សង្គមស៊ីវិលជួបពិភាក្សាគ្នាអំពីគម្រោងចំណាយថវិកាជាតិ
ដោយ អ៊ុក សាវបូរី
2009-11-29
នៅមុនពេលរដ្ឋសភាបើកសម័យប្រជុំនិងអនុម័តអំពីគម្រោងថវិកាជាតិឆ្នាំថ្មី មន្រ្តីសង្គមស៊ីវិលបានជួបជុំគ្នាពិភាក្សាអំពីគម្រោងចំណាយថវិកាជាតិទូទៅ ដែលកន្លងមកការចំណាយថវិកាជាតិប្រចាំឆ្នាំមានការប៉ះពាល់ជាក់ស្តែងដល់ជីវភាពរស់នៅរបស់ប្រជាពលរដ្ឋនិងការអភិវឌ្ឍសង្គម។
នាយកប្រតិបត្តិអង្គការ NGO Forum លោក ឈិត សំអាត ថ្លែងក្នុងសិក្ខាសាលាសង្ខេបជូនសមាជិកសភាស្តីពីថវិកាជាតិឆ្នាំ២០១០ តម្លាភាព និងការកាត់បន្ថយភាពក្រីក្រ ថា ច្បាប់ថវិកាជាតិគឺជាឧបករណ៍មានសក្តានុពលបំផុតរបស់រាជរដ្ឋាភិបាលកម្ពុជា ដើម្បីសម្រេចបាននូវកំណើនសេដ្ឋកិច្ចនិងការកាត់បន្ថយភាពក្រីក្រ ប៉ុន្តែនៅឆ្នាំ២០០៨និង២០០៩ គឺជាឆ្នាំដែលកើនឡើងនូវការលំបាកដល់ប្រជាពលរដ្ឋក្រីក្រនិងសហគមន៍ងាយរងគ្រោះ។ វិបត្តិស្បៀងអាហារចាប់ផ្តើមពីឆ្នាំ២០០៨នាំឲ្យលទ្ធផលអវិជ្ជមានដល់សកម្មភាពកាត់បន្ថយភាពក្រីក្រ ដោយពួកគេត្រូវចំណាយប្រាក់៨៣% នៃប្រាក់ចំណូលសម្រាប់ទិញម្ហូបអាហារ ពិសេសនៅពេលយុវជន យុវតី កំពុងឈានជើងចូលទៅក្នុងទីផ្សារការងារ វិបត្តិហិរញ្ញវត្ថុកើតឡើងនៅចុងឆ្នាំ២០០៨ នាំឲ្យពួកគេជាច្រើនបាត់បង់ការងារខាងវិស័យសំណង់និងកាត់ដេរ។ ជាងនេះទៅទៀតគ្រួសារដែលដាំកៅស៊ូ ដំឡូងមី សណ្តែកសៀងនិងពោត បានជួបឧបសគ្គពេលលក់ផលមិនអាចទូទាត់តម្លៃដាំដុះ។
លោក ឈិត សំអាត បានបញ្ជាក់ថា ៖ «ការកើនឡើងខ្ពស់ជាងគេគឺវិស័យការពារជាតិនិងសន្តិសុខ កើនឡើង៦២លាន បើប្រៀបធៀបពីឆ្នាំ២០០៩ យើងមានតែ២១៩លានទេ ហើយបានកើនឡើងរហូតដល់២៨១លាន»។
ប្រធានសមាគមសេដ្ឋកិច្ចកម្ពុជា លោក ចាន់ សុផល បានឲ្យដឹងថា រដ្ឋបានបង្កើនពន្ធនានាដើម្បីបង្កើនចំណូលថវិការដ្ឋ ប៉ុន្តែគេកម្រនឹងទទួលបាននូវរបាយការណ៍ជាក់លាក់អំពីចំនួនប្រាក់ចំណូលនិងការចំណាយប្រាក់ប្រមូលបាននោះណាស់។
លោក ចាន់ សុផល បានមានប្រសាសន៍ថា ៖ «យកពន្ធប្រយោល ដូចជាពន្ធប្រេងសាំង ១លីត្រ១ពាន់រៀល។ អ្នកម៉ូតូឌុប១ថ្ងៃគាត់ប្រើ២លីត្រ គាត់បង់ឲ្យរដ្ឋ២ពាន់រៀល កន្លះដុល្លារ ១ខែគាត់បង់ពន្ធឲ្យរដ្ឋ១៥ដុល្លារ ១ឆ្នាំជិត២០០ដុល្លារដោយមិនដឹងខ្លួន»។
នាយកប្រតិបត្តិអង្គការមេឌីខាំ លោកវេជ្ជបណ្ឌិត ស៊ិន សុមុនី ថ្លែងថា មាតានិងកុមារនៅតែទទួលគ្រោះថ្នាក់ក្នុងពេលសម្រាលកូន បើទោះបីជាថវិកាជាតិបានផ្តល់ដល់ក្រសួងសុខាភិបាលកើនរាល់ឆ្នាំក៏ដោយ។
តំណាងអង្គការន័រវេសសង្រ្គោះកុមារបានលើកឡើងថា ថវិកាជាតិផ្តល់ឲ្យក្រសួងអប់រំបានថយចុះនៅឆ្នាំ២០០៩ ពី ១៩,២% នៅឆ្នាំ២០០៧ មកនៅត្រឹមតែ១៧% នៅឆ្នាំ២០០៩ ប៉ុន្តែនៅក្នុងឆ្នាំ២០១០ បានកើន១១% ទៅលើសំណង់អគារនិងសម្ភារៈប្រើប្រាស់។ គេមិនបានឃើញថា រដ្ឋាភិបាលបានពង្រឹងលើការសន្យាផែនការអប់រំសម្រាប់ទាំងអស់គ្នា ត្រូវសម្រេចឲ្យបាននៅឆ្នាំ២០១៥ ដែលបានឲ្យកុមារទាំងអស់នឹងទទួលបានសេវាអប់រំប្រកបដោយគុណភាពនៅឆ្នាំ២០១៥នោះឡើយ។
លោកស្រីតំណាងរាស្រ្ត ជូឡុង សូម៉ូរា បានលើកឡើងថា ថវិកាជាតិសម្រាប់ឆ្នាំ២០១០មិនមានតម្លាភាពក្នុងការដំឡើងឡើយ។ លោកស្រីថា បើពិនិត្យថវិកាផ្តល់ទៅក្រសួងកិច្ចការនារីតែ៩% រីឯក្រសួងការពារជាតិនិងសន្តិសុខវិញកើនដល់ទៅ២៨%៕
អត្ថបទដែលទាក់ទង
អ្នករត់តាក់ស៊ីនៅបន្ទាយមានជ័យប្ដឹងក្រុមហ៊ុនពីបទធ្វើឲ្យខូចខាតរថយន្ត
