សង្គមស៊ីវិលអំពាវនាវឲ្យអ្នកកាសែតប្រុងប្រយ័ត្នក្នុងការសរសេរព័ត៌មាន
ដោយ អយុធ្យា
2009-10-30
លោក មឿន ឈានណាឫទ្ធិ នាយកវិទ្យាស្ថានកម្ពុជាសម្រាប់ការសិក្សាផ្នែកសារព័ត៌មានមានប្រសាសន៍ថា នៅក្នុងកាលៈទេសៈដែលប្រទេសកម្ពុជានិងថៃកំពុងកើតមានជម្លោះព្រំដែន ហើយដែលពុំទាន់មានដំណោះស្រាយនៅឡើយនេះ អ្នកកាសែតមិនថាតែកម្ពុជាឬថៃនោះទេ មានតួនាទីសំខាន់ក្នុងការសរសេរព័ត៌មានយកមកធ្វើការចុះផ្សាយ ប៉ុន្តែមិនត្រូវសរសេររបៀបអុជអាលនិងមានលក្ខណៈជាតិនិយមជ្រុល។
បុរសជនជាតិខ្មែរកំពុងអានកាសែតនៅឯតូបលក់កាសែតមួយក្នុងក្រុងភ្នំពេញ នាថ្ងៃ ៧ ឧសភា ២០០៧។
លោក មឿន ឈានណាឫទ្ធិ បានបញ្ជាក់ថា ៖ «ចៀសវាងកុំសរសេរឲ្យមានការញុះញង់ យើងត្រូវថ្លឹងថ្លែងថា ការពិតដែលយើងថាអ៊ីចឹង តើវាអាចធ្វើឲ្យប៉ះពាល់ដល់ផលប្រយោជន៍សង្គម ក៏ដូចជាទំនាក់ទំនងល្អរវាងប្រទេសកម្ពុជានិងប្រទេសថៃដែរឬអត់ ព្រោះអីយើងធ្លាប់មានបទពិសោធន៍រួចមកហើយកាលពីខែមករា ឆ្នាំ២០០៣ យើងមានការដុតបំផ្លាញស្ថានទូតថៃ និងទីតាំងពាណិជ្ជកម្មរបស់ថៃជាច្រើន ដោយសារតែការផ្សាយព័ត៌មាន ពាក្យចចាមអារ៉ាម ទាក់ទងនឹងសិល្បការិនីថៃម្នាក់ដែលអះអាងថា អង្គរវត្តជារបស់ថៃនោះ ហើយជាពិសេសនៅពេលដែលមានការផ្សព្វផ្សាយទាក់ទងនឹងការសម្លាប់ខ្មែរយើងដោយទាហានថៃនៅព្រំដែនហ្នឹង»។
អ្នកគ្រូ ទូច វ៉ារីន មន្ត្រីកម្មវិធីនិងជាគ្រូបណ្តុះបណ្តាលខាងផ្នែកការងារកសាងសន្តិភាពនៃវិទ្យាស្ថានបណ្តុះបណ្តាលនិងស្រាវជ្រាវដើម្បីអភិវឌ្ឍន៍កម្ពុជា មានប្រសាសន៍ថា ៖ «ដើម្បីឲ្យស្រុកទេសយើងឬក៏បញ្ហាព្រំប្រទល់យើង អ្នកកាសែតសុំថា រក្សាសីលធម៌ក្នុងការប្រើពាក្យ សុំឲ្យមានព័ត៌មានពិត។ ពាក្យខ្លះធ្វើឲ្យមនុស្សមានជម្លោះទាស់ទែងគ្នា។ ក្នុងនាមជាមនុស្សជាតិយើងត្រូវការសន្តិភាព សន្តិសុខទាំងអស់គ្នា និងរក្សានូវតម្លៃឲ្យគ្នាទៅវិញទៅមកអ៊ីចឹង ទោះបីភាគីណាក៏ដូចភាគីណាក៏ដោយ»។
លោក សាយ មុនី អ្នកឆ្លងឆ្លើយព័ត៌មានឲ្យវិទ្យុអូស្ត្រាលី ប្រចាំប្រទេសកម្ពុជា មានប្រសាសន៍ថា ដើម្បីចៀសវាងបានបញ្ហាដែលកើតមានបន្តិចបន្តួចឲ្យក្លាយទៅជាធំដុំបាន អ្នកសារព័ត៌មានទាំងអស់គួរបំពេញការងាររបស់ខ្លួនទៅតាមក្រមសីលធម៌វិជ្ជាជីវៈសារព័ត៌មាន ដោយមិនត្រូវធ្វើអត្ថាធិប្បាយបញ្ចេញបញ្ជូលទៅតាមការយល់ឃើញរបស់ខ្លួន។
លោក សាយ មុនី បានមានប្រសាសន៍ថា ៖ «យើងជាអ្នកកាសែត យើងមានតួនាទីបន្ធូរបន្ថយស្ថានភាពទំនាស់ហ្នឹងតាមរយៈការមិនព្យាយាមយកអារម្មណ៍ជាតិនិយមមកដាក់មុខក្នុងការសរសេរឬផ្សព្វផ្សាយព័ត៌មាន គឺយើងធ្វើយ៉ាងណាសរសេរព័ត៌មានពិតមិនក្នុងលក្ខណៈញុះញង់ ដែលអាចបង្កឲ្យភាគីទំនាស់ទាំងពីរហ្នឹងឈានទៅដល់ហិង្សារវាងគ្នា»។
