លោក ហ៊ុន សែន ក៏បានស្នើសុំឲ្យស្ថាប័នរដ្ឋ ក្រុមហ៊ុនឯកជន ដែលមានសម្ពន្ធភាពនឹងកងទ័ពឲ្យបន្តជួយឧបត្ថម្ភយោធានៅសមរភូមិមុខបន្ថែមទៀត។ ការស្នើសុំនេះធ្វើឡើងនៅពេលដែលកងទ័ពកម្ពុជា បន្តធ្វើការកែសម្រួលទ័ពនៅក្បែរតំបន់ជម្លោះព្រំដែន។
មន្ត្រីយោធាឲ្យដឹងថា កងទ័ពនៅក្បែរប្រាសាទតាមាន់ និងតាក្របីមួយចំនួនត្រូវបានកែសម្រួល និងកាត់បន្ថយចំនួន។ នេះជាលើកទី៣ហើយ ដែលកងទ័ពកម្ពុជា ត្រូវបានកែសម្រួលក្រោយពេលភាពតានតឹងផ្នែកយោធារវាងកម្ពុជា និងថៃ បានថយចុះ ហើយប្រទេសថៃបានបង្កើតរដ្ឋាភិបាលថ្មីរួចមក។
រដ្ឋាភិបាលកម្ពុជា នៅតែរក្សាជំហរឲ្យមានវត្តមានអ្នកសង្កេតការណ៍ឥណ្ឌូណេស៊ី នៅតំបន់គ្មានយោធាតំបន់ដោយតុលាការយុត្តិធម៌អន្តរជាតិ៕