ប្រធានមជ្ឈមណ្ឌលកុមារកំព្រានៅខេត្តកណ្តាលត្រូវចាប់ខ្លួនពីបទវាយដំកុមារ
ដោយ សុខ សេរី
2009-10-31
ប្រធាននៃមជ្ឈមណ្ឌលកុមារកំព្រាក្នុងស្រុកកណ្តាលស្ទឹង ខេត្តកណ្តាល ត្រូវបានអាជ្ញាធរមូលដ្ឋានចាប់ខ្លួនកាលពីល្ងាចថៃ្ងព្រហស្បតិ៍ថ្មីៗនេះ ក្រោមបទចោទប្រកាន់ថាបានធ្វើទារុណកម្មលើកុមារជាអនីតិជនជាច្រើននាក់ឲ្យរងរបួសធ្ងន់ដោយសារការវាយដំនិងធ្វើទារុណកម្មនៅក្នុងមជ្ឈមណ្ឌលនោះ។
៣០-តុលា-២០០៩: កុមារដែលរងគ្រោះដោយសារការធ្វើទារុណកម្មពីសំណាក់ប្រធានមជ្ឈមណ្ឌលកុមារកំព្រា នៅក្នុងស្រុកកណ្ដាលស្ទឹង ខេត្តកណ្តាល។
លោក សឹម ឈិន អាយុ៥៣ឆ្នាំ ជានាយប៉ុស្តិ៍នគរបាលរដ្ឋបាលនៅក្នុងឃុំបឹងខ្សាង ស្រុកកណ្តាលស្ទឹង ខេត្តកណ្តាល ដែលបានចូលរួមសហការជាមួយនឹងសកម្មជនការពារសិទ្ធិមនុស្សអាដហុកនៅក្នុងខេត្តនេះ បានមានប្រសាសន៍ប្រាប់វិទ្យុអាស៊ីសេរីថា ប្រធានមជ្ឈមណ្ឌលកុមារកំពា្រ លោក ម៉េត ណារ៉ុង ត្រូវបានចាប់ឃាត់ខ្លួនហើយ។
លោក សឹម ឈិន បានបញ្ជាក់ថា ៖ «ឃាត់ខ្លួនពីបទប្រើអំពើហិង្សាបង្ករបួសស្នាមទៅលើកុមារ។ ជនល្មើសហ្នឹងខ្ញុំបានបញ្ជូនទៅអធិការដ្ឋានហើយ ក៏ប៉ុន្តែឥឡូវមិនដឹងថា គាត់បញ្ជូនទៅលើទៀតហើយឬនៅ ខ្ញុំអត់ដឹងដែរ។ សំណុំរឿង បានបំពេញឯកសារហ្នឹងអស់កាលពីល្ងាចមិញហើយ។ នេះគឺជាការព្រមានមួយកុំឲ្យអ្នកគ្រប់គ្រងប្រើអំពើហិង្សាធ្វើទារុណកម្មទៅលើកុមារ»។
កុមារឈ្មោះ សុទ្ធ ត្រា អាយុ១៤ឆ្នាំ ជាអ្នករងគ្រោះដោយសារការវាយដំនិងធ្វើទារុណកម្មធ្ងន់ធ្ងរជាងគេនៅក្នុងចំណោមកុមាររងគ្រោះចំនួន២នាក់ទៀត បានថែ្លងថា ខ្លួនបានមករស់នៅក្នុងមជ្ឈមណ្ឌលកុមារកំពា្រនោះបានរយៈពេល៧ឆ្នាំមកហើយ។ កាលពីពេលថ្មីៗនេះ គា្រន់តែធ្វើឲ្យពូករហែកដោយសារសត្វឆ្កែកកេរ បានរងការវាយដំជាច្រើនដំបងរហូតដល់បែកក្បាល។
កុមារ សុទ្ធ ត្រា បានឲ្យដឹងថា ៖ «កាន់ពូកម្នាក់មួយទៅ ហើយគាត់ថាមិនបាច់យកទេពូក យកតែអារហែកមកបានហើយ»។
សុខ សេរី ៖ វ៉ៃហ្នឹង វ៉ៃនឹងស្អីគេ? សុទ្ធ ត្រា ៖ វ៉ៃនឹងរំពាត់ដើមត្របែកព្រៃ។ សុខ សេរី ៖ វ៉ៃប៉ុន្មានដង? សុទ្ធ ត្រា ៖ ដៃទាំងពីរហ្នឹង១០ នៅសល់ខ្លួនទៀត។
សុខ សេរី ៖ លើកដំបូងឬក៏ធ្លាប់វ៉ៃកន្លងមកហើយដែរ? សុទ្ធ ត្រា ៖ ច្រើនហើយ។ សុខ សេរី ៖ ចុះអ្នកផ្សេង? សុទ្ធ ត្រា ៖ អ្នកផ្សេងត្រូវដែរ។
លោក ម៉ែន មករា ជាមន្រ្តីសម្របសម្រួលនៃអង្គការការពារសិទ្ធិមនុស្ស អាដហុក នៅក្នុងខេត្តកណ្តាល ដែលបានចូលរួមទប់ស្កាត់មិនឲ្យមានអំពើហិង្សានិងការធ្វើទារុណកម្មលើកុមារជាអនីតិជននោះ បានមានប្រសាសន៍ថា លោកចង់ឃើញតុលាការក្នុងខេត្តកណ្ដាលចោទប្រកាន់និងផ្តន្ទាទោសជនសង្ស័យឲ្យបានឆាប់និងធ្ងន់ធ្ងរ។
លោក ម៉ែន មករា បានបញ្ជាក់ថា ៖ «មកដល់ម៉ោងនេះលទ្ធផលដែលយើងទទួលបានគឺយើងបានយកជនល្មើសទៅដល់តុលាការហើយ ហើយយើងមិនទាន់ដឹងថា តើតុលាការសម្រេចឃុំខ្លួនឬមិនឃុំខ្លួនយ៉ាងណានោះទេ ដោយសារយប់មិញនេះខ្ញុំផ្ទាល់បានទទួលទូរស័ព្ទជាច្រើនខ្សែពីបណ្ដាញសុំអន្តរាគមន៍ដើម្បីមានការសម្រុះសម្រួលមួយ ប៉ុន្តែជាជំហរយើងខ្ញុំជាប្រជាពលរដ្ឋនៅទីនេះ គឺថាយើងមិនមានយុទ្ធសាស្ត្រណាមួយដើម្បីធ្វើការសម្រុះសម្រួលលើបទល្មើសព្រហ្មទណ្ឌនេះទេ»។
