បក្សប្រឆាំងនិងសង្គមស៊ីវិលមិនចង់ឲ្យរដ្ឋាភិបាលកែច្បាប់ពាក់ព័ន្ធនឹងផែនទី
ho.mp3
គណបក្សប្រឆាំង និងអង្គការមិនមែនរដ្ឋាភិបាលដែលធ្វើការឃ្លាំមើលបញ្ហាព្រំដែន មិនចង់ឲ្យរដ្ឋាភិបាល ឬរដ្ឋសភា ធ្វើវិសោធនកម្មរដ្ឋធម្មនុញ្ញលើមាត្រាមួយចំនួនដែលពាក់ព័ន្ធនឹងមាត្រដ្ឋានផែនទីនៃប្រទេសកម្ពុជា ខ្នាត ១/១០០.០០០ (មួយលើមួយរយពាន់) ដែលមានចែងនៅក្នុងរដ្ឋធម្មនុញ្ញបច្ចុប្បន្ននោះទេ។
ការបញ្ចេញប្រតិកម្មនេះ បន្ទាប់លោក ហ៊ុន សែន កាលពីថ្ងៃអង្គារ ទី៤ កញ្ញា បានប្រកាសឲ្យមានការសិក្សាមួយ ដើម្បីអាចធ្វើវិសោធនកម្មលើមាត្រាពីរនៃរដ្ឋធម្មនុញ្ញព្រះរាជាណាចក្រកម្ពុជា។
លោកមានប្រសាសន៍ថា មាត្រា២ នៃរដ្ឋធម្មនុញ្ញដែលធ្វើឡើងនៅឆ្នាំ១៩៩៣ នោះ នៅមានចំណុចខ្សោយ និងខ្វះខាតមួយចំនួន ហើយការគូសផែនទីកំណត់ផ្ទៃក្រឡាដីរបស់កម្ពុជា នៅសម័យបារាំង កាន់កាប់កម្ពុជានោះ ក៏មានការលំបាក ខ្វះខាតនូវលក្ខណៈបច្ចេកទេសមួយចំនួនដែលអាចធ្វើឲ្យទំហំផ្ទៃដីប្រទេសកម្ពុជា មានការប្រែប្រួលក្រោយពីមានការវាស់វែងឡើងវិញដោយឧបករណ៍ ឬបច្ចេកវិទ្យាទំនើបនៅសម័យនេះ។
មត្រា២ នៃរដ្ឋធម្មនុញ្ញបានចែងថា បូរណភាពទឹកដីរបស់ព្រះរាជាណាចក្រកម្ពុជា មិនអាចរំលោភបានជាដាច់ខាតក្នុងព្រំដែនរបស់ខ្លួនដែលមានកំណត់ក្នុងផែនទីខ្នាត ១/១០០.០០០ ធ្វើនៅចន្លោះឆ្នាំ១៩៣៣ និងឆ្នាំ១៩៦៩ ហើយដែលត្រូវទទួលស្គាល់ជាអន្តរជាតិនៅចន្លោះឆ្នាំ១៩៦៣ និងឆ្នាំ១៩៦៩។
លោក សុន ឆ័យ ប្រធានក្រុមអ្នកតំណាងរាស្ត្ររបស់គណបក្ស សម រង្ស៊ី។ លោកមានប្រសាសន៍ថា ការបោះបង្គោលកំណត់ព្រំដែនមិនពាក់ព័ន្ធនឹងមាត្រាទី២ នៃរដ្ឋធម្មនុញ្ញដែលជាច្បាប់កំពូលរបស់ជាតិនោះទេ។
លោកបន្តថា បើទោះបីមានការចាំបាច់ធ្វើវិសោធនកម្មលើមាត្រាណាមួយនៃរដ្ឋធម្មនុញ្ញពាក់ព័ន្ធនឹងការកំណត់ព្រំដែននោះ ទាល់តែមានការធានាថា មិនឲ្យបាត់បង់បូរណភាពទឹកដីខ្មែរពិតប្រាកដស្របតាមគោលការណ៍ច្បាប់ជាតិ អន្តរជាតិ មានការចូលរួមពីអ្នកសង្កេតការណ៍ច្បាស់លាស់ដែលមិនគួរធ្វើឡើងដោយអត្តនោម័តិនោះទេ។
លោកនាយករដ្ឋមន្រ្តី ហ៊ុន សែន បានប្រកាសនៅក្នុងរដ្ឋសភា កាលពីថ្ងៃទី៩ សីហា ឆ្នាំ២០១២ ថា ភាគីកម្ពុជា និងវៀតណាម នឹងផលិតផែនទីព្រំដែនរដ្ឋមួយ។ ផែនទីព្រំដែននោះនឹងត្រូវប្ដូរជំនួសផែនទីខ្នាត ១/១០០.០០០ ដែលមានចំនួន ២៦ផ្ទាំង និងផែនទីខ្នាត ១/៥០.០០០ (មួយលើហាសិបពាន) ដែលមានចំនួន ៤០ផ្ទាំង អមដោយសន្ធិសញ្ញា ១៩៨៥ និងប្លង់ទាំងបួនអមដោយសន្ធិសញ្ញាបំពេញបន្ថែម។
