នគរបាលខណ្ឌដង្កោរងការចោទថាបាញ់សម្លាប់មនុស្សច្រឡំ
ដោយ សុខ សេរី
2009-10-20
អាជ្ញាធរនគរបាលមូលដ្ឋាននៅក្នុងសង្កាត់ចោមចៅ ខណ្ឌដង្កោ ជាយទីក្រុងភ្នំពេញ បានរងការចោទប្រកាន់ថាបានបាញ់សម្លាប់កម្មករសំណង់ម្នាក់ស្លាប់ភ្លាមៗ កាលពីល្ងាចថៃ្ងអាទិត្យថ្មីៗនេះ ដោយច្រទ្បំមនុស្សដោយមិនសាកសួររកហេតុផលជាមុនទ្បើយ មុននឹងបាញ់ប្រហារមកលើកម្មករនោះ។
លោក ប៊ុត វីរៈ អាយុ៣៧ឆ្នាំ ជាកម្មករសំណង់ រស់នៅក្នុងសង្កាត់ចោមចៅ ខណ្ឌដង្កោ ជាយទីក្រុងភ្នំពេញ និងជាបងប្រុសរបស់លោក ប៊ុត សារឿន ជាកម្មកររងការបាញ់សម្លាប់ដោយសមត្ថកិច្ចនគរបាលនោះ បានថែ្លងថា មេភូមិបាននាំសមត្ថកិច្ចចំនួន៣ឬ៤នាក់មកបាញ់រះចំប្អូនប្រុសរបស់លោកដោយគ្មានបានសាកសួររកហេតុផលអ្វីទាំងអស់ កាលពីល្ងាចថៃ្ងអាទិត្យថ្មីៗនេះ។
លោក ប៊ុត វីរៈ បានឲ្យដឹងថា ៖ «អ្នកដែលស្លាប់ហ្នឹងគឺប្អូនខ្ញុំបង្កើត ឈ្មោះ ប៊ុត សារឿន។ គាត់ជាកម្មករសំណង់ដូចខ្ញុំដែរ តែគាត់មកលេងខ្ញុំ ជួបនឹងឧប្បត្តិហេតុក្មេងឈ្លោះគ្នាទៅ មេភូមិនាំសមត្ថកិច្ចមួយក្រុម ចំនួនប្រហែលជា៤នាក់ ទាំងអស់គ្នាប្រហែលជា៥នាក់ទាំងមេភូមិ... មកបាញ់មនុស្សច្រឡំ ត្រូវប្អូនខ្ញុំ... អត់ត្រូវខ្ញុំទេ ត្រូវប្អូនខ្ញុំស្លាប់។ បាញ់រះហើយ ក៏ខ្ញុំអត់ដឹងថាត្រូវប្អូនខ្ញុំដែរ គេវ៉ៃខ្ញុំ ខ្ញុំសួរថាហេតុអីបានជាលោកមកអត់មានហេតុផល មកដល់បាញ់ ហើយបញ្ជាឲ្យពួកខ្ញុំអង្គុយ អង្គុយក៏វ៉ៃ ឈរក៏វ៉ៃ»។
សាក្សីម្នាក់ឈ្មោះ សំរឹទ្ធ ត្រង់ អាយុ៤៦ឆ្នាំ ដែលបានដឹងនិងឃើញហេតុការណ៍ឃាតកម្មនោះនិងជាសាច់ញាតិជនរងគ្រោះផងដែរ បានថែ្លងថា លោកទាមទាររកយុត្តិធម៌ឲ្យជនរងគ្រោះ។
លោក សំរឹទ្ធ ត្រង់ បានបញ្ជាក់ថា ៖ «ពួកវាហ្នឹងមានបញ្ហាជាមួយក្មេងៗ ហើយវាមកបាញ់ប្អូនខ្ញុំ ដាក់ម៉ូតូមិនទាន់បានស្រួលផងគេបាញ់សម្លាប់ប្អូនខ្ញុំតែម្ដង»។
សុខ សេរី ៖ គ្នាអត់ដឹងរឿងអីសោះ? សំរឹទ្ធ ត្រង់ ៖ បាទ។ សុខ សេរី ៖ ដាក់ម៉ូតូទើបមកពីណា? សំរឹទ្ធ ត្រង់ ៖ មកពីផ្ទះនៅព្រែកទា។ សំណូមពរឲ្យរកយុត្តិធម៌ឲ្យអ្នករងគ្រោះ។
លោក គៀត ចាន់ដារិទ្ធ ជាមន្រ្តីអ្នកនាំពាក្យរបស់អគ្គស្នងការដ្ឋាននគរបាលជាតិកម្ពុជារបស់ក្រសួងមហាផ្ទៃ បានមានប្រសាសន៍ថា លោកមិនទាន់បានទទួលរបាយការណ៍ពីអាជ្ញាធរមូលដ្ឋាននៅទ្បើយទេជុំវិញរឿងខាងលើនេះ។
លោក អំ សំអាត ប្រធានក្រុមស៊ើបអង្កេតនៃអង្គការការពារសិទ្ធិមនុស្សក្រៅរដ្ឋាភិបាល ហៅកាត់ថា លីកាដូ ដែលបានដឹងរឿងឃាតកម្មនេះ បានមានប្រសាសន៍ថា សមត្ថកិច្ចត្រូវតែរកយុត្តិធម៌ដល់ជនរងគ្រោះ។
លោក អំ សំអាត បានមានប្រសាសន៍ថា ៖ «អង្គការលីកាដូយើងនឹងគ្រោងដាក់លិខិតអន្តរាគមន៍ទៅខាងស្នងការដ្ឋាននគរបាលរាជធានីភ្នំពេញ ក៏ដូចជាព្រះរាជអាជ្ញាអមតុលាការក្រុងភ្នំពេញ ដើម្បីឲ្យលោកជ្រាបនិងចាត់វិធានការលើករណីនេះ»។
