អ្នកដំណើររិះគន់ប៉ូលិសចរាចរណ៍ខេត្តបាត់ដំបងពីការជំរិតទារប្រាក់
ដោយ សុផល មុន្នី
2009-11-29
ព្រះសង្ឃ តាជី យាយជីនិងពុទ្ធបរិស័ទ បានថ្លែងរិះគន់ក្រុមប៉ូលិសចរាចរណ៍ខេត្តបាត់ដំបង ថាបានបណ្តាក់គ្នាដូចជាសត្វខ្យងចាប់ជំរិតទារលុយពីអ្នកដំណើរជាម្ចាស់យានយន្តដែលបានធ្វើដំណើរឆ្លងកាត់ក្នុងទីរួមខេត្ត។
២៨-វិច្ឆិកា-២០០៩: ប៉ុស្តិ៍ត្រួតពិនិត្យមួយកន្លែងរបស់ប៉ូលិសចរាចរណ៍នៅក្នុងទីរួមខេត្តបាត់ដំបង
លោក សាន់ សង ជាអាចារ្យនៅវត្តធម្មរតនៈសាគរ ក្នុងទីរួមខេត្តកំពង់ឆ្នាំង បានថ្លែងថា កាលពីព្រឹកថ្ងៃសៅរ៍ ទី២៨ ខែវិច្ឆិកា ក្រុមប៉ូលិសចរាចរណ៍ខេត្តបាត់ដំបងពីរកន្លែងបានកាក់រថយន្តកូរ៉េបីគ្រឿងដែលដឹកបានដឹកព្រះសង្ឃ ដូនជី តាជីនិងពុទ្ធបរិស័ទជិត១០០នាក់ទៅធ្វើបុណ្យតាមគន្លងព្រះពុទ្ធសាសនាមួយនៅឯស្រុកថ្មគោល។
លោក សាន់ សង បានឲ្យដឹងថា ៖ «ធ្វើដំណើរពីកំពង់ឆ្នាំងមក ឆ្លងកាត់ខេត្តពោធិ៍សាត់ឃើញប៉ូលិសដែរ តែគ្រាន់តែថា គាត់គ្រាន់តែឃើញទង់សាសនា ឃើញព្រះសង្ឃអី គាត់ស៊ីញ៉ូឲ្យមក។ ដល់ពេលធ្វើដំណើរមកដល់ជាយក្រុងបាត់ដំបងខាងកើតហ្នឹង ប៉ូលិសគាត់ហៅ»។
លោកបន្តថា ក្រុមប៉ូលិសចរាចរណ៍ដែលដាក់ប៉ុស្តិ៍នៅចំចំណុចមួយក្នុងឃុំអន្លង់វិល ស្រុកសង្កែ ខេត្តបាត់ដំបង បានទារលុយពីរថយន្តដឹកអ្នកទៅធ្វើបុណ្យក្នុងមួយគ្រឿង ៣ម៉ឺន៥ពាន់រៀល តែក្រោយមកព្រមទទួលសរុបតែ៤ម៉ឺនរៀល។ នៅពេលបើកចេញដល់ចំណុចមួយទៀតស្ថិតក្នុងភូមិអណ្តូងចេញ ក្រុងបាត់ដំបង ស្រាប់តែមានប៉ូលិសចរាចរណ៍មួយក្រុមផ្សេងទៀតកាក់ទារលុយពីរថយន្តទាំងបីគ្រឿងអស់ចំនួន៣ម៉ឺនរៀលថែមទៀត ដោយមិនមានចេញវិក្កយបត្រឲ្យ បើទោះបីរថយន្តទាំងបីគ្រឿងនោះមានប័ណ្ណពន្ធផ្លូវ លិខិតស្របច្បាប់ទាំងអស់ក៏ដោយ។
លោក សាត គឹមសាន ប្រធានការិយាល័យប៉ូលិសចរាចរណ៍ខេត្តបាត់ដំបង បានថ្លែងថា ពិតជាមានរឿងដូចករណីខាងលើកើតមានឡើងមែន ប៉ុន្តែលោកថា រថយន្តកូរ៉េទាំងបីគ្រឿងខុសច្បាប់ ទើបប៉ូលិសផាកពិន័យ។
លោក សាត គឹមសាន បានបញ្ជាក់ថា ៖ «តែដោយសារការយោគយល់ធ្វើបុណ្យរបៀបហ្នឹង បានជាប៉ូលិសចរាចរណ៍គាត់មានការយោគយល់របៀបហ្នឹង ប៉ុន្តែជំហានដំបូងដោយសារកំហុសរបស់អ្នកប្រើប្រាស់យានយន្តហ្នឹងហើយ»។
លោកបន្តថា ការដែលប៉ូលិសរបស់លោកធ្វើការផាកពិន័យមិនចេញវិក្កយបត្រឲ្យ គឺជារឿងខុសច្បាប់។
ព្រះតេជព្រះគុណ ប្រាក់ សោ ភាន់ ព្រះចៅអធិការគង់នៅវត្តធម្មរតនៈសាគរ ខេត្តកំពង់ឆ្នាំង បានឲ្យដឹងថា រថយន្តទាំងបីគ្រឿងនោះព្រះអង្គបានសុំឲ្យអ្នកស្រុកជួយដឹកព្រះសង្ឃ ពុទ្ធបរិស័ទ ដូនជី តាជី ដើម្បីមកចូលរួមធ្វើបុណ្យឲ្យញោមប្រុស ញោមស្រីរបស់ព្រះអង្គនៅស្រុកថ្មគោល។
ព្រះតេជព្រះគុណ ប្រាក់ សោ ភាន់ បានមានដីកាថា ៖ «ព្រោះអាត្មានៅខេត្តកំពង់ឆ្នាំងច្រើនតែទៅទេសនៅភ្នំពេញអី ហើយឡានឡើងចុះភ្នំពេញ អត់ដែលមានទេ! ទើបតែមកប្លែកឯណេះ!»។
ហុង គា អ្នកភូមិម្នាក់ក្នុងស្រុកថ្មគោល បានថ្លែងថា ក្រុមប៉ូលិសចរាចរណ៍ខេត្តបាត់ដំបងមិនបានគិតអ្វីក្រៅពីលុយទេ ទើបពួកគេធ្វើដូច្នោះ ៖ «ព្រោះឡាន គាត់មួយៗគាត់បំពាក់ទង់សាសនាភ្ជាប់ជាមួយលោក(សង្ឃ) ឬមួយតាជី ដូនជី មកដើម្បីធ្វើបុណ្យ ដល់គាត់ធ្វើអ៊ីចឹងបានន័យថា គាត់អត់មាននៅក្នុងសាសនាខ្មែរទេ មិនដឹងសាសនាអី!»។
