សង្គម​ស៊ីវិល​ជិត​២០​ស្ថាប័ន​ជួប​ប្រជុំ​តវ៉ា​ឲ្យ​រដ្ឋាភិបាល​​បញ្ចុះ​តម្លៃ​ប្រេង​សាំង

អង្គការ​មិន​មែន​រដ្ឋាភិបាល​ជិត ២០​អង្គភាព ជួប​ជុំ​គ្នា​តវ៉ា និង​ដាក់​ញត្តិ​​ជូន​រដ្ឋ​សភា ស្នើ​ឲ្យ​រដ្ឋាភិបាល​បញ្ចុះ​តម្លៃ​ប្រេង​សាំង​ពី​ជិត ៦.០០០​រៀល ឲ្យ​ចុះ​មក​នៅ​ត្រឹម ៤​ពាន់​រៀល​ក្នុង​១លីត្រ។
ដោយ ដែន អយុធ្យា
2012-04-09
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
ក្រុម​សង្គម​ស៊ីវិល​ឈរ​តវ៉ា ទាមទារ​ឲ្យ​រដ្ឋាភិបាល​ជួយ​អន្តរាគមន៍​បញ្ចុះ​តម្លៃ​សាំង នៅ​ខាង​មុខ​រដ្ឋ​សភា នៅ​ថ្ងៃ​ទី​៩ ខែ​មេសា ឆ្នាំ​២០១២។
ក្រុម​សង្គម​ស៊ីវិល​ឈរ​តវ៉ា ទាមទារ​ឲ្យ​រដ្ឋាភិបាល​ជួយ​អន្តរាគមន៍​បញ្ចុះ​តម្លៃ​សាំង នៅ​ខាង​មុខ​រដ្ឋ​សភា នៅ​ថ្ងៃ​ទី​៩ ខែ​មេសា ឆ្នាំ​២០១២។
RFA/Den Ayuthyea

តម្លៃ​ប្រេង​សាំង​នៅ​តាម​ស្ថានីយ​ប្រេង​ឥន្ធនៈ​មួយ​ចំនួន​នា​ទីក្រុង​ភ្នំពេញ គិត​ត្រឹម​ថ្ងៃ​ច័ន្ទ ទី​៩ ខែ​មេសា ឆ្នាំ​២០១២ មាន​តម្លៃ ៥.៩៥០​រៀល​ក្នុង​១​លីត្រ។

ប្រធាន​សមាគម​ប្រជាធិបតេយ្យ​ឯករាជ្យ នៃ​សេដ្ឋកិច្ច​ក្រៅ​ប្រព័ន្ធ លោក វន់ ពៅ ស្ថិត​ក្នុង​ចំណោម​អង្គការ​មិន​មែន​​រដ្ឋាភិបាល​ជិត ២០​អង្គភាព​ដែល​ធ្វើការ​តវ៉ា​នោះ បាន​ឲ្យ​ដឹង​ក្នុង​​​សន្និសីទ​កាសែត​នៅ​មុខ​មន្ទីរ​រដ្ឋ​សភា បន្ទាប់​ពី​​ដាក់​​ញត្តិ​ជូន​​រដ្ឋ​​សភា​ថា ពួក​គេ​នឹង​ដឹកនាំ​ធ្វើ​មហា​បាតុកម្ម​ទូទាំង​ប្រទេស បើ​សំណើ​បញ្ចុះ​​តម្លៃ​ប្រេងសាំង​រដ្ឋាភិបាល​មិន​រវល់​អើពើ​នោះ។

លោក​បន្ត​ថា ការ​ទាមទារ​របស់​សង្គម​ស៊ីវិល មន្ត្រី​រាជការ សិស្ស​និស្សិត និង​ប្រជាពលរដ្ឋ ពេល​នេះ​គឺ​ចង់​ឲ្យ​រដ្ឋាភិបាល​បញ្ចុះ​តម្លៃ​ប្រេង​សាំង​ឲ្យ​បាន ៤​ពាន់​រៀល ឬ​ឲ្យ​ស្មើ​ប្រទេស​ជិត​ខាង​កម្ពុជា មាន​ប្រទេស​ថៃ និង​វៀតណាម ជា​ដើម។ ប្រទេស​ថៃ សាំង ១​លីត្រ មាន​តម្លៃ ១,២៧​ដុល្លារ និង​វៀតណាម ១​លីត្រ មាន​តម្លៃ ១,០៥​ដុល្លារ។

