លោកបានឲ្យហេតុផលដូច្នេះថា ៖ «គ្រាន់តែប្រជុំដើម្បីប្រជុំយើងមិនចាំបាច់ប្រជុំទេ វាខាតពេលវេលា ខ្ញុំមិនអាចទៅកាន់ប្រទេសថៃ រហូតដល់ ៣ដង ក្នុងមួយឆ្នាំទេ ព្រោះខ្ញុំមានការងាររបស់ខ្ញុំដែរ ហើយក៏មេដឹកនាំអាស៊ានដទៃទៀត ក៏មានការគិតគូរដូចគ្នាដែរ ហើយប្រទេសបូក៣ គេកំពុងតែមានការងាររបស់គេផងដែរ ប៉ុន្តែមេដឹកនាំអាស៊ានទៅកាន់ប្រទេសថៃ តែ ២ដង វាគ្រប់គ្រាន់ណាស់ទៅហើយ ព្រោះប្រទេសថៃ ត្រូវប្រជុំ ២ដង ប៉ុន្តែបើប្រជុំបែបនេះ វានឹងឡើង ៣ដងហើយ ហើយខ្ញុំមិនមានលទ្ធភាពទេ ហើយប្រហែលជាលទ្ធភាពទៅហួហ៊ីន បើសិនជាប្រជុំបែបនេះ លទ្ធភាពដែលខ្ញុំមិនទៅមានច្រើនជាងទៅ អាហ្នឹងខ្ញុំអាចបញ្ជាក់មិនទាន់ដាច់ណាត់ ក៏ប៉ុន្តែព្រោះគ្រាន់តែប្រជុំតែ១០ អត់មានដៃគូ ប្រហែលជាគ្មានសារសំខាន់ចាំបាច់ដើម្បីធ្វើការប្រជុំទេ»។
សូមបញ្ជាក់ថា ដោយសារតែជម្លោះនយោបាយផ្ទៃក្នុង ប្រទេសថៃបានធ្វើការផ្លាស់ប្តូរកាលបរិច្ឆេទនិងទីកន្លែងប្រជុំកំពូលអាស៊ានប្រចាំឆ្នាំជាញឹកញយ៕