ក្រុមមន្ត្រីសិទ្ធិមនុស្សនិងប្រជាពលរដ្ឋក្នុងរយៈពេលកន្លងមកនេះបានរិះគន់ក្រុមប៉ូលិសចរាចរណ៍ខេត្តបាត់ដំបងថា បានចាប់ម្ចាស់យានយន្តទារលុយមិនត្រឹមត្រូវតាមច្បាប់កំណត់ ហើយអ្នកខ្លះរិះគន់ថា ពួកគេកំពុងប្រែក្លាយការអនុវត្តច្បាប់ចរាចរណ៍ដែលប្រកាសដោយលោកនាយករដ្ឋមន្ត្រី ហ៊ុន សែន ជាមុខរបរស៊ីស្របច្បាប់៕
អត្ថបទដែលទាក់ទង
អ្នករត់តាក់ស៊ីនៅបន្ទាយមានជ័យប្ដឹងក្រុមហ៊ុនពីបទធ្វើឲ្យខូចខាតរថយន្ត
ពលរដ្ឋនៅកំពង់ឆ្នាំងត្រេកអរចំពោះការបង្រ្កាបវង់ល្បែង
បដិមាព្រះវិស្ណុនិងព្រះនាងលក្សី្មត្រូវគេប្រទះឃើញនៅកំពង់ចាម
កម្មការិនីម្នាក់ត្រូវគេសង្ស័យថាស្លាប់ដោយសារខំធ្វើការខ្លាំងពេក
អំពើហិង្សានិងការរំលោភផ្លូវភេទកើនឡើងក្នុងឆ្នាំ២០០៩
អ្នកភូមិនៅស្រុកកណ្ដាលស្ទឹងរង់ចាំលទ្ធផលពីការចរចាតម្លៃអគ្គិសនី
អាជ្ញាធរខែត្រកណ្ដាលរារាំងការតវ៉ាពីបញ្ហាភ្លើងឡើងថ្លៃ
ប៉ូលិសប៉ុស្តិ៍នៅអន្លង់វែងរងការចោទថាអនុវត្តច្បាប់មិនសមរម្យ
អ្នកភូមិស្នើសុំធ្វើស្រែលើដីដែលអាជ្ញាធរហាមឃាត់ឡើងវិញ
ស្រ្ដីម្នាក់អះអាងថាជាម្ដាយបង្កើតរបស់កុមារីដែលត្រូវម្ដាយចិញ្ចឹមធ្វើបាប
មតិ
បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួលនិងអាចចុះផ្សាយបានយោងតាមលក្ខខណ្ឌនៃការប្រើប្រាស់របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរីមិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។
I knew this khmer culture, Please please look arround yourself and look far who you are ? Khmer or offical kidnapper? we are all Cambodian. and Please please all the top leader in Cambodia look at the poor people and country side also. they are you belive on our buddhis only they are breaking law or murders. WE are Cambodian even too, thanks you for RFA bring it up for all the top leader in Cambodia consideration.
2009-11-30 20:18
Thank you.
2009-11-30 10:10
Ah! you don't know some police did like this they din't know buddish they know DOLpolice B.B. must be hold a car bring thedrug frome poy pet to P.P. better than holded a car frome KgChhnang to thmorkol . <br>police used lawfull but police unlawfull <br>what you think about that KH. or what.
2009-11-30 07:22
That is the way they (police) used to do to earn money. Not new issue but is normal for the corruption group. They need money for themselves and their bosses, not for Government or the ministry.
2009-11-30 07:15
In Battambang there is no different between police and thief. Now I have noticed that police in my province work very hard to get money even it is too late in the evening. Does the law require the police to stop passengers to fine at night? They always hide to be away from travellers to stop them to get money. I think they work to rob, not educate people to be safe with traffic. Sometimes travellers died or injured because of stopping them. <br>Stop immediately if you do not want to be a uniform-robber!
2009-11-30 06:21
មើលមតិទាំងអស់.