មន្ត្រីគណៈកម្មាធិការជាតិរៀបចំការបោះឆ្នោត (គ.ជ.ប) បានអំពាវនាវទៅប្រជាពលរដ្ឋមានសិទ្ធិបោះឆ្នោត ត្រូវត្រៀមឯកសាររួចរាល់ ដើម្បីចូលរួមបោះឆ្នោតជ្រើសរើសសមាជិកក្រុមប្រឹក្សាឃុំ-សង្កាត់ ដែលនឹងចូលមកដល់នាចុងសប្ដាហ៍នេះ ឲ្យបានគ្រប់គ្នា និងតាមឆន្ទៈរបស់ខ្លួន។
សូមស្ដាប់សេចក្តីរាយការណ៍របស់ លោក ដែន អយុធ្យា៖
មន្ត្រីគណៈកម្មាធិការជាតិរៀបចំការបោះឆ្នោត (គ.ជ.ប) ឲ្យដឹងថា មានបណ្ដឹងជិត ៦០ករណី ដែលគណបក្សនយោបាយប្ដឹងក្នុងពេលយុទ្ធនាការឃោសនាបោះឆ្នោតជ្រើសរើសសមាជិកក្រុមប្រឹក្សាឃុំ-សង្កាត់ជាង ១០ថ្ងៃមកនេះ។
សូមស្ដាប់សេចក្តីរាយការណ៍របស់ លោក ដែន អយុធ្យា៖
មន្ត្រីរៀបចំការបោះឆ្នោតខេត្តព្រៃវែង បានឲ្យដឹងថា ខ្លួនគ្រោងនឹងបញ្ចប់ការបែងចែកហិបឆ្នោតនៅតាមមណ្ឌលបោះឆ្នោតទូទាំង ១១៦ឃុំ-សង្កាត់ នៅថ្ងៃទី៣០ ខែឧសភា ខាងមុខ មកទល់ពេលនេះហិបឆ្នោតបញ្ជូនបាន ៩០ភាគរយហើយ គឺនៅសល់ ស្រុកចំនួន ១ប៉ុណ្ណោះ ដែលនឹងបញ្ចប់នៅថ្ងៃទី៣០ នេះ។
សូមស្ដាប់សេចក្តីរាយការណ៍របស់ លោក ហ៊ុំ ចំរើន៖
គណបក្សប្រឆាំង ឃុំស្រែឈូក ស្រុកកែវសីមា ប្ដឹងមន្ត្រីគណបក្សប្រជាជនកម្ពុជា កាលពីថ្ងៃទី២៧ ឧសភា ពីបទទិញសន្លឹកឆ្នោត។ គណៈកម្មការឃុំរៀបចំការបោះឆ្នោតឃុំស្រែឈូក បានកោះហៅភាគីបណ្ដឹង បើកការផ្សះផ្សារនៅថ្ងៃទី២៩ ឧសភា ប៉ុន្តែមន្ត្រីជាន់ខ្ពស់គណបក្ស សម រង្សី ខេត្តមណ្ឌលគិរីស្នើឲ្យផ្នែកពាក់ព័ន្ធអនុវត្តតាមច្បាប់បោះឆ្នោត។
សូមស្ដាប់សេចក្តីរាយការណ៍របស់ លោក វណ្ណ វិចារ៖
ខណៈពេលដែលការបោះឆ្នោតជ្រើសរើសក្រុមប្រឹក្សាឃុំ-សង្កាត់កាន់តែខិតជិតមកដល់ នៅឯឃុំដាច់ស្រយាលមួយក្នុងខេត្តពោធិ៍សាត់ មានការចោទប្រកាន់ថាបក្សប្រជាជនកម្ពុជា ជាគណបក្សកាន់អំណាចក្នុងឃុំនេះ បានគំរាមប្រជាពលរដ្ឋឲ្យបោះឆ្នោតឲ្យគណបក្សខ្លួនតាមរយៈយុទ្ធវិធីបង្រៀនគូសសន្លឹកឆ្នោត។
សូមស្ដាប់សេចក្តីរាយការណ៍របស់ លោក មណ្ឌល កែវ៖
នៅសល់ពេលតែបីថ្ងៃទៀតប៉ុណ្ណោះ ប្រជាពលរដ្ឋដែលមានឈ្មោះក្នុងបញ្ជីបោះឆ្នោតនឹងបានចូលរួមការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទីបីហើយ។ នៅឯខេត្តរតនគិរី តំណាងគណបក្ស សម រង្ស៊ី ចោទប្រកាន់ស្មៀនឃុំភ្នំកុក ថាមានចេតនាធ្វើឲ្យរាំងស្ទះការស្នើសុំលិខិតសំគាល់សិទ្ធិបោះឆ្នោតដល់ប្រជាពលរដ្ឋ មាននិន្នាការគាំទ្រគណបក្សប្រឆាំងមួយនេះ។
សូមស្ដាប់សេចក្តីរាយការណ៍របស់ លោក រដ្ឋា វីសាល៖
រយៈពេល១២ថ្ងៃ នៃយុទ្ធនាការឃោសនារកសំឡេងឆ្នោតក្រុមប្រឹក្សាឃុំ-សង្កាត់ នៅខេត្តកំពង់ចាម ទើបតែទទួលពាក្យបណ្ដឹងជាផ្លូវការដំបូង នៅគណៈកម្មការខេត្តរៀបចំការបោះឆ្នោត (គ.ខ.ប)។ បណ្ដឹងនោះ កើតឡើងដោយសារតែមន្ត្រីគណបក្ស សម រង្ស៊ី បានបិទខិត្តប័ណ្ណឃោសនារកសំឡេងឆ្នោត នៅលើដើមឈើមុខផ្ទះមេភូមិគណបក្សប្រជាជន ហើយត្រូវម្ចាស់ផ្ទះមិនអនុញ្ញាត ទើបបង្កឲ្យមានជម្លោះកើតឡើង ប៉ុន្តែភាគីទាំងពីរបានសម្រេចផ្សះផ្សាគ្នានៅ គ.ខ.ប។
សូមស្ដាប់សេចក្តីរាយការណ៍របស់ កញ្ញា ទេព សុរ៉ាវី៖
មន្ត្រីគណបក្ស សម រង្ស៊ី ចោទប្រកាន់ប្រធានភូមិជុំនីក គឺ លោក អ៊ុយ ឃឹម ថាបានបញ្ជាអ្នកនៅក្រោមបង្គាប់ខ្លួនចុះរារាំងសកម្មជនគាំទ្រគណបក្ស សម រង្ស៊ី ដោយបញ្ជាមិនឲ្យចាក់ស៊ីឌីដែលគណបក្ស សម រង្ស៊ី ចែកឲ្យក្នុងយុទ្ធនាការឃោសនាបោះឆ្នោត ស្តីពីគោលការណ៍របស់គណបក្ស និងស្ត្រីរងគ្រោះនៅបឹងកក់ រងការបណ្ដេញចេញជាដើម។
សូមស្ដាប់សេចក្តីរាយការណ៍របស់ លោក ម៉ម មុនីរតន៍៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។