ផ្លូវជាតិលេខ៣ ត្រូវបានសម្ពោធដាក់ឲ្យប្រើប្រាស់
ដោយ សោភ័ណ
2008-05-07
លោកនាយករដ្ឋមន្ត្រី ហ៊ុន សែន មានប្រសាសន៍ថា រដ្ឋាភិបាលកូរ៉េខាងត្បូងបានជួយប្រាក់ ៣៦លាន ៩សែនដុល្លារ ក្នុងការសាងសង់ផ្លូវជាតិលេខ៣ ដែលបានសម្ពោធដាក់ឲ្យប្រើប្រាស់នៅថ្ងៃនេះ មានប្រវែង ១៣៧គីឡូម៉ែត្រដោយចំណាយប្រាក់សរុបចំនួន ៤១លានដុល្លារកន្លះ ។
នៅក្នុងការសម្ពោធដាក់ឲ្យប្រើប្រាស់ផ្លូវជាតិលេខ៣ ពីត្រពាំងល្ពៅ ទៅដល់ទីរួមខេត្តកំពតនិងការបើកការដ្ឋានស្តារឡើងវិញនូវកំណាត់ផ្លូវជាតិលេខ៣ ពីចោមចៅជាយក្រុងភ្នំពេញ មកដល់ទីរួមខេត្តកំពត ក្រោមគម្រោងប្រាក់កម្ចីសម្បទានពីមូលនិធិសហប្រតិបត្តិការអភិវឌ្ឍន៍សេដ្ឋកិច្ចរបស់សាធារណរដ្ឋកូរ៉េ និងថវិកាបដិភាគរបស់រដ្ឋាភិបាលកម្ពុជា នៅថ្ងៃទី៦ ឧសភា លោកនាយករដ្ឋមន្ត្រី មានប្រសាសន៍ថា ខេត្តកំពតជាខេត្តមួយសំខាន់ជាងគេក្នុងការនាំផលិតផលអំបិលចេញទៅតាមបណ្តាខេត្តផ្សេងៗ ហើយលោកនឹងបន្តសាងសង់ផ្លូវជាបន្តបន្ទាប់ទៀតប្រយោជន៍ដើម្បីការអភិវឌ្ឍន៍សេដ្ឋកិច្ចនៅកម្ពុជា ។
លោកនាយករដ្ឋមន្ត្រី ហ៊ុន សែន ថ្លែងយ៉ាងដូច្នេះថា ៖ «ហើយអំពាវនាវឲ្យបន្តការខិតខំតាមរយៈក្រុមហ៊ុននេះ ការសម្រួលរបស់ប្រធានសាធារណការ និងដឹកជញ្ជូន ការសម្រួលរបស់ក្រសួងសេដ្ឋកិច្ច ហិរញ្ញវត្ថុលើថវិកាបដិភាគ ក៏ដូចជាការនាំចេញនាំចូល និងបញ្ហាកន្លែងដែលទាក់ទងនឹងការដ្ឋាននេះ ។ ហើយរំពឹងថា អាជ្ញាធរគ្រប់ជាន់ថ្នាក់ ដែលមានផ្លូវជាតិលេខ៣ តភ្ជាប់ ដែលមានខេត្តកំពត តាកែវ កំពង់ស្ពឺ និងចូលដល់ភ្នំពេញ កណ្ដាល ៥ខេត្ត ខេត្តណាត្រូវទទួលខុសត្រូវនូវក្នុងដែនសមត្ថកិច្ច សមត្ថកិច្ចដែនដីរបស់ខ្លួន» ។
ចំណែកឯតំណាងរាស្ត្រមណ្ឌលភ្នំពេញ មកពីគណបក្សប្រឆាំង លោក សុន ឆ័យ បានរិះគន់ថា នាយករដ្ឋមន្ត្រីខ្មែរបានប្រើប្រាស់អំណាចប្រមូលលុយពីឈ្មួញរកស៊ីនិងអ្នកក្រោមអំណាច មកកសាងរួចដាក់ឈ្មោះខ្លួនឯង នេះគឺជាការបើកដៃឲ្យអ្នកទាំងនោះប្រព្រឹត្តអំពើពុករលួយ ។
លោក សុន ឆ័យ មានប្រសាសន៍ថា ៖ «បង្កឲ្យមានភាពអនាធិបតេយ្យ មានភាពក្រីក្រដល់ពលរដ្ឋ ឲ្យបាត់បង់នូវសម្បត្តិធម្មជាតិរបស់ជាតិដ៏ច្រើន ដែលគ្មានប្រទេសណាក្នុងពិភពលោកគេធ្វើដូចគាត់ទេ» ។
លោកនាយករដ្ឋមន្ត្រី ហ៊ុន សែន ក៏មានប្រសាសន៍ដែរថា កូរ៉េក៏បាននាំមុខគេនៅកម្ពុជាលើ៨វិស័យ គឺការវិនិយោគធំជាងគេលើការស្ថាបនា ផ្នែកទេសចរណ៏ ការផ្លាស់ប្តូរវប្បធម៌ បច្ចេកវិទ្យាព័ត៌មាន ការបណ្តុះបណ្តាលវិជ្ជាជីវៈ ការជួយបង្កើតទីផ្សារភាគហ៊ុននៅកម្ពុជា ដែលនឹងដាក់ឲ្យដំណើរការនៅឆ្នាំ២០០៩ ខាងមុខនេះ និងវិស័យសំណង់និងទំនាក់ទំនងផ្លូវអាកាស ។
សូមជម្រាបថា កាលពីឆ្នាំ២០០៧ កន្លងទៅ អ្នកវិនិយោគទុនកូរ៉េបានដាក់ទុននៅប្រទេសកម្ពុជា មានទឹកប្រាក់ប្រមាណ ១ពាន់លានដុល្លារសហរដ្ឋអាមេរិក ៕
ឧបករណ៍រឿង
|
ស្តាប់សំឡេង |
|
ថតសំឡេង |
|
អ៊ីម៉េល |
|
ព្រឹត្តិបត្រព័ត៌មាន |
|
បោះពុម្ព |
អត្ថបទដែលទាក់ទង
វៀតណាមលួចជីករករ៉ែមាសនៅស្រុកសៀមប៉ាងខែត្រស្ទឹងត្រែង?
ប៉េអឹមខេត្តព្រះវិហាររងការចោទថារំលោភសិទ្ធិមនុស្ស
ពលរដ្ឋនៅខណ្ឌឫស្សីកែវក្រុងភ្នំពេញបារម្ភពីបញ្ហាល្បែងស៊ីសង
នាយករដ្ឋមន្ត្រីសម្ពោធឲ្យប្រើប្រាស់ផ្លូវទៅទីរួមខែត្រកោះកុង
ព្រះឆាយាល័ក្ខណ៍ព្រះមហាក្សត្រត្រូវបានដាក់ក្នុងក្រដាសប្រាក់២ម៉ឺនរៀលថ្មី
នាយករដ្ឋមន្ត្រីជំរុញឲ្យគ្រូបង្រៀនបង្កើនចំណេះដឹង
ក្រុមតំណាងសេដ្ឋកិច្ចក្រៅប្រព័ន្ធគ្រោងធ្វើបាតុកម្មនៅប៉ោយប៉ែត
ជនជាតិគួយនៅព្រះវិហារបារម្ភពីសកម្មភាពជីករករ៉ែមាសខុសច្បាប់
ការប្រារព្ធពិធីបុណ្យពិសាខបូជាអន្តរជាតិនៅរដ្ឋកាលីហ្វ័រញ៉ា
