ហ៊ុន សែន ប្រតិកម្មនឹងការកោះហៅមន្ត្រីរដ្ឋាភិបាលទៅធ្វើជាសាក្សី
ដោយ ម៉ៅ សុធានី
2009-10-09
លោកនាយករដ្ឋមន្ត្រី ហ៊ុន សែន កាលពីថ្ងៃ៨ តុលា បានថ្លែងប្រតិកម្មទៅនឹងដីកាកោះហៅមន្ត្រីជាន់ខ្ពស់ខ្មែរក្នុងជួររាជរដ្ឋាភិបាល៦នាក់ ដែលជាអតីតមន្ត្រីកម្មាភិបាលខ្មែរក្រហមដើម្បីចូលខ្លួនមកធ្វើជាសាក្សីនៅក្នុងសាលាក្តីខ្មែរក្រហម ថាជារឿងចម្លែក។
លោកនាយករដ្ឋមន្ត្រី ហ៊ុន សែន ថ្លែងទៅកាន់និស្សិតនៅក្នុងពិធីផ្ដល់អាហារូបករណ៍ ក្នុងទីក្រុងភ្នំពេញ កាលពីថ្ងៃទី២០ វិច្ឆិកា ២០០៨។
ប្រតិកម្មប្រឆាំងរបស់លោកនាយករដ្ឋមន្ត្រី ហ៊ុន សែន នេះ បានធ្វើឡើងនៅបន្ទាប់ពី លោក ម៉ាកសែល ឡឺម៉ុង (Marcel Lemonde) ចៅក្រមស៊ើបអង្កេតជនជាតិបារាំងនៃសាលាក្តីខ្មែរក្រហម បានកោះអញ្ជើញ លោក ជា ស៊ីម ប្រធានព្រឹទ្ធសភា, លោក ហេង សំរិន ប្រធានរដ្ឋសភា, លោក ហោ ណាំហុង ឧបនាយករដ្ឋមន្ត្រីនិងជារដ្ឋមន្ត្រីការបរទេស, លោក គាត ឈន់ រដ្ឋមន្ត្រីក្រសួងហិរញ្ញវត្ថុ, លោក ស៊ីម កា សមាជិកព្រឹទ្ធសភា និងលោក អ៊ុក ប៊ុនឈឿន សមាជិកព្រឹទ្ធសភាដែរនោះ ដើម្បីទៅផ្តល់សក្ខីកម្មក្នុងរឿងចោទប្រកាន់អតីតមេដឹកនាំខ្មែរក្រហម៤រូបទៀត មាន នួន ជា, ខៀវ សំផន, អៀង សារី និង អៀង ធីរិទ្ធ ពីបទឧក្រិដ្ឋកម្មសង្គ្រាមនិងឧក្រិដ្ឋកម្មប្រឆាំងមនុស្សជាតិនៅក្នុងសាលាក្តីខ្មែរក្រហម។
ប្រភពព័ត៌មានបារាំង អា.អេហ្វ.ប៉េ. (AFP) ផ្សាយកាលពីម្សិលមិញដកស្រង់សម្ដីលោកនាយករដ្ឋមន្ត្រី ហ៊ុន សែន ដែលបានចោទសួរមកវិញថា តើហេតុដូចម្តេចបានជាសាលាក្តីខ្មែរក្រហមកោះហៅដើមបណ្តឹងមកធ្វើជាសាក្សីទៅវិញ? លោកមានប្រសាសន៍ថា មន្រ្តីជាន់ខ្ពស់ទាំង៦រូបនោះគឺជាដើមបណ្តឹង។ ពីព្រោះថា មន្ត្រីទាំងនោះបានត្រូវគេដឹងថាជាអ្នកផ្តួលរំលំ ប៉ុល ពត មេដឹកនាំរបបខ្មែរក្រហម ហើយក៏ដោយសារតែអ្នកទាំងនោះផងដែរដែលជាអ្នកចូលរូមព្រមព្រៀងក្នុងការអនុម័តច្បាប់កាត់ទោសខ្មែរក្រហម?
