ព្រះរាជបណ្ដាំព្រះមហាវីរក្សត្រចំពោះព្រះរាជវង្សានុវង្ស
zr.mp3
ទីប្រឹក្សាអមព្រះរាជខុទ្ទកាល័យព្រះមហាក្សត្រ បានឲ្យដឹងនៅថ្ងៃទី១៦ តុលា ថា ព្រះករុណាព្រះបាទសម្ដេចព្រះ នរោត្តម សីហនុ ព្រះមហាវីរក្សត្រនៃព្រះរាជាណាចក្រកម្ពុជា នៅមុនព្រះអង្គសោយទិវង្គត ព្រះអង្គមានព្រះរាជឱង្កាណែនាំដល់ព្រះរាជវង្សានុវង្សឲ្យធ្វើអំពើល្អនៅក្នុងសង្គម និងផ្ដល់ភាពយុត្តិធម៌ដល់ប្រជារាស្ត្រខ្មែរទូទៅ។
អតីតលេខាផ្ទាល់ព្រះមហាវីរក្សត្រ និងជាទីប្រឹក្សាអមព្រះរាជខុទ្ទកាល័យព្រះមហាក្សត្រព្រះអង្គម្ចាស់ ស៊ីសុវត្ថិ ធម្មិកោ មានព្រះរាជបន្ទូលថា នៅពេលព្រះរាជវង្សានុវង្សទៅថ្វាយបង្គំគាល់អតីតព្រះមហាក្សត្រ សម្ដេចព្រះ នរោត្តម សីហនុ ព្រះអង្គតែងតែលើកអំពីគោលបំណងសំខាន់របស់ព្រះអង្គឲ្យមានការបង្រួបបង្រួមជាតិ។
ព្រះអង្គម្ចាស់ ស៊ីសុវត្ថិ ធម្មិកោ មានព្រះរាជបន្ទូលឲ្យដឹងនេះ នៅបន្ទាប់ពីព្រះករុណាព្រះបាទសម្ដេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ ព្រះអង្គបានយាងចូលទិវង្គតនៅថ្ងៃទី១៥ តុលា។
ទាក់ទងទៅនឹងការសោយទិវង្គតរបស់អតីតព្រះមហាវីរក្សត្រនេះ សាធារណជនខ្មែរ និងមន្ត្រីអង្គការសង្គមស៊ីវិល បានសម្ដែងក្ដីព្រួយបារម្ភខ្លាចប្រទេសកម្ពុជា បាត់បង់នូវការបង្រួបបង្រួមជាតិ និងឯកភាពជាតិ។
ភ្ជាប់ទៅនឹងបញ្ហានេះ ព្រះអង្គម្ចាស់ ស៊ីសុវត្ថិ ធម្មិកោ ក៏បានសម្ដែងព្រះរាជហរទ័យព្រួយបារម្ភអំពីបញ្ហានេះដែរ។ ព្រះអង្គម្ចាស់មានព្រះរាជបន្ទូលថា ព្រះករុណាព្រះបាទសម្ដេចព្រះ នរោត្តម សីហនុ បានផ្ដែផ្ដាំថា ប្រទេសជាតិអាចជឿនលឿនទៅបានលុះត្រាតែនៅក្នុងប្រទេសមានយុត្តិធម៌សង្គម និងយុត្តិធម៌សេដ្ឋកិច្ច។
ទោះបីជាយ៉ាងណាក៏ដោយ សាស្ត្រាចារ្យផ្នែកប្រវត្តិសាស្ត្រនៃសាកលវិទ្យាល័យភូមិន្ទភ្នំពេញ លោកសាស្ត្រាចារ្យ សំបូរ ម៉ាណ្ណារ៉ា មានប្រសាសន៍ថា អតីតព្រះមហាក្សត្រ សម្ដេចព្រះ នរោត្តម សីហនុ ព្រះអង្គបានប្រសូតអ្នកចេះដឹងជាច្រើននៅក្នុងសង្គមកម្ពុជា ដើម្បីជួយរួមចំណែកក្នុងការអភិវឌ្ឍប្រទេសជាតិ និងធ្វើឲ្យកម្ពុជា មានការបង្រួបបង្រួមជាតិ។
សេចក្ដីប្រកាសព័ត៌មានរបស់សហគមន៍រងគ្រោះដោយសារការបណ្ដេញចេញពីលំនៅឋាន គឺសហគមន៍បឹងកក់ និងបុរីកីឡា រាប់រយនាក់ បានឲ្យដឹងថា ពួកគេនឹងដង្ហែក្បួនទៅកាន់ព្រះបរមរាជវាំង ដើម្បីចូលរួមរំលែកទុក្ខដល់អតីតព្រះមហាវីរក្សត្រ នៅថ្ងៃទី១៧ ខែតុលា នៅគ្រាដែលរដ្ឋាភិបាលបានដង្ហែព្រះបរមសពរបស់ព្រះករុណាសម្ដេចព្រះ នរោត្តម សីហនុ ពីសាធារណរដ្ឋប្រជាមានិតចិន យកមកតម្កល់នៅព្រះបរមរាជវាំងនោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
នី
ពី បាត់ដំបងសំនូមពរអោយប៉ុស CTN or CNC សូមដាក់បញ្ចាំងតាមឯកសារទាំងស្រុងរបស់ស្តេចតា ដើម្បីអោយកូនចៅជំនាន់ក្រោយបានដឹងពីសម័យដែលធ្លាប់រីកចំរើនផង។
Oct 23, 2012 03:58 AM
កសិករ
ពី កណ្តាលសូមជូយចាក់ស្តាប់ឡើងវិញនូវប្រសាសន៍លោកអភិបាលក្រុងភ្នំពេញពេលសំភាសន៍ជាមួយទូរទស្សCNC.
គាត់និយាយថារាល់សមិទ្ធផលរបស់សម្តេចឪត្រូវប៉ុលពតបំផា្លញអស់។មកដល់បច្ចប្បនគឺស្នាដៃសម្តេចតេជោខំធ្វើ។កេរ្តដំនែលសម្តេចតាមានតែការទាមទាែករាជ្យពីបារាំងប៉ុណ្ណោះ។
តើរឿងនេះពិតដែរឬអត់???
សូមជួយសា្តប់គាត់និយាយទាំងអស់គ្នា???
បើយ៉ាងនេះមែនគាត់មិនដឹងអស់ពីស្នាដៃសម្តេចឡើយ។
Oct 19, 2012 05:19 AM
អ្នកអានអនាមិក
ខ្ញុំយល់ថារឿងនយោបាយជាតិ ជួនកាលអ្នកដឹកនាំ មិនអាចយកការពិតមកលាតត្រដាងជូនប្រជាជនបានទេ
ព្រោះមានករណីខ្លះ អាចនិងធ្វើអោយខូចប្រយោជន៌នឹងមានគ្រោះថ្នាក់ដល់ជាតិ
វាជាការគួរអោយសោគស្ដាយ ដែលការពិតត្រូវតែស្លាប់ទៅតាមអ្នកដឹកនាំ
នេះហើយនយោបាយជាតិនិយម របស់មនុស្សគ្រប់ជាតិលើលោកនេះ
Oct 18, 2012 05:11 PM
អ្នកអានអនាមិក
i think samdech decho hun sen,he can not do that,coz when preah moha kong alive, decho can not follow,when he spoke on tv,he spoke like gang, gang word, not like leadership
Oct 18, 2012 10:59 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
