ភាពយឺតយ៉ាវក្នុងការធ្វើលិខិតរៀបការរវាងខ្មែរនិងជនបរទេសរងការរិះគន់
ដោយ មណ្ឌលកែវ
2009-10-16
ករណីស្នើសុំលិខិតរៀបអាពាហ៍ពិពាហ៍រវាងពលរដ្ឋខ្មែរជាមួយជនបរទេសកំពុងរងការរិះគន់យ៉ាងខ្លាំងក្លាពីប្រជាពលរដ្ឋខ្មែរជាច្រើននាក់ដែលកំពុងរត់ការធ្វើលិខិតស្នាមនេះ។
បុរសម្នាក់មានទីលំនៅនៅឯស្រុកសង្កែ ខេត្តបាត់ដំបង ដែលសុំមិនបញ្ចេញឈ្មោះដោយបារម្ភក្រែងគេផ្អឹបទុកឯកសារមិនឲ្យចេញរួចជារៀងរហូតនោះ មានប្រសាសន៍ថា ឯកសាររបស់គាត់បានយកទៅដាក់ប្រមាណមួយខែហើយតែគ្មានចម្លើយឆ្លើយតបថាយ៉ាងណាសោះ ពោលគឺងងឹតសូន្យតែម្តង។
គាត់មន្ទិលថា ឯកសារនេះត្រូវបានផ្អឹបទុកដោយលោកវរសេនីយ៍ឯក ជ្រិន វណ្ណេ ដែលជាជំនួយការរបស់លោកស្រីរដ្ឋលេខាធិការក្រសួងមហាផ្ទៃ ជូ ប៊ុនអេង ក្នុងបំណងស្វែងរកផលប្រយោជន៍ផ្ទាល់ខ្លួន។
បុរសដដែលបានបញ្ជាក់ថា ៖ «ខ្ញុំទៅសួរអគ្គលេខាធិការដ្ឋានហ្នឹងថាបញ្ជូនទៅអេសប៉េជំទាវ ជូ ប៊ុនអេង មានលោកវរសេនីយ៍ឯក ជ្រិន វណ្ណេ។ បានន័យថា ជាប់នៅត្រឹមគាត់ហ្នឹង តែគាត់រង់ចាំដល់សាមីខ្លួនតាមទៅសួរនាំអ៊ីចឹងបានគាត់ទម្លាក់ឯកសារហ្នឹងទៅឲ្យ ឬមានផលប្រយោជន៍ខ្លះសម្រាប់គាត់អ៊ីចឹងបានគាត់ទម្លាក់ឯកសារហ្នឹងទៅឲ្យ»។
ស្ត្រីម្នាក់ទៀតក៏មិនហ៊ានបញ្ចេញឈ្មោះដែរសម្ដែងពីចម្ងល់យ៉ាងដូច្នេះថា ៖ «ឆ្ងល់ត្រង់ថា របស់ខ្ញុំខ្វះខាតអីក៏មិននិយាយ អត់មានប្រាប់អីបន្តិចសោះ រួចខ្ញុំចាំមើលមួយខែជាងហើយហ្នឹង»។
គួរបញ្ជាក់ថា ដើម្បីបង្កលក្ខណៈងាយស្រួលចំពោះករណីស្នើសុំរៀបអាពាហ៍ពិពាហ៍របស់ជនបរទេសជាមួយប្រជាពលរដ្ឋខ្មែរ កាលពីថ្ងៃ១៩ ខែកញ្ញាកន្លងទៅ ក្រសួងមហាផ្ទៃបានចេញសេចក្ដីសម្រេចបង្កើតក្រុមការងារចម្រុះច្រកចេញចូលតែមួយសម្រាប់ពិនិត្យចុះបញ្ជីការរៀបអាពាហ៍ពិពាហ៍រវាងពលរដ្ឋខ្មែរនិងជនបរទេសមួយដើម្បីគ្រប់គ្រងនិងដំណើរការការងារនេះ។
ក្នុងប្រការ៤នៃសេចក្តីសម្រេចបានចែងថា ក្រុមការងារចម្រុះមានភារកិច្ចពិនិត្យបែបបទនៃការស្នើសុំនេះ ដោយកំណត់រយៈពេល៥ថ្ងៃនៃថ្ងៃការងារក្នុងការឆ្លើយតបចំពោះសំណើរបស់ប្រជាពលរដ្ឋនេះ។
ឆ្លើយតបចំពោះការមន្ទិលរបស់ប្រជាពលរដ្ឋ លោកវរសេនីយ៍ឯក ជ្រិន វណ្ណេ ពន្យល់ចំពោះមូលហេតុដែលបណ្តាលឲ្យមានការយឺតយ៉ាវនេះយ៉ាងដូច្នេះថា ៖ «ការដែលគាត់និយាយថា មកស្ទះកន្លែងនេះ គឺគ្មានទេ លើកលែងតែឯកសារហ្នឹងវាមិនទាន់គ្រប់គ្រាន់ ខាងជំនាញផ្សេងៗគាត់ពិនិត្យទៅ មិនទាន់គ្រប់គ្រាន់ ខ្វះនេះ ខ្វះនោះ ហើយប្រជាពលរដ្ឋមិនព្រមចូលទៅទាក់ទងដើម្បីសួរនាំដើម្បីបំពេញបន្ថែមឲ្យគេនោះណា៎។ អ៊ីចឹងជំនាញមួយៗគាត់មិនទាន់អាចវាយតម្លៃធ្វើឡើងមកបានទេ ហើយបើមិនទាន់បញ្ជូនមកខ្ញុំក៏មិនទាន់អាចធ្វើការបូកសរុបលទ្ធផលជូនបានដែរ។ ខ្ញុំជម្រាបជូនបានប៉ុណ្ណឹង រឿងស្ទះអត់មានទេ»។
ដោយផ្អែកតាមសេចក្តីសម្រេចនេះនិងដោយលិខិតស្នាមមានភាពយឺតយ៉ាវលើសពីការកំណត់ជាច្រើនថ្ងៃ ដូច្នេះហើយទើបប្រជាពលរដ្ឋមានប្រតិកម្មរិះគន់និងចោទប្រកាន់ដោយមន្ទិលចំពោះអគ្គលេខាធិការដ្ឋាន ជាពិសេសគឺលោកវរសេនីយ៍ឯក ជ្រិន វណ្ណេ យ៉ាងដូច្នេះ។