ពលរដ្ឋនៅកំពង់ឆ្នាំងត្រេកអរចំពោះការបង្រ្កាបវង់ល្បែង
បដិមាព្រះវិស្ណុនិងព្រះនាងលក្សី្មត្រូវគេប្រទះឃើញនៅកំពង់ចាម
កម្មការិនីម្នាក់ត្រូវគេសង្ស័យថាស្លាប់ដោយសារខំធ្វើការខ្លាំងពេក
អំពើហិង្សានិងការរំលោភផ្លូវភេទកើនឡើងក្នុងឆ្នាំ២០០៩
អ្នកភូមិនៅស្រុកកណ្ដាលស្ទឹងរង់ចាំលទ្ធផលពីការចរចាតម្លៃអគ្គិសនី
អាជ្ញាធរខែត្រកណ្ដាលរារាំងការតវ៉ាពីបញ្ហាភ្លើងឡើងថ្លៃ
ប៉ូលិសប៉ុស្តិ៍នៅអន្លង់វែងរងការចោទថាអនុវត្តច្បាប់មិនសមរម្យ
អ្នកភូមិស្នើសុំធ្វើស្រែលើដីដែលអាជ្ញាធរហាមឃាត់ឡើងវិញ
ស្រ្ដីម្នាក់អះអាងថាជាម្ដាយបង្កើតរបស់កុមារីដែលត្រូវម្ដាយចិញ្ចឹមធ្វើបាប
មតិ
បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួលនិងអាចចុះផ្សាយបានយោងតាមលក្ខខណ្ឌនៃការប្រើប្រាស់របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរីមិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។
ONE POINT THAT WE ARE CAMBODIAN HAVE TO THINK ABOUT PRIORITY ISSUED IS JOBS. CAN WE SEE WHERE ARE ALL FACTOR OF OUR ENTIRE NATION ISSUED CAMFROM? IT CAME FROM JOBLESS. MORE PEOPLE , BUT HAD NOT ENOUGHT JOBS FOR THEM. NO MATTER ALL OF THE NONORGANIZATION OR GOVERNMENT AGENCY TRIED TO SOLVE THE CONSIQUENCE, ALL OF YOU CANNOT SOLVED, BELEIVED ME. FIRTRSTLY GREAT THE JOBS FOR HUNGRY NATION, BESIDE THAT A YOUNGSTER, BECAME AN ADULTRY EVERYDAY, THAT IS A SMALL FACTOR OF OUR DAILY PROBLEM, NO MATTER YOU SUPPORT OR NOT SUPPORT WE ARE ENTIRE CAMBODIAN HAVE TO FACE WITH 2015 UNSUCESS YEAR PLAN.
2009-11-29 19:24
that is good for developing in that area, But the first government should study about people situation. they are agree or not in that area's people and developing is how many percent are useful for people and how many percent are not useful,so if useful only 35%, but not useful 65% and make people losed they own land, if like that very bad developing.like poem of khmer said; think first and next we can do.don't do a wrong way,and don't make people misery.in khmer roug make people death and misery in cambodia/khmer and now a day just change policy from shoot by gun to use cold killing by take every think from people such as land.how can they lives??? because they are farmer they need land to do their farm.or can buy from people in the good prize that people agree.this the idea from me in the name of me a student and also khmer nationality stil study Master degree in bankok thailand. <br>thank so much for let me have idea <br>good luck for all human in the world.
2009-11-29 09:28
I agree with the policy of developing country,but government should think about situation. when we make development and the effect of the people we should think which one is better.
2009-11-29 08:47
មើលមតិទាំងអស់.