គេហទំព័រ​ក្រុមហ៊ុន​ប្រេង​ឥន្ធនៈ​កាល់តិច (CALTEX) បាន​បង្ហាញ​ដោយ​អង្គការ​សង្គម​ស៊ីវិល​បាន​បញ្ជាក់​ថា រដ្ឋាភិបាល​កម្ពុជា បាន​យក​ពន្ធ​​លើ​ថ្លៃ​ប្រេង​សាំង​ចំនួន ៣៥% ក្នុង​តម្លៃ​សរុប​ប្រេង​សាំង​មួយ​លីត្រ និង​យក​ពន្ធ​ចំនួន ២២%​ ក្នុង​តម្លៃ​សរុប​ប្រេង​ម៉ាស៊ូត​មួយ​លីត្រ។

ប្រធាន​សមាគម​មន្ត្រី​រាជការ លោក ភួង សុវណ្ណ មាន​ប្រសាសន៍​ក្នុង​សន្និសីទ​កាសែត​មុខ​មន្ទីរ​រដ្ឋ​សភា​ថា ​រដ្ឋាភិបាល​ត្រូវ​បើក​​ឲ្យ​មាន​ក្រុមហ៊ុន​នាំ​ចូល​ប្រេង​ឥន្ធនៈ មាន​ចំនួន​ច្រើន​នៅ​កម្ពុជា។ ការ​មាន​ក្រុមហ៊ុន​ច្រើន​ដែល​ប្រកួត​ប្រជែង​គ្នា​​អាច​នាំ​ឲ្យ​តម្លៃ​ប្រេង​សាំង​នៅ​កម្ពុជា មាន​តម្លៃ​ទាប​ដូច​តាម​បណ្ដា​ប្រទេស​អាស៊ាន។

ស្រដៀង​គ្នា​នេះ​ដែរ លោក អំ សំអាត មន្ត្រី​ស៊ើប​អង្កេត​ជាន់​ខ្ពស់​អង្គការ​លីកាដូ បាន​ថ្លែង​ថា រដ្ឋាភិបាល​គួរ​ពិនិត្យ និង​​បញ្ចុះ​តម្លៃ​ប្រេងសាំង​ឲ្យ​បាន​សមរម្យ​ទៅ​តាម​ការ​ទាមទារ​របស់​ប្រជាពលរដ្ឋ។ លោក​ថា គ្មាន​ហេតុផល​ណា​មួយ​​ដែល​កម្ពុជា មិន​អាច​បញ្ចុះ​តម្លៃ​ប្រេង​ឥន្ធនៈ ឲ្យ​មាន​តម្លៃ​ប្រហាក់ប្រហែល​ប្រទេស​​​ក្នុង​សមាគម​អាស៊ាន​នោះ​​ទេ បើ​រដ្ឋាភិបាល​មាន​ឆន្ទៈ​ពិត​ប្រាកដ។

តម្លៃ​ប្រេងសាំង​ក្នុង​ប្រទេស​អាស៊ាន ដែល​សង្គម​ស៊ីវិល​បាន​លើក​ឡើង បាន​បង្ហាញ​ថា ប្រទេស​កម្ពុជា មាន​តម្លៃ​ខ្ពស់​ជាង​បណ្តា​​​ក្នុង​សមាគម​អាស៊ាន គឺ​មាន​តម្លៃ​ក្នុង ១​លីត្រ ១,៤៩​ដុល្លារ។ សិង្ហបុរី ១​លីត្រ ១,២៨​ដុល្លារ ថៃ ១​លីត្រ ១,២៧​ដុល្លារ ឡាវ ១​លីត្រ ១,១០​ដុល្លារ វៀតណាម ១​លីត្រ ១,០៥ដុល្លារ ហ្វីលីពីន ១​លីត្រ ១,០៥​ដុល្លារ ភូមា ១​លីត្រ ១​ដុល្លារ ឥណ្ឌូនេស៊ី ១​លីត្រ ០.៩២​ដុល្លារ ម៉ាឡេស៊ី ១​លីត្រ ០,៦៨​ដុល្លារ និង​​ប្រទេស​ប្រ៊ុយណេ សាំង​ក្នុង​១​លីត្រ​មាន​តម្លៃ ០,៤៦​ដុល្លារ។

ទាក់ទង​បញ្ហា​នេះ ក្រុម​អ្នក​រត់​ម៉ូតូ​កង់បី ឬ​ម៉ូតូ​ឌុប បាន​ថ្លែង​ថា ប្រាក់​កម្រៃ​ដែល​ពួកគេ​ទទួល​បាន​ប្រចាំ​ថ្ងៃ គឺ​ស្ទើរ​មិន​អាច​បង្គ្រប់​ការ​ចំណាយ​ទៅ​លើ​តម្លៃ​ប្រេង​សាំង​បាន​ទេ ដែល​ទាមទារ​ឲ្យ​រដ្ឋាភិបាល​ពិចារណា​បញ្ចុះ​តម្លៃ​ប្រេង​​សាំង​ឲ្យ​បាន​សមរម្យ។

