លោក សុខ ពេញវុធ អភិបាលខណ្ឌដូនពេញ មានប្រសាសន៍ឲ្យកាសែតភ្នំពេញប៉ុស្តិ៍ដឹងផ្សាយបន្តថា ការចុះបង្រ្កាបបទល្មើសពេស្យាចារនោះគឺធ្វើឡើងនៅមុនថ្ងៃផ្តើមពិធីបុណ្យអុំទូកមួយថ្ងៃពីរ ដើម្បីទប់ស្កាត់នូវការរីករាលដាលនៃជំងឺអេដស៍ឆ្លងដល់ក្រុមកីឡាករប្រណាំងទូក ដែលអាចនឹងចម្លងបន្តនាំទៅដល់ភរិយានៅឯមូលដ្ឋាន។
អាជ្ញាធរក្រុងបានរំឭកដល់ក្រុមកីឡាករប្រណាំងទូកថា លោកអាចឈ្នះការប្រកួតប្រណាំងទូក ប៉ុន្តែលោកមិនអាចឈ្នះមេរោគអេដស៍ទេ បើគ្មានកិច្ចការពារនិងចៀសវាង៕