ការបាញ់សម្លាប់កម្មករម្នាក់ឈ្មោះ ប៊ុត សារឿន ជាកម្មករសំណង់ខាងលើនេះគឺក្រោយពេលពីមានក្រុមកម្មករចំនួន៣ឬ៤នាក់បានឈ្មោះប្រកែកគ្នាជុំវិញការចែកលុយគ្នាមិនស្មើ កាលពីល្ងាចថៃ្ងអាទិត្យវេលាម៉ោង៤ឬម៉ោង៥ ចុងសប្តាហ៍ថ្មីៗនេះ ហើយក្រោយមកនៅវេលាម៉ោង៨យប់ មេភូមិបាននាំនគរបាលមូលដ្ឋានចំនួន៣នាក់ និងជនស៊ីវិលចំនួន២នាក់រាប់ទៀតទាំងមេភូមិផងដែរ បានមកបាញ់រះចំកម្មករឈ្មោះ ប៊ុត សារឿន ដែលមកឈរនិយាយលេងជាមួយនឹងបងប្រុសរបស់គាត់នៅខាងមុខផ្ទះដោយមិនបានដឹងរឿងអ្វីទ្បើយ។
មកដល់ពេលនេះ គេនៅមិនទាន់មានចំណាត់ការណាមួយនៅឡើយទេទៅលើមន្ត្រីនគបាលរូបនេះ។ ដោយឡែកមន្ត្រីសិទ្ធិមនុស្សកំពុងរៀបចំពាក្យបណ្តឹងនៅជុំវិញរឿងឃាតកម្មនេះ៕
អត្ថបទដែលទាក់ទង
អង្គការសេដាក់គ្រោងនាំអង្ករសរីរាង្គទៅទីផ្សារអឺរ៉ុបនិងអាមេរិក
អាជ្ញាធរស្វែងរកការបិទមន្ទីរព្យាបាលជំងឺមួយនៅរតនគិរី
អតីតប្រធានាធិបតីអាមេរិកសម្ពោធផ្ទះសម្រាប់ជនក្រីក្រនៅខែត្រកណ្ដាល
ទីតាំងផលិតប្រេងម្រះព្រៅភ្នំ២កន្លែងនៅពោធិ៍សាត់ត្រូវបានកម្ទេច
គណៈកម្មការខ្មែរម្ចាស់ស្រុកនឹងរៀបចំកិច្ចប្រជុំស្ដីពីបញ្ហានៅកម្ពុជា
អាជ្ញាធរខេត្តឧត្ដរមានជ័យរារាំងរថយន្តដឹកព្រះពុទ្ធបដិមារបស់ម៉មសូណង់ដូ
ប្រជានេសាទប្រតិកម្មចំពោះការកំណត់ប្រភេទឧបករណ៍នេសាទ
បញ្ហាធូលីហុយនៅតាមផ្លូវជាតិលេខ៣ប៉ះពាល់ដល់សុខភាពអ្នកស្រុក
ពលរដ្ឋនៅព្រៃវែងត្អូញពីបញ្ហាសមត្ថកិច្ចស្ទាក់ទារប្រាក់តាមផ្លូវ
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
I need legality justic for my freind.
2009-10-21 22:44
how dare they kill people without asking anything? it is as if no law
2009-10-21 22:30
The court must find justice for the death and his family. The court must punish that terrible police and village chief regardless of whatever their reason is. Their shooting caused one man to die. He is a human not an animal. If no punishment, no justice, no independent court, impunity still exist in this country. Think again.
2009-10-21 00:13
Police office should know about action that their member do because have people die, they should know it well.
2009-10-20 23:27
Why those stupid polices do that. They've no rigth to judge or kille people.Why they don't obey the laws. They're only a small polices they not afraid of any things, If they lead the country they'll kill every body.
2009-10-20 22:39
មើលមតិទាំងអស់.