ក្នុងសន្ទរកថាថារយៈពេលជិត ៣០នាទី លោក ហ៊ុន សែន ថ្លែងថា កម្ពុជាបានជ្រើសរើសប្រធានបទសម្រាប់ឆ្នាំ២០១២ មានខ្លឹមសារអាស៊ានសហគមន៍តែមួយ និងវាសនាតែមួយ ដើម្បីបង្ហាញពីការប្ដេជ្ញាចិត្តរបស់អាស៊ាន ក្នុងការកសាងសហគមន៍អាស៊ាន ជាមហាគ្រួសារជិតស្និទ្ធមួយដែលមានសុខដុមរមនា ទាំងផ្នែកនយោបាយ សន្តិសុខ សេដ្ឋកិច្ច និងសង្គមវប្បធម៌។
លោក ហ៊ុន សែន បន្តថា តាមរយៈនៃកិច្ចប្រជុំទាំងនោះ មេដឹកនាំអាស៊ាន បានសម្រេចបញ្ហាជាច្រើន។
ទោះបីជាមានការអះអាងរបស់លោក ហ៊ុន សែន ពីផលវិជ្ជមានមួយចំនួននៃកិច្ចប្រជុំនេះក៏ដោយ ក៏មានបញ្ហាចម្រូងចម្រាសជាច្រើនទៀតបានកើតឡើងដែរ។ បញ្ហាចម្រូងចម្រាសមានដូចជា បញ្ហាជម្លោះសមុទ្រចិន ខាងត្បូង ការអនុម័តសេចក្ដីប្រកាសសិទ្ធិមនុស្សអាស៊ាន និងបញ្ហាសិទ្ធិមនុស្សទ្វេភាគីរវាងកម្ពុជា និងសហរដ្ឋអាមេរិក។
ក្នុងឱកាសបិទកិច្ចប្រជុំនោះ លោក ហ៊ុន សែន មិនបានអនុញ្ញាតឲ្យអ្នកសារព័ត៌មានសាកសួរពីលទ្ធផលនៃកិច្ចប្រជុំឡើយ ដោយលោកអះអាងថា លោកមានបញ្ហាសុខភាព៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។