ស្នងការនគរបាលក្រុងភ្នំពេញអំពាវនាវឲ្យពលរដ្ឋជួយបង្ក្រាបអាជីវកម្មផ្លូវភេទ
ដោយ អយុធ្យា
2009-11-02
លោក ទូច ណារ៉ុថ ស្នងការនគរបាលរាជធានីភ្នំពេញ មានប្រសាសន៍ដោយបានអំពាវនាវដល់មន្ត្រីរាជការ ប្រជាពលរដ្ឋ ត្រូវជួយសហការផ្តល់ព័ត៌មានទាក់ទងទៅនឹងទីតាំងទាំងឡាយណាដែលបានបើកធ្វើអាជីវកម្មផ្លូវភេទដើម្បីបង្ក្រាបនិងទប់ស្កាត់។
ស្នងការនគរបាលរាជធានីភ្នំពេញ លោក ទូច ណារ៉ុថ (រូបមុខ)។
លោកបញ្ជាក់ថា ការប្រកបរបររកស៊ីផ្លូវភេទនេះ អាជ្ញាធរមិនមែនធ្វើការរឹតបន្តឹងតែក្នុងព្រះរាជពិធីបុណ្យអុំទូកនេះទេ ប៉ុន្តែសកម្មភាពនេះសមត្ថកិច្ចបានធ្វើជាប្រចាំ ដោយមិនអនុញ្ញាតឲ្យមានការប្រកបអាជីវកម្មជួញដូរផ្លូវភេទនេះឡើយ។
លោក ទូច ណារ៉ុថ មានប្រសាសន៍ឲ្យវិទ្យុអាស៊ីសេរីដឹងនៅព្រឹកថ្ងៃអាទិត្យនេះដូច្នេះ ៖ «កន្លងមកយើងមិនដែលឲ្យបើកហាងស្រីខូចធ្វើអាជីវកម្មទេ វាគ្មាន អត់មានច្បាប់ណាអនុញ្ញាតឲ្យបើកអាជីវកម្មពេស្យាចារនោះទេ ក៏ប៉ុន្តែបើសិនជាមានការលួចលាក់ ប្រជាពលរដ្ឋជាមួយយើងសហការបិទ ជាពិសេសក្នុងព្រះរាជពិធីបុណ្យអុំទូកនេះ។ ពិសេសសមត្ថកិច្ចយើងយកចិត្តទុកដាក់សហការជាមួយប្រជាពលរដ្ឋដើម្បីក្ដាប់សភាពការណ៍ បើសិនជាមានកន្លែងលួចបើកបនស្រីបនអី យើងបង្ក្រាប ដើម្បីចៀសវាងចំណុះទូកដែលបងប្អូនមកហ្នឹងគាត់ចូលទៅលេងអី នាំអាចមាន សំខាន់បំផុតយើងខ្លាចការឆ្លងជំងឺអេដស៍ ជំងឺអីនោះ។ អ៊ីចឹងបានថា និយាយរួមយើងធ្វើរហូត មិនមែនយើងមិនធ្វើទេ សហការជាមួយប្រជាពលរដ្ឋ ក៏ប៉ុន្តែគ្រាន់តែយើងបង្កើនសកម្មភាពសហការជាមួយប្រជាពលរដ្ឋបន្ថែមទៀតនៅពេលដែលមានពិធីបុណ្យផ្សេងៗ ដើម្បីចៀសវាងការឆ្លងជំងឺអេដស៍ ឬការរីករាលដាលនេះ»។
ទោះបីជាលោកស្នងការនគរបាលរាជធានីភ្នំពេញបានអះអាងពីការទប់ស្កាត់និងបង្ក្រាបមិនឲ្យមានផ្ទះ ឬហាងធ្វើអាជីវកម្មផ្លូវភេទបែបនេះក៏ដោយ ក៏ប៉ុន្តែប្រជាពលរដ្ឋបានអះអាងថា ផ្ទះឬហាងដែលបើកប្រកបរបររកស៊ីផ្លូវភេទនេះនៅតែកើតមានសកម្មភាពព្រោងព្រាតក្នុងរាជធានីភ្នំពេញ ដោយមិនមានការបង្ក្រាបពីសមត្ថកិច្ចពាក់ព័ន្ធផ្នែកណាមួយឡើយ។
បុរសអ្នកបើកតាក់ស៊ីម្នាក់នៅទីក្រុងភ្នំពេញ ដែលនិយាយស្នើសុំមិនឲ្យវិទ្យុអាស៊ីសេរីបញ្ចេញឈ្មោះ មានប្រសាសន៍ថា ហាងស្រីប្រកបរបររកស៊ីលក់ភេទនៅតែកើតមានព្រោងព្រាតនិងចេញមុខពេញទំហឹងនៅក្នុងរាជធានីភ្នំពេញ ប៉ុន្តែមិនឃើញមានការបង្ក្រាបណាមួយពីសមត្ថកិច្ចនោះឡើយ។ ផ្ទុយទៅវិញ គេឃើញមានសមត្ថកិច្ចចម្រុះគ្រប់ផ្នែកតែងតែយកលុយពីម្ចាស់ហាងស្រីប្រកបរបររកស៊ីផ្លូវភេទនេះថែមទៀត តាមរយៈការដាក់ខែនិងការយកលុយជាប្រចាំថ្ងៃ ដែលសកម្មភាពនេះបានកើតមានយ៉ាងសកម្មនៅពេលរាត្រី។
បុរសអ្នករត់តាក់ស៊ីរូបនេះបានបង្ហាញពីទីតាំងហាងស្រីរកស៊ីផ្លូវភេទដែលលោកធ្លាប់ដឹកភ្ញៀវទៅរកសេវាផ្លូវភេទដូច្នេះ ៖ «ឃើញនៅតែមានដដែលហ្នឹង តំបន់ស្រីខូចហ្នឹងនៅឃើញដដែលហ្នឹង នៅមាន។ មានតំបន់ទួលគោក និងជុំវិញវត្តភ្នំ ហើយនិងត្រឡោកបែក តាមតំបន់រោងកុនលុច ហើយនិងផ្លូវ៦៣ នៅមានដដែល។ គេលួចលាក់យ៉ាងម៉េច អត់ដឹងដែរ! ឃើញនៅតែមានដដែល»។
ទោះជាបែបនេះក៏ដោយ សមត្ថកិច្ចនៅតែអះអាងក្នុងការបង្ក្រាបនិងទប់ស្កាត់ជាមួយការអំពាវនាវដល់ប្រជាពលរដ្ឋទាំងអស់ត្រូវបង្ហាញពីទីតាំងទាំងឡាយណាដែលបើកប្រកបរបររកស៊ីផ្លូវភេទនេះ ដើម្បីធ្វើការទប់ស្កាត់និងបង្ក្រាប ព្រមទាំងចាប់ជនល្មើសយកមកផ្តន្ទាទោសនៅចំពោះមុខច្បាប់។ លោកបញ្ជាក់ថា ចំពោះសមត្ថកិច្ចរូបណាដែលបានប្រព្រឹត្តជាមួយអ្នកប្រព្រឹត្តល្មើសក៏នឹងត្រូវធ្វើការផ្តន្ទាទោសដូចជាអ្នកប្រព្រឹត្តដូច្នេះដែរ៕