យ៉ាងណាក៏ដោយ អ្នកវិភាគឯករាជ គឺលោកស្រី ជា វណ្ណាត មានប្រសាសន៍ថា កង្វះតម្លាភាពនិងការិយាធិបតេយ្យក្នុងការអនុវត្តន៍ការងារបានបណ្តាលឲ្យកើតមាននូវទំនាស់ទាំងនេះឡើង ដែលគេអាចបំបាត់វាបានដោយការប្តេជ្ញាគោរពច្បាប់ជាធរមាន៕
អត្ថបទដែលទាក់ទង
នាយករដ្ឋមន្ត្រីសម្រេចយកសម័យប្រជុំថ្ងៃ១១ ធ្នូ ដើម្បីឆ្លងសេចក្ដីព្រាងច្បាប់អំពើពុករលួយ
នគរបាលអន្តោប្រវេសន៍នៅប៉ោយប៉ែតរងការចោទថាបន្តជំរិតប្រាក់ពីកម្មករ
អតីតប្រធានាធិបតីអាមេរិកសម្ពោធផ្ទះសម្រាប់ជនក្រីក្រនៅខែត្រកណ្ដាល
ទីតាំងផលិតប្រេងម្រះព្រៅភ្នំ២កន្លែងនៅពោធិ៍សាត់ត្រូវបានកម្ទេច
គណៈកម្មការខ្មែរម្ចាស់ស្រុកនឹងរៀបចំកិច្ចប្រជុំស្ដីពីបញ្ហានៅកម្ពុជា
អាជ្ញាធរខេត្តឧត្ដរមានជ័យរារាំងរថយន្តដឹកព្រះពុទ្ធបដិមារបស់ម៉មសូណង់ដូ
ប្រជានេសាទប្រតិកម្មចំពោះការកំណត់ប្រភេទឧបករណ៍នេសាទ
បញ្ហាធូលីហុយនៅតាមផ្លូវជាតិលេខ៣ប៉ះពាល់ដល់សុខភាពអ្នកស្រុក
ពលរដ្ឋនៅព្រៃវែងត្អូញពីបញ្ហាសមត្ថកិច្ចស្ទាក់ទារប្រាក់តាមផ្លូវ
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
គេចូលចិត្តបែបហ្នឹង ព្រោះវាជាវិធីរកលុយរបស់គេ។ នេះជាឧបសគ្គមិនអោយខ្មែរដើរទៅមុខ។
2009-10-18 00:26
*limit fee is a Good way for this petition.if this petition have FEE khmer goverment can earn Money and no more problem and corruption .INS in u.s.a increase alot Money about this petition [I- 130] or [I-129f] forms.No body complaint to INS or u.s Goverment.so please limit Fee for this petition.
2009-10-17 11:16
*limit fee is a Good way for this petition.if this petition have FEE khmer goverment can earn Money and no more problem and corruption .INS in u.s.a increase alot Money about this petition [I- 130] or [I-129f] forms.No body complaint to INS or u.s Goverment.so please limit Fee for this petition.
2009-10-17 11:15
*The true point is Money.alot Bad and corruption in khmer authorities...but they always rejected all matter.The good point is.... khmer Goverment should limit fee like INS in u.s.a. <br>*No fee is Good outside but not good inside like Plai la vearr. <br>*Limit fee is a Good way for khmer govermant. No fee look like house no fence and no key and allow all officers in that department collecte Money from the petitions.Big corruption in cambodia country...This is True.But they always rejected all problem.This is a cultures for them.
2009-10-17 11:06
everybody at MoI knows that Mrs. Secretary of State's assistants are the cause of such delay. It's their bread and butter, but it has to stop. More investigation for fact check, if you think otherwise. key word, THE ASSISTANTS
2009-10-16 20:49
មើលមតិទាំងអស់.