លោក សាត សុធី ជាប្រធានការិយាល័យសុខភាពកុមារនៅក្នុងខេត្តកណ្តាល ដែលបានចុះមកធ្វើកំណត់ហេតុជាមួយនឹងជនរងគ្រោះ បានមានប្រសាសន៍ថា ៖ «ខ្ញុំនឹងបូកសរុបលទ្ធផលដែលខ្ញុំពិនិត្យហើយ ខ្ញុំនឹងរាយការណ៍ជូនទៅមន្ទីរសង្គមកិច្ច»។
មានកុមារជាអនីតិជនចំនួន២នាក់ទៀតបានអះអាងថា បានរងគ្រោះដោយសារការវាយដំនិងធ្វើទារុណកម្មដោយប្រធានមជ្ឈមណ្ឌលកុមារកំព្រានោះ។
មាត្រាទី៣១នៃច្បាប់រដ្ឋធម្មនុញ្ញប្រទេសកម្ពុជាបានចែងអំពីការធានានូវការគោរពសិទ្ធិមនុស្ស សិទ្ធិនារីនិងសិទ្ធិកុមារ ដូចបានចែងនៅក្នុងធម្មនុញ្ញរបស់អង្គការសហប្រជាជាតិ (អ.ស.ប.) និងកតិកាសញ្ញា ព្រមទាំងសេចក្តីប្រកាសរបស់អ.ស.ប.នោះ៕
អត្ថបទដែលទាក់ទង
ប៉ូលិសខែត្រមណ្ឌលគិរីតាមចាប់ជនសង្ស័យ២នាក់ក្នុងករណីប្លន់
បុរសម្នាក់ត្រូវសមត្ថកិច្ចចាប់ខ្លួនដោយសារទាត់កូនស្រីឲ្យសន្លប់
បុគ្គលិកអង្គការមិត្តគ្មានព្រំដែនអំពាវនាវឲ្យពន្លឿនការស៊ើបអង្កេតករណីឃាតកម្ម
ទាហានម្នាក់រងរបួសធ្ងន់ដោយសារមេបញ្ជាការវាយដំ
ប៉ូលិសម្នាក់នៅមណ្ឌលគិរីរងការចោទថាប៉ុនប៉ងធ្វើឃាតអ្នកភូមិ
ពលរដ្ឋម្នាក់នៅកំពង់ឆ្នាំងត្រូវអ្នកយាមឡូត៍នេសាទបាញ់ឲ្យស្លាប់
អតីតអ្នកកាសែតម្នាក់ត្រូវផ្តន្ទាទោសឲ្យជាប់គុក២ឆ្នាំពីបទផ្សាយព័ត៌មានមិនពិត
បុរសតៃវ៉ាន់ម្នាក់ជាប់គុក៣៧ឆ្នាំពីបទរត់ពន្ធគ្រឿងញៀន
ជនដាណាម៉ាកម្នាក់រងការចោទថាចាប់បង្ខំរួមភេទជាមួយកុមារីខ្មែរ
ក្មេងស្រី១៧នាក់ត្រូវឃាត់ខ្លួនពីបទសង្ស័យថាប្រកបរបរផ្លូវភេទ
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
Learning the law but dont practice law and violate against law.
2009-11-12 03:47
I hope judge will find the justice for the victims. Mr. Meth Narong must be punished by the real law of the Kingdom of Cambodia.
2009-11-02 17:14
oh dear, that's digusting thing that punished the lil boy because of lil mistake. you guy must be jailed rather than intervention.
2009-11-02 01:15
is that guy camfrom french country? if he does, it make do different. because French cultue always like that , French always classified small child and poverty people as an animal any way. only one gender that french cannot lived with out is female gender. french culture shoul not implement in Cambodia any more. it was so violent to the our new youg generation. talk first if they don't understand, then tried to find out the root caused. that guy must be have problem with female, then dropped all his angry to orphanages, Dear brother hund sen now, you have another Gangster to taking care of.
2009-11-01 15:08
violence is not a good to show for cambodian next generation.authority of khmer should stop people charges in violence activity from now on.
2009-11-01 11:23
មើលមតិទាំងអស់.