លោក ចន ចនសាន់ (John Johnson) មន្ត្រីអ្នកនាំពាក្យស្ថានទូតសហរដ្ឋអាមេរិក មានប្រសាសន៍ឲ្យវិទ្យុអាស៊ីសេរីដឹងថា នៅក្នុងអំឡុងពេលដែលប្រទេសកម្ពុជានិងថៃកំពុងមានវិវាទព្រំដែនជាមួយគ្នានេះ អ្នកសារព័ត៌មានត្រូវតែប្រកាន់ខ្ជាប់នូវក្រមសីលធម៌វិជ្ជាជីវៈជាអ្នកកាសែតឲ្យបានត្រឹមត្រូវ និងមានសីលធម៌ខ្ពស់បំផុតក្នុងការសរសេរព័ត៌មានរបស់ខ្លួនយកមកចុះផ្សាយ ព្រោះបើមិនដូច្នេះទេ វានឹងបន្ថែមបញ្ហានិងជម្លោះរវាងប្រទេសទាំងពីរឲ្យមានគ្រោះថ្នាក់កាន់តែធ្ងន់ធ្ងរថែមទៀត៕
អត្ថបទដែលទាក់ទង
ទីភ្នាក់ងារព័ត៌មានកម្ពុជានិងវៀតណាមបង្កើនកិច្ចសហប្រតិបត្តិការ
អ្នកកាសែតជាប់ឃុំម្នាក់បន្តប្ដឹងឧទ្ធរណ៍ក្នុងរឿងក្ដីជាមួយសយសុភាព
មន្រ្តីជាន់ខ្ពស់ខ្មែរខ្វែងគំនិតគ្នាក្នុងការលើកលែងទោស ហង្ស ចក្រា
ព្រះមហាក្សត្រស្នើសុំឲ្យពិនិត្យមើលលទ្ធភាពក្នុងការដោះលែង ហង្ស ចក្រា
អតីតអ្នកកាសែតម្នាក់ត្រូវផ្តន្ទាទោសឲ្យជាប់គុក២ឆ្នាំពីបទផ្សាយព័ត៌មានមិនពិត
កាសែតសេរីភាពថ្មីផ្អាកការបោះពុម្ពផ្សាយព្រោះបញ្ហាថវិកា
អ្នកកាសែតម្នាក់ត្រូវឃាត់ខ្លួនពីបទផ្សាយព័ត៌មានមិនពិត
ក្រុមអ្នកកាសែតជួបពិភាក្សាអំពីក្រមសីលធម៌អ្នកសារព័ត៌មាន
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
Thank to NGO for reminding the media .Cambodian should learn from the pass ,media was playing a big part of 1970 wars eruption in Cambodia.
2009-11-07 15:04
That's right, the media have to post the real events. Do not write with exageration. If you post in the newspapers, you need to provide prove and evident. Posting the news with exageration can affect many things. One, it can be punished by the government, two it degrade the value of newspapers and people don't want to read anymore. But in contrast, if there is real events and have enough evidents, the government should n't prohibit the media to post in the news. The government have to provide the freedom of press to all the media.
2009-11-02 01:45
i said that. if you see or hear something that unusual, we have to aware, it is right or wrong. true or not true it depends upon to the politicians <br>for me i like brother Hun sen, more news to me more politic homework, why should we worry like that. the person who had said was completely wrong,don't take dreaming news to be an official as you had dream. <br>win or lose in the battle it depend on the news.
2009-10-31 00:59
មើលមតិទាំងអស់.