ប្រភពដដែលបន្តថា ដីកាកោះចេញដោយលោក ម៉ាកសែល ឡឺម៉ុង ចៅក្រមស៊ើបអង្កេតជនជាតិបារាំងនៃសាលាក្តីខ្មែរក្រហម ធ្វើឡើងស្របពេលដែលមានការចោទប្រកាន់ជាហូរហែរថា រដ្ឋាភិបាលរបស់លោកនាយករដ្ឋមន្ត្រី ហ៊ុន សែន ព្យាយាមជ្រៀតជ្រែកចូលកិច្ចការផ្ទៃក្នុងរបស់សាលាក្តីខ្មែរក្រហមក្នុងបំណងការពារដល់អតីតមន្ត្រីខ្មែរក្រហមមួយចំនួនដែលមានឋានន្តរសក្តិខ្ពស់ក្នុងរាជរដ្ឋាភិបាលកម្ពុជាបច្ចុប្បន្ន៕
ឧបករណ៍រឿង
|
អ៊ីម៉េល |
|
ព្រឹត្តិបត្រព័ត៌មាន |
|
បោះពុម្ព |
|
ចែករំលែករឿងនេះ |
អត្ថបទដែលទាក់ទង
- សង្គមស៊ីវិលផ្សព្វផ្សាយការយល់ដឹងពីសាលាក្ដីខ្មែរក្រហមនៅស្វាយរៀង
- មន្រ្តីនៃសាលាក្ដីខ្មែរក្រហមអំពាវនាវឲ្យជនរងគ្រោះដាក់ពាក្យបណ្ដឹងឲ្យបានឆាប់
- គ្រូបងៀននិងសិស្សជួបគ្នាស្វែងយល់ពីដំណើរការកាត់ក្តីអតីតមេខ្មែរក្រហម
- ចៅក្រមអន្តរជាតិមួយរូបនៃសាលាក្តីខ្មែរក្រហមរងការទាមទារឲ្យដកចេញ
- ហ៊ុន សែន ប្រតិកម្មនឹងការកោះហៅមន្ត្រីរដ្ឋាភិបាលទៅធ្វើជាសាក្សី
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
Michel Le mong is right, in the trial we have to have both side. But he touch to spot of weakness of Mr Hun Sen. Mr Michel Lemong is in a hard time. For him is not fair, he just do the right thing for Cambodian, but Hun Sen doing for his group. God help Mr Hun Sen
2009-11-08 02:53
I think they can clarify this regime more fully.
2009-10-22 03:32
ខ្ញុំគិតថាពួកគាត់គឺជាសាក្សីដែលអាចនឹងផ្តល់ភស្តុតាងថែមមួយ កំរិតទៀតអំពីរបបកម្ពុជាប្រជាធេបតេយ្យ។ វាជាការល្អដែលមេដឹកនាំព្រួយបារម្មណ៍ពីសុវត្ថិភាពជាតិជាតិជាចំបង។ លោក ម៉ាសេឡេម៉ុងជាមេធាវីល្អ
2009-10-22 03:30
ខ្ញុំគិតថាពួកគាត់គឺជាសាក្សីដែលអាចនឹងផ្តល់ភស្តុតាងថែមមួយ កំរិតទៀតអំពីរបបកម្ពុជាប្រជាធេបតេយ្យ។ វាជាការល្អដែលមេដឹកនាំព្រួយបារម្មណ៍ពីសុវត្ថិភាពជាតិជាតិជាចំបង។ លោក ម៉ាសេឡេម៉ុងជាមេធាវីល្អ
2009-10-22 03:29
I support the idea of bringing those high former Khmer Rouge to the Court.
2009-10-18 15:27
មើលមតិទាំងអស់.