អ្នកស្រី មូរ សុខហួរ ទៅភូមាបង្កើតទំនាក់ទំនងជាមួយសកម្មជនស្ត្រីពិភពលោក

អគ្គលេខាធិការគណបក្សសង្គ្រោះជាតិ ដែលជាគណបក្សបង្រួបបង្រួមរវាងគណបក្ស សម រង្ស៊ី និង គណបក្សសិទ្ធិមនុស្ស គឺអ្នកស្រី មូរ សុខហួរ បានមកកាន់ប្រទេសភូមា ឬ មីយ៉ាន់ម៉ា ពីថ្ងៃទី៣ ខែតុលា ក្នុងសកម្មភាពបង្កើតទំនាក់ទំនងជាមួយសកម្មជនស្ត្រីលើពិភពលោក។

ដោយ ផន រីណា
2012-10-04

លោកស្រី មូរ សុខហួរ លើកដៃស្វាគមន៍អ្នកគាំទ្រលោកស្រីដែលប្រមូលផ្ដុំគ្នានៅមុខសាលាដំបូងរាជធានីភ្នំពេញ នាថ្ងៃ២៤ កក្កដា ២០០៩។

RFA Photo/Mean Riddh

អ្នកស្រី មូរ សុខហួរ មានប្រសាសន៍ថា ទស្សនកិច្ចនេះតាមការអញ្ជើញរបស់អង្គការវ៉ាយថល់ វ៉យស៊ីស (Vital Voices) ដែលជាបណ្ដាញស្ត្រីពិភពលោក ដើម្បីផ្សារភ្ជាប់សកម្មជនស្រ្តីពីប្រទេសភូមា ជាមួយនឹងស្ត្រីកម្ពុជា ជាលក្ខណៈប្រជាធិបតេយ្យ។

អ្នកស្រី មូរ សុខហួរ៖ «ទស្សនកិច្ចរបស់ខ្ញុំមកទីនេះពីថ្ងៃទី៣ ដល់ថ្ងៃទី៦ តុលា គឺមានសារសំខាន់ណាស់ដែលជួយឲ្យស្ត្រីចូលរួមក្នុងសង្គមក្ដី ក្នុងការងារទំនាក់ទំនងគ្នា ហើយស្ពានដ៏សំខាន់រវាងប្រទេសកម្ពុជា និងប្រទេសភូមា គឺជាស្ត្រីហ្នឹងឯង។ យើងមកជ្រើសរើសយកឈ្មោះស្ត្រីដែលនឹងចូលរួមនូវកិច្ចពិភាក្សាដែលនឹងប្រព្រឹត្តទៅនៅប្រទេសកម្ពុជា យើងស្ត្រីក្នុងការតស៊ូមតិដើម្បីដីធ្លីរបស់ខ្លួន»។

អ្នកស្រីបន្តថា នៅប្រទេសភូមាមានលក្ខណៈស្រដៀងគ្នានឹងប្រទេសកម្ពុជាដែរ បើទោះបីជាមាននយោបាយបើកចំហខ្លះៗហើយក៏ដោយ ស្ត្រីភូមាកំពុងតែប្រឈមមុខនឹងការរំលោភសិទ្ធិសេរីភាព។

អង្គការ វ៉ាយថល់ វ៉យស៊ីស ដែលបានអញ្ជើញអ្នកស្រី មូរ សុខហួរ គឺជាកម្មវិធីមួយដែលមានបេសកកម្មជួយផ្លាស់ប្ដូរស្ត្រីពីអត់អំណាចឲ្យមានអំណាច ដើម្បីក្លាយជាអ្នកដឹកនាំ ចូលរួមអភិវឌ្ឍន៍សង្គមជាតិ។

អង្គការវ៉ាយថល់ វ៉យស៊ីសនេះ បានបង្កើតឡើងដោយរដ្ឋមន្ត្រីក្រសួងការបរទេសអាមេរិក អ្នកស្រី ហ៊ីលឡារី គ្លិនតុន (Hillary Clinton) ក្នុងកិច្ចប្រឹងប្រែង ដើម្បីផ្សារភ្ជាប់ទំនាក់ទំនង និងលើកស្ទួយស្ត្រីក្នុងពិភពលោកឲ្យស្របតាមលទ្ធិប្រជាធិបតេយ្យ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

អត្ថបទដែលទាក់ទង

មតិ (5)

ចុចត្រង់នេះដើម្បីបន្ថែមយោបល់របស់អ្នក

ឆេងងួន

ពី កំពង់ធំ

ក្នុងប្រទេសកម្ពុជាបច្ចុប្បន្ន ពោពេញទៅដោយអំពើពុករលួយ និង បក្ខពួក បើមានអ្នកដែលអាចកែប្រែបាន សូមអញ្ជើញមកជួយប្រទេសកម្ពុជាផង ។ សូមអរគុណ!

Oct 06, 2012 10:59 AM

អ្នកអានអនាមិក

ពី Phnom Penh

វុធ ភ្នំពេញ បើមិនជួយគាំទ្រទេ កុំបង្ហាក់ដំណើរ។ នេះជាការតស៌ូរបស់ស្រ្តីខ្មែរ។ ស្រលាញ គោរពគាត់ណាស់

Oct 04, 2012 08:54 PM

ធានី

ខ្ញុំសូមចូលរួមសំដែងការគាំទ្រចំពោះដំណើរទៅកាន់ប្រទេសភូមារបស់លោកជំទាវ មួ សុខហួរ។នេះជាការជួយលើកកំពស់តម្លៃស្ត្រីខ្មែរក្នុងឆាកនយោបាយ។សូមអោយកិច្ចការនេះបានប្រកបដោយជោគជ័យហើយនាំមកវិញនូវដំណឹងល្អជូនប្រទេសកម្ពុជា។

Oct 04, 2012 12:54 PM

អ្នកអានអនាមិក

For an indivitual person to accuse a very strong and respectable leader such as her for doing things for personal or political gains you must have proofs or facts to back it up. I would like you to to show us some of those proofs and fact. If you do not have one please don't accuse her for doing good deeds for our country and the rest of the world. We all support you Mrs Mou Sokhour. Please keep fighting the good fight. Thank you.

Oct 04, 2012 11:07 AM