អត្ថបទដែលទាក់ទង
អង្គការសេដាក់គ្រោងនាំអង្ករសរីរាង្គទៅទីផ្សារអឺរ៉ុបនិងអាមេរិក
អាជ្ញាធរស្វែងរកការបិទមន្ទីរព្យាបាលជំងឺមួយនៅរតនគិរី
អតីតប្រធានាធិបតីអាមេរិកសម្ពោធផ្ទះសម្រាប់ជនក្រីក្រនៅខែត្រកណ្ដាល
ទីតាំងផលិតប្រេងម្រះព្រៅភ្នំ២កន្លែងនៅពោធិ៍សាត់ត្រូវបានកម្ទេច
គណៈកម្មការខ្មែរម្ចាស់ស្រុកនឹងរៀបចំកិច្ចប្រជុំស្ដីពីបញ្ហានៅកម្ពុជា
អាជ្ញាធរខេត្តឧត្ដរមានជ័យរារាំងរថយន្តដឹកព្រះពុទ្ធបដិមារបស់ម៉មសូណង់ដូ
ប្រជានេសាទប្រតិកម្មចំពោះការកំណត់ប្រភេទឧបករណ៍នេសាទ
បញ្ហាធូលីហុយនៅតាមផ្លូវជាតិលេខ៣ប៉ះពាល់ដល់សុខភាពអ្នកស្រុក
ពលរដ្ឋនៅព្រៃវែងត្អូញពីបញ្ហាសមត្ថកិច្ចស្ទាក់ទារប្រាក់តាមផ្លូវ
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
To reponse to Mr. Touch Naruth who want to delate the prostitution in Cambodia. I am surprise that he asked the help, the prostitution place is every where, in all night club and bar...Maybe he is one of the people who go to the prostitution place too but if he is not that person, he is really honest and he really want to give a good futur to Cambodia, we need him and others people like him to delate the prostitution and the corruptions, he can, he just goes out at the night as ordinary citizen or police and he will see himself every thing. I'm not the only one who want to help him, he can count on all cambodians. <br>Thank and welcome to him and to all who give and want to give a good FUTUR to our children.
2009-11-03 04:12
Prostitutiona are having in every countries around the world, even USA or heaven...Why?...the reason is that, How do we protect them, educate them for changing jobs...(every things base on Budget!...)
2009-11-02 23:35
Kind of hard to find the guys who get money from the whorehouse and protect the prostitutes.May be easier to legalize prostitution and having doctors check their health and the government collect tax for state revenues.Prohibition or publicly opened makes no different,people sill do it anyway.
2009-11-02 23:16
this factor, is a hard factor that polices job canno do better than that. one police sitll need some money, seconds men still need women, third those women don't have job to do, and their families needs someting to eat,if friend touch narut keep proclame about this, it is not nice of our entire nation, especially in Phmon penh. for my idea just leave them alone, soon or later they will be turned back to normal, importanly find a lot of job for them first, then arrest them later friend touch na rut.
2009-11-02 22:32
I think it is not good no matter how the police try to work out with it but they still secretly run this kind of sexual trade therefore some authority accept their money in order to allow them to go on their business.
2009-11-02 21:47
មើលមតិទាំងអស់.