ទាក់ទងបញ្ហានេះដែរ លោក រ៉ុង ឈុន ប្រធានក្រុមអ្នកឃ្លាំមើលបញ្ហាព្រំដែន។ លោកមានប្រសាសន៍ថា ការកែប្រែអ្វីមួយដែលប៉ះពាល់ដល់ផលប្រយោជន៍ជាតិ គេគួរតែធ្វើឡើងដោយតម្លាភាព ដោយមានការចូលរួមពីគ្រប់ភាគីដែលពាក់ព័ន្ធ ជៀសវាងធ្វើឡើងដោយក្រុមមនុស្សតែមួយក្រុមណាមួយនោះ។
មន្ត្រីគណបក្សប្រឆាំងបានមានប្រសាសន៍ថា ការកំណត់ព្រំដែនដោយរក្សាបាននូវបូរណភាពដែនដីជាតិរបស់ខ្លួនមិនឲ្យបាត់បង់នោះ គឺត្រូវពឹងលើអ្នកច្បាប់អ្នកជំនាញដែលមានបច្ចេកទេសច្បាស់លាស់ និងជាអ្នកឯករាជ្យ ហើយមិនត្រូវយកបញ្ហានេះជារឿងកេងចំណេញខាងនយោបាយ ហើយធ្វើឲ្យបាត់បង់ផលប្រយោជន៍ជាតិនោះទេ។
មន្ត្រីគណបក្សប្រឆាំងបានឲ្យដឹងទៀតថា ខ្លួនកំពុងសិក្សាលម្អិតលើផែនទីដែលរដ្ឋាភិបាលកំពុងយកមកប្រើសព្វថ្ងៃនេះ និងអ្វីដែលលោកនាយករដ្ឋមន្ត្រីអះអាងថា ការវាស់វែងព្រំដែនជាថ្មីនៅសម័យនេះ អាចចំណេញ ឬពង្រីកផ្ទៃដីបន្ថែមដល់កម្ពុជានោះ ជារឿងពិតប្រាកដមែន ឬក៏យ៉ាងណា?
គណបក្សប្រឆាំងនឹងបន្តលើកយកបញ្ហាស្ដីពីភាពមិនប្រក្រតីមួយចំនួនជុំវិញការបោះបង្គោលព្រំដែនទៅឲ្យរដ្ឋាភិបាលឆ្លើយបំភ្លឺបន្តទៀត ដោយមានការសួរដេញដោលគ្នាដោយផ្ទាល់មាត់នៅក្នុងរដ្ឋសភានៅពេលខាងមុខ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
ល្ងីល្ងឺ
ពី ភ្នំពេញខ្ញុំសូមប្រាប់ លោកទៅចុះ គេមានគំនិតសុទិដ្ឋិនិយម គេរស់បានសុខ ស្រួល និងសុខសប្បាយណាស់នៅស្រុក ខ្មែរនេះមិនដូចអ្នកខ្លះនៅស្រុកគេ គេបោកលិច បោកកើត អស់លុយចូល រួមគេអោយយកមកចាយហ៊ឺហានៅស្រុក ខ្មែរហើយ បង់ទាំងចិត្តអោយគេទៀត ហើយគិតថាខ្លួនឯង ត្រូវព្រោះចូលរួមចំណែកជួយស្រុកខ្មែរ តែតាមពិតអ្នកនោះ គេថា អានេះភ្លឺ ណាស់អញបោកប៉ុណ្ណឹងហើយនៅជឿ អញទៀត ថែមទាំងអោយលុយអញទុកចាយទៀត ហាស ហាស ហា...។ សូមទោស កុំឈឺចាប់ណា អ្នកណាមាន ខ្លួនប្រយ័តគាំងបេះ ដូងស្លាប់...។
Sep 18, 2012 10:38 AM
Dina
ពី Kampong ChamOnes who did not go to school but have their say honestly showing the love for their nation is MUCH better than the well-educated ones who care only for their personal benefits, not their nation's. I DO appreciate those who have their say claiming for Khmer's interests NO mater what or who you are.
