បវរកញ្ញា​លេខ​១​នៃ​ទូរទស្សន៍​ប៉ុស្តិ៍​លេខ​៩​រង​ការ​វាយ​ប្រហារ​ដោយ​ទឹក​អាស៊ីត

បវរកញ្ញា​ជាប់​លេខ​១ ស្ថានីយ​ទូរទស្សន៍​ប៉ុស្តិ៍​លេខ​៩ មួយ​រូប ឈ្មោះ ហង្ស ស្រីលក្ខណ៍ ត្រូវ​គេ​វាយ​ប្រហារ​ដោយ​ការ​ជះ​ទឹក​អាស៊ីត កាល​ពី​ព្រឹក​ថ្ងៃ​អង្គារ ទី​១៥ ខែ​ធ្នូ ឆ្នាំ​២០០៩។
ដោយ ឡេង ម៉ាលី
2009.12.15

បវរកញ្ញា​ទូរទស្សន៍​ប៉ុស្តិ៍​លេខ៩ ឆ្នាំ​២០០៩ ឈ្មោះ ហង្ស ស្រីលក្ខណ៍ អាយុ ១៩​ឆ្នាំ បាន​រង​របួស ​ដោយសារ​ការ​ជះ​ទឹក​អាស៊ីត ដោយ​អ្នក​វាយ​ប្រហារ​ពីរ​រូប នៅ​ពេល​នាង​កំពុង​អង្គុយ​ធ្វើ​សក់​នៅ​ក្នុង​ហាង​មួយ​ឈ្មោះ វ៉ាន់ណុប សីលា ក្នុង​សង្កាត់​ស្រះចក ក្រុង​ភ្នំពេញ ក្នុង​រង្វង់​ម៉ោង ១០​ព្រឹក​មិញ​នេះ។

ស្នងការ​នគរបាល​រាជធានី​ភ្នំពេញ លោក​ឧត្តម​សេនីយ៍ ទូច ណារ៉ុថ បាន​បញ្ជាក់​លើ​ការ​វាយ​ប្រហារ​នេះ ហើយ​ប្រាប់​ឲ្យ​ដឹង​ថា រហូត​មក​ដល់​ល្ងាច​ថ្ងៃ​អង្គារ ទី​១៥ ធ្នូ នគរបាល​បាន​កំណត់​មុខសញ្ញា​អ្នក​វាយ​ប្រហារ​បាន​ហើយ។

លោក​ឧត្តម​សេនីយ៍ ទូច ណារ៉ុថ បាន​បញ្ជាក់​ថា ៖ «យើង​ក្តាប់​បាន​មុខ​សញ្ញា​ហើយ។ យើង​កំពុង​តាម​ចាប់។ ក្តាប់​បាន​មុខសញ្ញា​អស់​ហើយ»

ឡេង ម៉ាលី ៖ មូលហេតុ​អាច​មក​ពី​បញ្ហា​ស្អី​ដែរ? ទូច ណារ៉ុថ ៖ វា​មាន​បញ្ហា​ច្រណែន​គ្នា។

ជន​រង​គ្រោះ​ដោយ​ទឹក​អាស៊ីត កញ្ញា ហង្ស ស្រីលក្ខណ៍ កំពុង​ទទួល​ការ​ព្យាបាល​របួស​លើ​មុខ​និង​ខ្លួន​នៅ​មន្ទីរ​ពេទ្យ​កាល់ម៉ែត។

កញ្ញា ហង្ស ស្រីលក្ខណ៍ ជា​ពិធីការិនី​មួយ​រូប​នៅ​លើ​កញ្ចក់​ទូរទស្សន៍​ប៉ុស្តិ៍​លេខ​៩ ក្នុង​ក្រុម​សិល្បៈ ណៃស្តារ។ ប៉ុន្តែ​ពិធីករ​ទូរទស្សន៍​នេះ​មួយ​រូប ឈ្មោះ ឡាច ឡងឌី បញ្ជាក់​ថា កញ្ញា ហង្ស ស្រីលក្ខណ៍ មិន​មែន​ជា​បុគ្គលិក​របស់​ទូរទស្សន៍​ប៉ុស្តិ៍​លេខ​៩​ទេ។

