លោក អំ សំអាត ប្រធានផែ្នកស៊ើបអង្កេតនៃអង្គការសិទ្ធិមនុស្សលីកាដូ បានមានប្រសាសន៍ថា ៖ «ខ្ញុំទើបតែទទួលព័ត៌មានដែរថា មុននេះប្រហែលជាកន្លះម៉ោងគឺក្រសួងព័ត៌មានថា សមត្ថកិច្ចចាប់លោកនៅខេត្តបាត់ដំបង។ ឥឡូវហ្នឹងយើងមិនទាន់ច្បាស់ថា ការចាប់ខ្លួនរបស់គាត់ហ្នឹងគេអាចបញ្ចូលទៅស្នងការខេត្តបាត់ដំបងសិន ឬក៏ Direct មកភ្នំពេញតែម្ដងទេ។ យើងអត់ទាន់បានទទួលព័ត៌មានពេញនៅឡើយ។ ឥឡូវយើងកំពុងតែតាមឃ្លាំមើលទៅលើករណីនេះ»។
ប៉ុន្តែលោកឧត្តមសេនីយ៍ ខៀវ សុភ័គ ជាអ្នកនាំពាក្យរបស់ក្រសួងមហាផៃ្ទ បានមានប្រសាសន៍នៅថ្ងៃរសៀលនេះថាលោកមិនទាន់ដឹងអំពីបញ្ហានេះនៅឡើយទេ៕