ្នើម ជាអ្នកមានគុណ ដែលបានខិតខំប្រឹងប្រែងវិធីសាស្រ្ដ គ្រប់បែបយ៉ាងដើម្បី ផលប្រយោជន៍ជាតិ !

Oct 10, 2012 12:24 PM

MAIN

ពី USA

You, Som Rangsy, is always bla, bla, bla (kHMEAN BANN KAR). No one can predict Mr MOM will be free within 1 month or so. This case is not small, is pretty big. At a glance, seems is normal situation, but if we all take a very close look, it's serious. We all can patiently wait and see, what Mr MOm's case will be. Mr KAO RAMY's statement is very clear... In my opinion, we must act as educated people, don't be so fast,if we think wrong, everything will be wrong!!! and soon we will be so regret( THLEAK TUCK HOEUY!!!).

Oct 10, 2012 10:42 AM

មើលមតិទាំងអស់.