លោក ឡាច ឡងឌី បាន​មាន​ប្រសាសន៍​ថា ៖ «គាត់​ជា​ពិធីការិនី​មិន​មែន​ប្រចាំ​ប៉ុស្តិ៍​ទេ ពីព្រោះ​គាត់​មិន​មែន​ជា​បុគ្គលិក​របស់​ប៉ុស្តិ៍​ទេ។ គាត់​ជា​ក្រុម​ការងារ​របស់​លោក ចេវ វីរៈ ព្រោះ​លោក ចេវ វីរៈ សហការ​ជាមួយ​ប៉ុស្តិ៍​លេខ​៩ ធ្វើ​កម្មវិធី​សិល្បៈ​របស់​គាត់ ហើយ​អ៊ីចឹង​កញ្ញា​ហ្នឹង​អត់​មាន​ពាក់ព័ន្ធ​ជាមួយ​ប៉ុស្តិ៍​លេខ​៩​ទេ»

ការ​វាយ​ប្រហារ​ដោយ​ទឹក​អាស៊ីត​នៅ​ប្រទេស​កម្ពុជា​បាន​កើត​មាន​ឡើង​វិញ​ផ្ទួនៗ​គ្នា។ ក្នុង​រយៈពេល​ថ្មីៗ​នេះ ករណី​ជះ​ទឹក​អាស៊ីត​ដូច​គ្នា​នេះ​បាន​កើត​មាន​ចំពោះ​បង​ប្អូន​ស្រី​ពីរ​នាក់ នៅ​រាជធានី​ភ្នំពេញ​ដែរ។

របាយការណ៍​ស្ថិតិ​មួយ​របស់​អង្គការ​ជួយ​ជន​រង​គ្រោះ​កម្ពុជា​ដោយសារ​អាស៊ីត បាន​ឲ្យ​ដឹង​ថា ក្នុង​ចំណោម​ជន​រងគ្រោះ ១៩០​នាក់​ដែល​អង្គការ​បាន​ជួយ​ចាប់​តាំង​ពី​ឆ្នាំ​១៩៩៩​មក មាន ៥៦% ជា​ស្រ្តី, ១៧% ជា​កូន​ក្មេង, ច្រើន​ជាង ៨% ពិការ​ភ្នែក និង​មាន ៦​នាក់​ស្លាប់៕

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

មតិយោបល់៖

Anonymous
Dec 15, 2009 03:06 AM

It is so ridiculious for this activity. The government has to fine person who commited this crime and put him/her behind bar. This behavior should be abolished from the Khmer society.

Anonymous
Dec 15, 2009 01:01 AM

មិនគួរបណ្តោយឲ្យជនល្មើសរួចខ្លួនទេ។​រដ្ឋាភិបាលគួរតែស្វែងរកជនល្មើសនិងនាំមកដាក់ទោសឲ្យល្មមនឹងបទឧក្រិដ្ឋរបស់ពួកគេ។ អរគុណពីមេគង្គលើ!

Anonymous
Dec 15, 2009 10:25 AM

So far, I have never seen the attackers arrested, but the victims. Why?

Anonymous
Dec 15, 2009 05:53 PM

What pity Victim!!! Live with sorrow!!! for full life!!

Anonymous
Dec 14, 2009 11:10 PM

I'm wondering, why's cambodia covermant keep that's happening over and over? They should making the law and warn all people whom do that dirty thing in the jail rest of life.
PS. Coverment should do somthing.

Anonymous
Dec 15, 2009 04:02 AM

i think no matter what she did they should just talk with her and do not do the mean way like that.