ចំណែក​លោក ដេវីដ ចនវែល (David Johnwelsh) នាយក​ប្រចាំ​ប្រទេស​មជ្ឈមណ្ឌល​អាមេរិកាំង​សំរាប់​សាមគ្គីភាព​ការងារ​អន្តរជាតិ ដែល​បាន​ចូលរួម​ក្នុង​សន្និសីទ​កាសែត​ក៏​បាន​ជំរុញ​ទៅ​រដ្ឋាភិបាល​ឲ្យ​បញ្ចុះ​តម្លៃ​ប្រេងសាំង ដែល​មាន​​តម្លៃ​ខ្ពស់​នៅ​លើ​ទីផ្សារ​កម្ពុជា នេះ​ដែរ។

ទោះ​ជា​បែប​នេះ​ក្តី មិន​ទាន់​មាន​ការ​ឆ្លើយ​តប​ភ្លាមៗ​ពី​មន្ត្រី​គណៈកម្មការ​សិទ្ធិ​មនុស្ស ទទួល​ពាក្យ​បណ្ដឹង និង​អង្កេត ទំនាក់ទំនង​រដ្ឋ​សភា ព្រឹទ្ធ​សភា​នៅ​ឡើយ​ទេ នៅ​ថ្ងៃ​ទី​៩ ខែ​មេសា ឆ្នាំ​២០១២។ ប៉ុន្តែ​មន្ត្រី​ស្ថាប័ន​នេះ​បាន​ព្រម​ទទួល​យក​ញត្តិ​របស់​សង្គម​ស៊ីវិល​យក​ទៅ​​ពិចារណា និង​សន្យា​ឆ្លើយ​តប​ពេល​ក្រោយ។

អង្គការ​មិន​មែន​រដ្ឋាភិបាល​ជិត ២០​អង្គភាព បាន​ឲ្យ​ដឹង​ថា បើ​សិន​ជា​រដ្ឋ​សភា ឬ​រដ្ឋាភិបាល​មិន​បាន​ឆ្លើយ​តប​ចំពោះ​សំណើ​បញ្ចុះ​តម្លៃ​ប្រេង​សាំង​ទៅ​តាម​ការ​ទាមទារ​ទេ ពួក​គេ​នឹង​ដឹក​នាំ​ពលរដ្ឋ សិស្ស​និស្សិត ចូល​រួម​ធ្វើ​មហា​​បាតុកម្ម​ទូទាំង​​ប្រទេស ដើម្បី​ឲ្យ​រដ្ឋាភិបាល​ឆ្លើយ​តប​សំណើ​បញ្ចុះ​តម្លៃ​ប្រេង​សាំង​ឲ្យ​បាន​សមរម្យ៕

កំណត់​ចំណាំ៖ ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ ដើម្បី​រក្សា​សេចក្ដី​​ថ្លៃថ្នូរ យើង​​ខ្ញុំ​នឹង​ផ្សាយ​តែ​មតិ​ណា​ដែល​មិន​​ជេរ​​ប្រមាថ​​ដល់​​អ្នក​​ដទៃ​តែ​ប៉ុណ្ណោះ។

ព័ត៌មាន (33)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

ប្រេងសាំងស្រុកខែ្មរ មិនងាយចុះតំលៃទេ ព្រោះអ្នកមានអំនាចទទួលបានផលចំនេញពីក្រុមហ៊ុនទាំងនោះ

Apr 11, 2012 03:57 AM

អ្នក​អាន​អនាមិក

All Khmers, It is time to dump Hun Sen's government in the next 2013 election. Hun Sen and his family have inflicted too much suffering on Khmers ... sending his soldiers to beat women in the street, dragging the poor out of their homes, and now turning a blind eye to skyrocketing oil price manipulated by his friends... Khmers must tell all those military men to do their job and stay neutral and let Hun Sen leave power peacefully in 2013. Otherwise, Cambodia will suffer more.

Apr 10, 2012 04:43 AM

អ្នក​អាន​អនាមិក

បរទេសម្នាក់នេះ តិចត្រូវប្ដឹងពីរដ្ឋាភិបាលទៀតទៅ (?)

Apr 10, 2012 04:33 AM

អ្នក​អាន​អនាមិក

Family's Hun Sen controled every business so please vote for CCP one more time.

Apr 10, 2012 12:46 AM

អ្នក​អាន​អនាមិក

High oil price, will raise the production cost,then price of goods and services will go up,cost push inflation is up..the the purchasing power of money to buy goods is decreased( buy less) ,it is not good news for worker who earn small salary.

Apr 10, 2012 12:09 AM

មើល​មតិ​ទាំង​អស់.

គេហទំព័រ​ទាំងមូល