Sep 07, 2012 02:59 AM
អ្នកអានអនាមិក
មេដឹកនាំមិនត្រូវក្បត់មនុស្សក្នុងលោកទេ សុខចិត្តឲ្យមនុស្សក្នុងលោកក្បត់មេដឹកនាំ។
Sep 07, 2012 02:58 AM
Reach sanha
ពី ParisReply to (Legui leugue),you te , d'nt khnow every thing about the story in cambodia, cuz you still just inside this country, and you never know how is the life fron inside the cambodia! i think you must going study alot before you will tell to pepople live from out side , they make juste opposide our land dou you know ? why you have tell like that ?are you crazy man or no , dou you know any language or just only one Khmer ? if you want to know about really story of Cambodia , you will have go to study some foreigne language! that ok? and you can will find the true of the country Cambodia ok?
Sep 07, 2012 01:58 AM
ល្ងីល្ងឺ
ពី ភ្នំពេញខ្ញុំមិនដែលរៀនភាសាគេទេ ដូចឃើញទេខ្លួនខ្ញុំឈ្មោះល្ងីល្ងឺ តែសូមមើលការសរសេរភាសារបស់លោកផង លោក Reach Sanha ។ មិនចាំបាច់តែនៅប្រទេសគេបានអាច សិក្សាប្រវត្តិសាស្រ្តខ្មែរបាននោះទេ នៅស្រុកខ្មែរគេមាន សេរីភាពក្នុងការសិក្សាគ្រប់បែបយ៉ាង សម័យនេះហើយគេ អង្គុយតែមុខកុំព្យូទ័រ ក៏គេអាចសិក្សាបានដែរ។ ព្យាយាម សិក្សាថែមតិចទៀត និងមើលអោយបានវែងឆ្ងាយ និងស្វែង យល់ពីភាពជាក់ស្តែងនៅស្រុកខ្មែរ ស្រុកកំណើតរបស់ខ្លួន ឯងថែមបន្តិចទៀតទៅ ក្រែងបានសប្បាយចិត្តគេងលក់ ស្រួល និងមិនត្រូវបានគេគិតថា ភ្លីភ្លឺជាងខ្ញុំ។
Sep 18, 2012 10:35 AM
ល្ងីល្ងើ
ពី ភ្នំពេញឯ RFA បើបានតែអ្នកណាផ្ញើរមតិបែបភ្លើៗអញ្ចឹង គេ សប្បាយនឹងចុះផ្សាយអោយណាស់ តែសុទ្ធតែដាក់លក្ខ ខណ្ឌ "មតិនឹងត្រូវសម្រេចដោយអ្នកសម្របសម្រួល..." ដែលការពិតខ្លឹមសារមតិជាច្រើនសុទ្ធតែជាពាក្យអសីលធម៌ នឹងពាក្យរបស់មនុស្សបាតសង្គមជាអ្នកប្រើប្រាស់ សូម ទោសណា ខ្ញុំក៏ជាមនុស្សថ្នាក់ទាបដែររកតែអង្ករច្រកឆ្នាំង មិនចង់បានផង សូមអ្នកមានមតិអធ្យាស្រ័យរួមទាំង RFA ផង។
Sep 06, 2012 11:11 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
